ჩვენი მოლოდინია, რომ 2026 წელს ეკონომიკური ზრდის მაღალი ტემპი შენარჩუნდება, რასაც ხელს უწყობს საქართველოს მთავრობის სწორი და თანმიმდევრული ეკონომიკური პოლიტიკა - ვახტანგ ცინცაძე
2025 წლის ეკონომიკური აქტივობის მაღალი ზრდის ტენდენცია 2026 წელსაც გაგრძელდა და იანვარში ეკონომიკური ზრდა 7.9%-ით განისაზღვრა. ეკონომიკისა და მდგრადი განვითარების მინისტრის მოადგილის ვახტანგ ცინცაძის განცხადებით, ეკონომიკურ ზრდაში მნიშვნელოვანი პოზიტიური წვლილი განათლების, ინფორმაციისა და კომუნიკაციის, საფინანსო და სადაზღვევო საქმიანობების და სხვა სექტორებმა შეიტანა.
როგორც მინისტრის მოადგილემ აღნიშნა, ეკონომიკური ზრდის ხელშემწყობი იყო ასევე საგარეო ვაჭრობის მიმართულებით დაფიქსირებული პოზიტიური ტენდენციები - ექსპორტის მოცულობა გაიზარდა 19%-ით და 480.4 მილიონი აშშ დოლარი შეადგინა. ვახტანგ ცინცაძემ ყურადღება გაამახვილა ადგილობრივ ექსპორტის ზრდაზე, რომელიც 68%-ს გაუტოლდა და 312 მლნ აშშ დოლარს მიაღწია.
მინისტრის მოადგილემ აქცენტი გააკეთა 2026 წელს მსხვილი სახელმწიფო ინფრასტრუქტურული პროექტების დაჩქარებაზე, რაც, მისი შეფასებით, პოზიტიურად აისახება ეკონომიკურ ზრდის ტემპსა და ქვეყნის ეკონომიკურ ტენდენციებზე. „ჩვენი მოლოდინია, რომ 2026 წელს ეკონომიკური ზრდის მაღალი ტემპი შენარჩუნდება, რასაც ხელს ის სწორი და თანმიმდევრული ეკონომიკური პოლიტიკა უწყობს, რასაც საქართველოს მთავრობა ახორციელებს", - განაცხადა ვახტანგ ცინცაძემ.
სხვა სიახლეები
რომელ ქვეყნებში ახორციელებს საქართველო ოქროს ექსპორტს - l კვარტლის სტატისტიკა
24.04.2026.19:00
2026 წლის იანვარ-მარტში საქართველომ ექსპორტზე 43 671.2 ათასი დოლარის ღირებულების ოქრო გაიტანა. საქსტატის მონაცემების მიხედვით, მიმდინარე წლის პირველ კვარტალში ქვეყნიდან ექსპორტირებული ოქროს რაოდენობა გასული წლის ანალოგიურ პერიოდის მაჩვენებლებზე ნაკლებია.
უფრო კონკრეტულად, 2026 წლის იანვარ-მარტში ექსპორტზე 0.4 ტონა ოქრო (დაუმუშავებელი, ნახევრადდამუშავებული ან ფხვნილის სახით) გავიდა, ხოლო 2025 წლის იმავე პერიოდში ასევე 0.6 ტონა ოქრო იქნა ექსპორტირებული. პირველ კვარტალში ოქროს ექსპორტი 33%-ით არის შემცირებული.
სტატისტიკა აჩვენებს, რომ წელს ექსპორტირებული ოქროს ღირებულება მნიშვნელოვნად აღემატება გასული წლის მაჩვენებელს - 2025 წლის იანვარ-მარტში ქვეყნიდან სულ 27 798.7 ათასი დოლარის ღირებულების ოქრო გავიდა.
ქვეყნები, სადაც საქართველომ ოქროს ექსპორტი განახორციელა:
I კვარტალი საქართველომ $47 მილიონის ღირებულების მინერალური და მტკნარი წყლების ექსპორტი განახორციელა
24.04.2026.17:00
ანაკლიის ღრმაწყლოვანი ნავსადგურის სამობილიზაციო სამუშაოები დასრულებულია და პროექტი აქტიურ სამშენებლო ფაზაში გადადის - თამარ იოსელიანი
24.04.2026.13:18
საქართველოში წარმოებული ნატურალური წვენებისთვის მთავარი საექსპორტო ბაზარია გერმანია
24.04.2026.13:00
