რას ყიდის და რას ყიდულობს საქართველო გაერთიანებული სამეფოდან

გაერთიანებულ სამეფოში ექსპორტი 9%-იან შემცირებას, ხოლო იმპორტი 20%-იან ზრდას აჩვენებს. საქსტატის ინფორმაციით, 2024 წლის იანვარ-თებერვალში საქართველომ გაერთიანებულ სამეფოში ექსპორტზე 1,831.04 ათასი დოლარის პროდუქცია გაიტანა, 2023 წლის პირველ ორ თვეში კი 2,013.81 ათასი დოლარის. 

გაერთიანებულ სამეფოში ნომერ პირველი საექსპორტო პროდუქცია ფეროშენადნობებია.

TOP-5 პროდუქცია, რაც საქართველოს გაერთიანებულ სამეფოში ექსპორტზე გააქვს:

• ფეროშენადნობები - 452.9 ათასი დოლარი,
• ყურძნის ნატურალური ღვინოები - 255.27 ათასი დოლარი,
• სხვა ნაკეთობები ძვირფასი ლითონებისაგან - 201.78 ათასი დოლარი,
• ტუმბოები სითხის ხარჯსაზომით ან მის გარეშე; საწეველები სითხის - 200.00 ათასი დოლარი,
•  მანგანუმის ოქსიდები - 138.50 ათასი დოლარი.

რაც შეეხება გაერთიანებული სამეფოდან იმპორტს მიმდინარე მაჩვენებლებით 20%-იანი ზრდა ფიქსირდება. 2024 წლის იანვარ-თებერვალში საქართველომ გაერთიანებული სამეფოდან 21,948.96 ათასი დოლარის პროდუქცია იყიდა გასული წლის ანალოგიურ პერიოდში კი 18,261.97 ათასი დოლარის.

TOP-5 პროდუქტი, რაც საქართველომ გაერთიანებულ სამეფოდან იყიდა:

• მსუბუქი ავტომობილები - 4,375.02 ათასი დოლარი,
• ბულდოზერები, ავტოგრეიდერები, ექსკავატორები, სატკეპნი მანქანები და სხვა - 2,769.96 ათასი დოლარი,
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 1,837.97 ათასი დოლარი,
• ავტომანქანების ნაწილები, ექსპლუტაციაში ნამყოფი - 1,225.64 ათასი დოლარი,
•  ნარევები გამოსაყენებელი სასმელების წარმოებაში - 1,175.91 ათასი დოლარი.