ზაფხულის სეზონზე მოლოდინები საკმაოდ მაღალი გვაქვს - HSC Group Hospitality
HSC Group Hospitality დირექტორის და სასტუმრო Glarros OldTown-ის მმართველის გიორგი დოლიძის ინფორმაციით წელს სასტუმროს ჯავშნების რაოდენობა მნიშვნელოვნად გაზრდილია.
„ამ ეტაპისთვის ვიმყოფებით გარდამავალი სეზონის ეტაპზე, რაც გულისხმობს დაბლიდან მაღალი სეზონისკენ ეტაპობრივ გადასვლას. იანვარ-თებერვალი საშუალოდ გვქონდა 45% დატვირთულობა, ხოლო მარტში ველოდებით 55% მდე თვის დახურვას. რაც შეეხება ზაფხულის სეზონს, მოლოდინები საკმაოდ მაღალი გვაქვს, რის საფუძველსაც გვაძლევს წინასწარ გაკეთებული ჯავშნების მოცულობა და რეზერვაციებზე მოთხოვნების შემოსვლა. ვფიქრობთ, 2025 წლის ზაფხული საშუალოდ 80% ით, ხოლო მთლიანად წელი საშუალოდ 72% ით იქნება დატვირთული“-აცხადებს გიორგი დოლიძე.
HSC Group Hospitality დირექტორის და სასტუმრო Glarros OldTown-ის მმართველის თქმით, სასტუმრომ 2025 წელს 2024 წელთან შედარებით ფასები გაზარდა.
„ფასებთან დაკავშირებით, წელს წინა წელთან შედარებით ზოგად ჭრილში საშუალოდ 10% ზრდა გვაქვს, ვცდილობთ მოთხოვნის ზრდისა ან კლებასთან მიმართებით დინამიკურად დავარეგულიროთ გამოცხადებული ფასები და მივყვეთ სეზონურ პრინციპებს. მთლიანობაში, 2024 წელთან შედარებით წელს საფასო მაჩვენებლისა და დატვირთულობის ზრდა 8-10% მდე გვაქვს დაგეგმილი“-განაცხადა გიორგი დოლიძემ.
დღის ტოპ 10 სიახლე
ყოველთვის ახალი ბიზნეს მობილბანკი და ბიზნეს ინტერნეტბანკი - გაეცანით საქართველოს ბანკის სიახლეებს
სხვა სიახლეები
