ავთანდილ კასრაძემ უნგრეთის ელჩთან სამომავლო თანამშრომლობის მიმართულებები განიხილა
ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარე, ავთანდილ კასრაძე უნგრეთის საგანგებო და სრულუფლებიან ელჩს საქართველოში, პეტრა პონევაჩ-პანას შეხვდა. მხარეებმა ორ ქვეყანას შორის ინოვაციების სფეროში პარტნიორობის გაღრმავების პერსპექტივები განიხილეს.
შეხვედრის ფარგლებში ხაზი გაესვა უნგრეთის ინოვაციების სააგენტოსთან (NIÜ) არსებულ თანამშრომლობასა და Horizon Europe-ის კონსორციუმებში ერთობლივი მონაწილეობის წარმატებულ პრაქტიკას.
სამომავლო გეგმებზე საუბრისას აქცენტი სამ პრიორიტეტულ მიმართულებაზე გაკეთდა: ინსტიტუციური კავშირების გაძლიერება, ერთობლივი საგანმანათლებლო ინიციატივები და ინოვაციური პროექტების მხარდაჭერა. განსაკუთრებული ყურადღება დაეთმო ისეთ ორმხრივ ფორმატებს, როგორიცაა ტექნოლოგიური ბანაკები ახალგაზრდებისთვის, სტარტაპების მხარდაჭერის მექანიზმები და სექტორული ინკუბაციის პროგრამების განვითარება.
დღის ტოპ 10 სიახლე
სხვა სიახლეები
თბილისი-ბაკურციხე-ლაგოდეხის გზაზე ახალი ხიდის მშენებლობა დასრულდა
30.04.2026.12:18
ინფრასტრუქტურის სამინისტროს საავტომობილო გზების დეპარტამენტმა საერთაშორისო მნიშვნელობის თბილისი-ბაკურციხე-ლაგოდეხის საავტომობილო გზის 57-ე კილომეტრზე, ხევზე ახალი სახიდე გადასასვლელის მშენებლობა დაასრულა.
არსებული ხიდი, რომელიც გასული საუკუნის 60-იან წლებში იყო აშენებული, ამორტიზებული იყო და რეაბილიტაციას აღარ ექვემდებარებოდა, რის გამოც ახალი ხიდის მშენებლობა გახდა აუცილებელი.
ახალი ხიდი ერთმალიანი, ჭრილკოჭოვანი კონსტრუქციისაა. მისი სიგანე 14.6 მეტრს, ხოლო საერთო სიგრძე 31.7 მეტრს შეადგენს. ხიდს აქვს ორი სანაპირო ბურჯი.
პროექტი სახელმწიფო ბიუჯეტიდან დაფინანსდა და მისმა ღირებულებამ 1 768 900 ლარი შეადგინა.
