სასტუმროს დატვირთულობამ პირველ კვარტალში რეკორდულ, 97%-ს მიაღწია - სალომე კვარაცხელია
2026 წლის იანვარი-მარტის პერიოდში საქართველომ საერთაშორისო ტურისტული ვიზიტების ახალი რეკორდი დაამყარა. 3 თვეში ქვეყანაში 1 მილიონი ტურისტული ვიზიტი შედგა, რაც გასული წლის ანალოგიურ პერიოდთან შედარებით 4%-ით მეტია.
სასტუმრო „მარკო პოლო გუდაურის“ წარმომადგენლის, სალომე კვარაცხელიას განცხადებით, მიმდინარე წლის პირველი კვარტლის მოლოდინი გადაჭარბებით შესრულდა. მისი თქმით, დეკემბრიდან თებერვლის ჩათვლით სასტუმროების ქსელი თითქმის სრული დატვირთვით მუშაობდა.
„პირველ ეტაპზე რაც შემიძლია ვთქვა, არის ის, რომ დეკემბრის შუა რიცხვებიდან თებერვლის ჩათვლით „მარკო პოლო გუდაურის“ დატვირთულობა 97%-ს შეადგენდა. ეს არის უპრეცედენტო მაჩვენებელი, რომელმაც წინა წლებს ბევრად გადააჭარბა და ჩვენს მოლოდინებსაც კი გასცდა. გვყავდა ძალიან ბევრი სტუმარი როგორც ევროპიდან, ისე ახლო აღმოსავლეთიდან, ისრაელიდან და არაბთა გაერთიანებული საამიროებიდან. მარტის თვეშიც გეგმაგადაჭარბებით მივდიოდით, სანამ ახლო აღმოსავლეთში წარმოქმნილმა საომარმა მდგომარეობამ რეალობა გარკვეულწილად შეცვალა“, - განაცხადა სალომე კვარაცხელიამ.
ტურიზმის ეროვნული ადმინისტრაციის მონაცემებით, ვიზიტორთა ტოპ 15-ში მეზობელ ქვეყნებთან ერთად არიან: აშშ, დიდი ბრიტანეთი, გერმანია, პოლონეთი, ისრაელი, ყაზახეთი, ჩინეთი, ინდოეთი და სხვა მიზნობრივი ქვეყნები. სტრატეგიული ბაზრებიდან კი მნიშვნელოვანი ზრდა აჩვენა ჩინეთმა (+48.6%) და კორეის რესპუბლიკამ (+67.2%).
დღის ტოპ 10 სიახლე
სხვა სიახლეები
საქართველოს მიმართულებით დიდი გეგმები გვაქვს - მიმდინარე სეზონზე კვირაში 24 რეისს განვახორციელებთ l ავიაკომპანია Air Astana-ს წარმომადგენელი
12.05.2026.12:09
,,მიმდინარე სეზონზე კვირაში 24 რეისს განვახორციელებთ - საქართველოს მიმართულებით დიდი გეგმები გვაქვს, - აცხადებს ყაზახური ავიაკომპანია Air Astana-ს კავკასიის რეგიონული გენერალური მენეჯერი კარლიგაშ ომურბაევა, რომელიც მარიამ ქვრივიშვილი და მინისტრის მოადგილის თამარ იოსელიანის სხვადასხვა ავიაკომპანიების წარმომადგენლებთან გამართულ შეხვედრაში მონაწილეობდა.
როგორც კარლიგაშ ომურბაევამ განაცხადა, ქუთაისიდან იგეგმება ახალი მიმართულებების დამატება.
„დღეს ძალიან ნაყოფიერი შეხვედრა გვქონდა მინისტრთან და მინისტრის მოადგილესთან, სადაც დეტალურად განვიხილეთ ჩვენი გამოწვევები და ზაფხულის სეზონის გეგმები. საქართველოს მიმართულებით დიდი გეგმები გვაქვს. ყოველ წელს, ზაფხულის სეზონზე, ფრენების რაოდენობას საგრძნობლად ვზრდით. თუ ზამთარში კვირაში 6 რეისს ვასრულებთ, ზაფხულის თვეებში მათი რიცხვი ეტაპობრივად იმატებს და ივნის-ივლისისთვის უკვე 22 ფრენამდე აღწევს.
წელს ფრენების სიხშირეს კიდევ ორი რეისი დავამატეთ, რაც იმას ნიშნავს, რომ კვირაში ჯამში 24 რეისს განვახორციელებთ. გარდა ამისა, ძალიან მნიშვნელოვანი სიახლეა, რომ ამ ზაფხულიდან ვგეგმავთ FlyArystan-თან თანამშრომლობას ე.წ. ზიარის კოდის (Code-share) ფარგლებში. რეგიონში ორი ახალი მიმართულება - ალმათი-ქუთაისი და ასტანა-ქუთაისი დაგვემატება, სადაც FlyArystan-ი ოპერატორი იქნება, ხოლო Air Astana - მარკეტინგული გადამზიდავი“, - აღნიშნა Air Astana-ს კავკასიის რეგიონულმა გენერალურმა მენეჯერმა.
ერთი წლის განმავლობაში ლონდონში საქართველოს შესახებ ინფორმაციას 17 მილიონზე მეტი ადამიანი გაეცნობა - თამარ იოსელიანი
08.05.2026.18:35
ITB China-ზე პარტნიორი ქვეყნის სტატუსით წარდგენა საქართველოს ჩინურ ბაზარზე მეტ შესაძლებლობას აძლევს - ია გედევანიშვილი
08.05.2026.16:06
ITB China გამოფენის შემდეგ ჩინეთის ბაზრიდან საქართველოსადმი ინტერესი მნიშვნელოვნად გაიზრდება - პაატა კვიჟინაძე
08.05.2026.15:06
ITB China მნიშვნელოვანი შესაძლებლობაა ახალი ბაზრებისა და ახალი პარტნიორების მოსაზიდად - ნიკოლოზ სირაძე
08.05.2026.14:17
ლონდონის სხვადასხვა ცენტრალურ ლოკაციაზე საქართველოს შესახებ გარე რეკლამები განთავსდა
08.05.2026.13:09
