საქართველოს ფინანსთა სამინისტროს სახაზინო ობლიგაციებზე საპროცენტო განაკვეთი შემცირდა

საქართველოს ფინანსთა სამინისტრომ 2023 წლის 5 სექტემბერს 2-წლიანი 40 მლნ ლარის (15.2 მლნ აშშ დოლარის) ოდენობის ბენჩმარკ ბონდები გაყიდა.

„ამასთან, მოთხოვნა 1.7-ჯერ მაღალი იყო .და საშუალო შეწონილი საპროცენტო განაკვეთი წინა აუქციონთან შედარებით 0.069პპ-ით შემცირდა და 8.336% შეადგინა“, - ამის შესახებ  Galt & Taggart-ის კვირის მიმოხილვაშია ნათქვამი.

ასევე, საქართველოს ფინანსთა სამინისტრომ 2023 წლის 5 სექტემბერს 6-თვიანი 20 მლნ ლარის (7.6 მლნ აშშ დოლარის) ოდენობის სახაზინო ვალდებულებები გაყიდა.

ამასთან, მოთხოვნა 2.0-ჯერ მაღალი იყო და საშუალო შეწონილი საპროცენტო განაკვეთი წინა აუქციონთან შედარებით 0.110პპ-ით გაიზარდა და 9.463% შეადგინა.

უახლესი აუქციონი დაგეგმილია 2023 წლის 12 სექტემბერს, სადაც 1-წლიანი 20 მლნ ლარის ნომინალური ღირებულების სახაზინო ვალდებულებები და 10-წლიანი 25 მლნ ლარის ნომინალური ღირებულების ბენჩმარკ ობლიგაციები გაიყიდება.