ComCom-ის თავმჯდომარემ მსოფლიო ბანკის წარმომადგენელთან მიმდინარე თანამშრომლობა და სამომავლო პროექტები განიხილა
კომუნიკაციების კომისიის თავმჯდომარემ, გოგა გულორდავამ, მსოფლიო ბანკის ციფრული განვითარების სპეციალისტთან, ჰიმატ სინგჰ სანდჰუსთან შეხვედრა გამართა, რომელიც კომისიისა და მსოფლიო ბანკის თანამშრომლობის საკითხებსა და „Log In Georgia“-ს პროექტის მიმდინარეობის განხილვას დაეთმო.
შეხვედრის ფარგლებში, გოგა გულორდავამ ხაზი გაუსვა მსოფლიო ბანკის როლს ქვეყნის ციფრული ტრანსფორმაციის პროცესში და აღნიშნა, რომ მსოფლიო ბანკი საქართველოს ერთ-ერთი უმთავრესი პარტნიორია.
„განსაკუთრებით მნიშვნელოვანია მხარდაჭერა ფართოზოლოვანი ინფრასტრუქტურის, რეგიონული განვითარების, ციფრული ჩართულობისა და საერთაშორისო პოზიციონირების მიმართულებით. მადლიერნი ვართ მსოფლიო ბანკის მიერ შეტანილი წვლილისთვის საქართველოს, როგორც ციფრული ჰაბის პოტენციალის წარმოჩენაში.“ - განაცხადა ComCom-ის თავმჯდომარემ.
შეხვედრის ფარგლებში განსაკუთრებული ყურადღება პროექტ „Log-in Georgia”-ს განხილვას დაეთმო. მსოფლიო ბანკის წარმომადგენელმა თავმჯომარესთან აღნიშნა, რომ ComCom წარმატებით ახორციელებს პროექტის ფარგლებში მასზე დაკისრებულ მიმართულებებს, რაზეც მათ შორის „ციფრული მხარდაჭერის პროგრამის“ მიმდინარეობისა და უკვე არსებული შედეგები მეტყველებს. გოგა გულორდავამ აღნიშნა, რომ კომუნიკაციების კომისიისთვის მნიშვნელოვანია მაქსიმალურად ეფექტიანად განახორციელოს პროექტის შესაბამისი კომპონენტები.
შეხვედრის დასასრულს, მხარეებმა სამომავლო მხარდაჭერის კონკრეტულ მიმართულებებზე ისაუბრეს.
სხვა სიახლეები
ფინანსთა მინისტრი ლაშა ხუციშვილი საქართველოში საფრანგეთის ელჩს შეხვდა
08.06.2026.18:45
ფინანსთა მინისტრი ლაშა ხუციშვილი საქართველოში საფრანგეთის რესპუბლიკის საგანგებო და სრულუფლებიან ელჩს, ოლივიე კურტოს შეხვდა.
საუბარი შეეხო საქართველოსა და საფრანგეთს შორის არსებული თანამშრომლობის პროექტებს, მათ შორის, საფრანგეთის განვითარების სააგენტოსთან (AFD) პარტნიორობით, საინვესტიციო პროექტების მიმართულებით, მიმდინარე და დაგეგმილ პარტნიორობას.
მხარეებმა დაადასტურეს ორმხრივი მზადყოფნა თანამშრომლობის შემდგომი გაგრძელებისთვის.
შეხვედრას დაესწრნენ ფინანსთა მინისტრის მოადგილე ეკატერინე გუნცაძე, საქართველოში საფრანგეთის საელჩოს ეკონომიკური სამსახურის უფროსი ჰუგო დებრუა და საფრანგეთის განვითარების სააგენტოს (AFD) სამხრეთ კავკასიის რეგიონული ოფისის დირექტორი ფანი დელპი.
22-23 სექტემბერს ჩვენ ვუმასპინძლებთ მსოფლიო ენერგეტიკის მარეგულირებელთა ფორუმს - სემეკის თავმჯდომარე
08.06.2026.15:30
საქართველოს საარჩევნო ადმინისტრაციის დელეგაცია სომხეთის საპარლამენტო არჩევნებს დააკვირდა
08.06.2026.14:46
ზაფხულში მივიღებთ ახალ საინვესტიციო განაცხადებს წყალმომარაგების სექტორში - სემეკის თავმჯდომარე
08.06.2026.14:30
როდესაც მყისიერ საგადახდო სისტემას ლოკალურად დავნერგავთ - სამომავლო გეგმაა სხვა ქვეყნების ინფრასტრუქტურებთან ინტეგრაცია - ნატალია ჭყოიძე
08.06.2026.12:16
გამოფენა "სვანეთი - დროისა და სივრცის ფარდობითი თამაში", რომელიც ვიტორიო სელას ეძღვნება
08.06.2026.12:06
ქვეყანაში გვაქვს ეკონომიკური ზრდა, ცხოვრების დონის გაუმჯობესება, აქედან გამომდინარე წლიდან წლამდე ელექტროენერგიაზე მოთხოვნა იზრდება - დავით ნარმანია
08.06.2026.10:30
