10-15 წელია საქართველოში ისტორიულად უკვე ჩამოყალიბდა, რომ ჯანმრთელობის დაზღვევა არის არის ,,ბესტსელერი” - განაცხადა სადაზღვევო კომპანია „არდის" გენერალურმა დირექტორმა, მიხეილ ჯაფარიძემ, ტელეკომპანია „მაესტროს" ეთერში, გადაცემა Business Insider Georgia-ში სტუმრობისას.

„ზოგადად, საქართველოში უკვე ჩამოყალიბდა ისტორიულად 10-15 წელია რომ ჯანმრთელობის დაზღვევა არის არის,,ბესტსელერი”, ყველაზე მეტი ადამიანი ყიდულობს ჯანმრთელობის დაზღვევას და ყველაზე მეტად გასაგები პროდუქტია. ადამიანებმა ისწავლეს მისი საჭიროება, გამოყენება. სადაზღვევო კომპანიებიც ამაში მეტ-ნაკლებად დახელოვნდნენ, სერვისები გაფართოვდა, ხელმისაწვდომობა გაიზარდა, ტექნოლოგიური მათ შორის და აქედან გამომდინარე, ყველაზე პოპულარული პროდუქტია. სხვადასხვა ციფრებია ხოლმე წლიდან წლამდე, მაგრამ უხეშად რომ ვივარაუდოთ ნახევარი მთელი სექტორის არის ჯანმრთელობის დაზღვევა. ამის შემდეგ არის ავტომობილების დაზღვევა, შემდეგ არის ქონების დაზღვევა და შემდეგ უკვე ყველა დანარჩენი სახეობა.

პოპულარობის კუთხით ჩვენ ყველაზე მეტად გვესაკლისება რომ ავტოდაზღვევა და ქონების დაზღვევა არ არის იმ მოწოდების სიმაღლეზე ანუ შეღწევა, პენეტრაციას რომ ვეძახით სამწუხაროდ არ გვაქვს ისეთი როგორიც უნდა გვქონდეს ჩვენი ქვეყნის ეკონომიკის განვითარების კვალობაზე. ამას მთელი რიგი მიზეზები განაპირობებს და ამიტომაც არის ხოლმე რომ ჩვენი ზრდა როგორც წესი უნდა იყოს იმაზე მეტი, ვიდრე ეკონომიკის ზრდა იმიტომ რომ დაზღვევა არ არის განვითარების იმ საფეხურზე რომელსაც ვისურვებდით. ასე რომ აი ესეთი სიტუაცია გვაქვს წლიდან წლამდე", - აცხადებს მიხეილ ჯაფარიძე.