საქართველოს დამსაქმებელთა ასოციაციის იურიდიული კომიტეტის ხელმძღვანელი და იურიდიული ფირმა „ბი ვი ქონსალთინგის“ მმართველი პარტნიორი ვახტანგ შურღაია მიიჩნევს, რომ მიგრაციის კანონში განხორციელებული ცვლილებები ბიზნესის მოთხოვნებს ითვალისწინებს და რეგულაციებს მნიშვნელოვნად ამსუბუქებს. როგორც მან ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა, მიგრაციის კანონში ცვლილებების შედეგად, რეგულაციები აღარ გავრცელდება კომპანიების ხელმძღვანელ პირებზე და მოკლევადიან ვიზიტებზე ჩამოსულ სპეციალისტებზე.

„გაუმჯობესებული ვითარება გვაქვს, პარლამენტმა მიიღო ცვლილებები კანონში. ფაქტობრივად ის ძირითადი შენიშვნები რაც ბიზნესს ჰქონდა და რაც აწუხებდა, ყველაფერი გათვალისწინებული არის, რაც ესე ვთქვათ ძალიან კარგი არის. შესაბამისად აღარ გავრცელდება აღნიშნული კანონი ისეთ პირებზე, როგორიცაა პარტნიორები კომპანიების, დირექტორებზე და სამეთვალყურეო საბჭოს წევრებზე, რომლებიც პირველი და მეორე და მესამე კატეგორიის საწარმოებში მოქმედებენ, ანუ ეს მსხვილ საწარმოებზეა საუბარი. ასევე კანონი არ გავრცელდება მოკლევადიანი სპეციალურ ვიზიტით ერთი კვირით ან ორი დღით რომ ჩამოდიოდა ადამიანი - რაღაც ან ექიმი, ან შესაბამისად მუსიკოსი, ან ასე შემდეგ - ასეთ პირებზეც არ გავრცელდება. არ გავრცელდება ეს კანონი დისტანციურად მუშაობაზე და ასე შემდეგ. შესაბამისად აღნიშნული ცვლილებები ესე ვთქვათ ზუსტად იმის გამოძახილია, რაც ბიზნესს ჰქონდა, რაც ჩვენ შეხვედრაზეც დავაფიქსირეთ როგორც მინისტრთან, ასევე სამინისტროს სხვა პირებთან და ეს ძალიან კარგია შესაბამისად“, - ამბობს ვახტანგ შურღაია.

მისივე თქმით, მიგრაციის კანონში ცვლილებები ეტაპობრივად ამოქმედდება, რის გამოც ბაზარზე მნიშვნელოვანი რყევები არ არის მოსალოდნელი.

„ამ ეტაპზე ბაზარი სტაბილურია, რადგან კანონი დაუყოვნებლივ არ შედის ძალაში და გარდამავალ პერიოდს ითვალისწინებს. მისი ძირითადი ნაწილი, რომელიც საქართველოში დასაქმებულ უცხოელებს ეხება, მომავალი წლის პირველი იანვრიდან ამოქმედდება. შესაბამისად, ბიზნესს საკმარისი დრო აქვს მოსამზადებლად და დოკუმენტაციის მოსაწესრიგებლად, ამიტომ დიდ რყევებს არ ველოდებით. მიუხედავად ამისა, რეგულაციის საჭიროებაზე ბიზნესსექტორიც თანხმდებოდა და მისი მიღებაც დროული იყო“, - ამბობს შურღაია.

ვახტან შურღაია ასევე განმარტავს, რომ მიგრაციის კანონში ცვლილებებით გადაიხედა მოთხოვნები ბანკების სამეთვალყურეო საბჭოს წევრებთან დაკავშირებით, სადაც ნებართვის ვალდებულება არარელევანტურ შემთხვევებზე გაუქმდა.

„ბანკების სამეთვალყურეო საბჭოს წევრების შემთხვევაში, გაუგებარი იყო, რატომ ხდებოდა ნებართვის გაცემა ისეთ პირებზე, რომლებიც საქართველოში, შესაძლოა, ჯამში ერთი კვირაც კი არ ყოფილიყვნენ ნამყოფები. შესაბამისად, ეს საკითხი კომუნიკაციის ნაწილი იყო და კარგია, რომ შემდგომში მისი გამოსწორება მოხდა“, - ამბობს საქართველოს დამსაქმებელთა ასოციაციის იურიდიული კომიტეტის ხელმძღვანელი და იურიდიული ფირმა „ბი ვი ქონსალთინგის“ მმართველი პარტნიორი.

მიგრაციის ახალი კანონი ეტაპობრივად ამოქმედდება. ბიზნესს მომზადებისთვის დრო ეძლევა და ბაზარზე დიდი რყევები არ არის მოსალოდნელი.

„ამ ეტაპზე ბაზარი სტაბილურია, რადგან კანონი დაუყოვნებლივ არ შედის ძალაში და გარდამავალ პერიოდს ითვალისწინებს. მისი ძირითადი ნაწილი, რომელიც საქართველოში დასაქმებულ უცხოელებს ეხება, მომავალი წლის პირველი იანვრიდან ამოქმედდება. შესაბამისად, ბიზნესს საკმარისი დრო აქვს მოსამზადებლად და დოკუმენტაციის მოსაწესრიგებლად, ამიტომ დიდ რყევებს არ ველოდებით. მიუხედავად ამისა, რეგულაციის საჭიროებაზე ბიზნესსექტორიც თანხმდებოდა და მისი მიღებაც დროული იყო“, - აცხადებს შურღაია.