2026 წელს ცემენტის ფასის 7%-ით ზრდაა მოსალოდნელი - Galt & Taggart

ეკონომიკა

GITA-მ „5000 IT სპეციალისტის პროგრამაზე“ მიღება დაასრულა - 1 000 აპლიკანტი სწავლას სახელმწიფო დაფინანსებით იწყებს

28.04.2026.11:45

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტომ (GITA) „5000 IT სპეციალისტის მომზადების პროგრამის“ ფარგლებში აპლიკანტთა მიღებისა და ჩარიცხვის პროცესი დაასრულა. პროექტის მიმდინარე ეტაპზე, სახელმწიფო დაფინანსებით, სწავლის უფლება 1 000-მა აპლიკანტმა მოიპოვა.

ჩარიცხულთა რაოდენობა მიმართულებების მიხედვით შემდეგნაირად გადანაწილდა: პროგრამირება - 500 სტუდენტი; დიზაინი - 250 სტუდენტი; მართვა/მხარდაჭერა - 150 სტუდენტი; ხელოვნური ინტელექტი (AI) - 100 სტუდენტი.

ინოვაციების და ტექნოლოგიების სააგენტოს თავმჯდომარის მოადგილე თორნიკე ჯობავა აღნიშნავს, რომ Do IT in Georgia-ს საბაზისო უნარების პროგრამის მეოთხე ნაკადზე რეკორდული რაოდენობის - 31 000-ზე მეტი აპლიკაცია შევიდა.

“შემოსული განაცხადებიდან 1000 აპლიკანტი, სახელმწიფოს სრული დაფინანსებით, ყველაზე მოთხოვნად IT უნარებს დაეუფლება. აღსანიშნავია, რომ საქართველო წარმოადგენს ტექნოლოგიურ გზაჯვარედინს და იმისათვის, რომ ქვეყანამ ეს პოტენციალი მაქსიმალურად გამოიყენოს, საჭიროა უზრუნველყოს ტალანტების მუდმივი განვითარება. სწორედ ამ მიზანს ემსახურება აღნიშნული პროექტი” - განაცხადა თორნიკე ჯობავამ.

პროექტის მეოთხე ნაკადის ფარგლებში, პროცესში 13 საგანმანათლებლო დაწესებულება იყო ჩართული. ჯამში, მონაწილეებს შესაძლებლობა ჰქონდათ, წარმოდგენილი 72 კურსიდან მათთვის სასურველი, მაქსიმუმ 5 სასწავლო პროგრამა შეერჩიათ.

აღსანიშნავია, რომ მეოთხე ნაკადისთვის სასწავლო მოდულები კიდევ უფრო გაფართოვდა და დაემატა ხელოვნური ინტელექტის (AI) სპეციალიზებული კურსები: AI Engineering & Data და Creative AI & Prompting.

პროგრამა ინიციატივის „Do IT in Georgia“-ს შემადგენელი ნაწილია. მისი სტრატეგიული ამოცანაა საქართველოში მაღალანაზღაურებადი სამუშაო ძალის მომზადება, მოქალაქეების ციფრულ სამყაროსთან ადაპტაცია და შრომის ბაზარზე გენდერული თანასწორობის ხელშეწყობა.

IT კურსების შესახებ სრული ინფორმაცია განთავსებულია ინტეგრირებულ ონლაინ პლატფორმაზე - edu.doit.gov.ge. აღნიშნული რესურსი მოქალაქეებს საშუალებას აძლევს, ერთიან სივრცეში გაეცნონ პროფესიული განვითარების ყველა შესაძლებლობას, რაც მნიშვნელოვნად ამარტივებს ციფრულ ინდუსტრიაში კარიერული გზის დაგეგმვას.

ხელოვნური ინტელექტი უნდა გამოვიყენოთ რაციონალურად და მაქსიმალურად სწორად - სოსო გიორგაძე 28.04.2026.11:20

ვმუშაობთ ქუთაისში განახლებული სასწავლო ცენტრის გახსნაზე - სოსო გიორგაძე 28.04.2026.11:10