პარლამენტი სახელმწიფო უსაფრთხოების სამსახურის ახალ ხელმძღვანელს მიმდინარე კვირაში დაამტკიცებს
პარლამენტმა სახელმწიფო უსაფრთხოების სამსახურის ახალი ხელმძღვანელი მიმდინარე კვირას უნდა დაამტკიცოს. პოსტზე საქართველოს პრემიერ-მინისტრის მიერ წარდგენილ კანდიდატურას, გეკა გელაძეს ჯერ თავდაცვისა და უსაფრთხოების კომიტეტზე მოუსმენენ, რის შემდეგაც საკითხი დასამტკიცებლად პარლამენტის პლენარულ სხდომაზე გავა.
საქართველოს პარლამენტი სახელმწიფო უსაფრთხოების სამსახურის ხელმძღვანელს 6 წლის ვადით ირჩევს, კანდიდატს პოსტზე დასამტკიცებლად 76 დეპუტატის ხმა სჭირდება. კანონმდებლები დარწმუნებულები არიან, რომ გეკა გელაძე უწყებას ისევე ღირსეულად გაუძღვება, როგორც ეს შს მინისტრის პოსტზე საქმიანობისას იყო.
„ბატონი გეკა გელაძის ხელმძღვანელობით ეს სამსახური მასზე დაკისრებული ფუნქციების წარმატებით განხორციელებას გააგრძელებს. რაც მან შეძლო შს მინისტრის პოზიციაზე, ცალსახად იყო ის, რომ ორგანიზებული დანაშაულის წინააღმდეგ და ნარკომიმართულებით ბრძოლა გაასმაგდა. მჯერა, რომ უკვე სუს-ის უფროს პოზიციაზე ის ასევე წარმატებული იქნება და გააგრძელებს ყველა იმ რეფორმას, რომელიც ბატონმა მამუკა მდინარაძემ დაიწყო“, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ გიორგი ჩაკვეტაძემ.
დღის ტოპ 10 სიახლე
სხვა სიახლეები
ავლაბრის რეზიდენციაში მაკა ბოჭორიშვილისა და პაველ ჰერჩინსკის შეხვედრა გაიმართა
27.04.2026.14:27
ავლაბრის რეზიდენციაში საქართველოს საგარეო საქმეთა მინისტრის, მაკა ბოჭორიშვილისა და საქართველოში ევროკავშირის ელჩის, პაველ ჰერჩინსკის შეხვედრა გაიმართა.
არსებული ინფორმაციით, პაველ ჰერჩინსკიმ ავლაბრის რეზიდენცია უკვე დატოვა.
პაველ ჰერჩინსკის შეხვედრაზე დაბარება მის მიერ გაკეთებულ განცხადებას უკავშირდება. საქართველოში ევროკავშირის ელჩმა პაველ ჰერჩინსკიმ განაცხადა: „ჩვენ არ უნდა დავუშვათ, რომ საქართველო და შესანიშნავი, თბილი, სტუმართმოყვარე ქართველი ხალხი დაბრუნდეს ძალადობის, სამოქალაქო ომის, სიღარიბის, გაჭირვების, კორუფციის ბნელ დროში“.
პარლამენტი სახელმწიფო უსაფრთხოების სამსახურის ახალ ხელმძღვანელს მიმდინარე კვირაში დაამტკიცებს
27.04.2026.10:04
საქართველოს მთავრობის ადმინისტრაციის უფროსი ლევან ჟორჟოლიანი საქართველოში პოლონეთის მისიის ხელმძღვანელს არტურ გებალს შეხვდა
24.04.2026.17:57
მაკა ბოჭორიშვილი საქართველოს თავმჯდომარეობით, ეუთო-ს უსაფრთხოებისთვის თანამშრომლობის ფორუმის პირველ სხდომაში მიიღებს მონაწილეობას
22.04.2026.12:34
