2026 წლის 19-21 ივნისი ლოკალური ტექნოლოგიური სცენისთვის უმნიშვნელოვანესი თარიღებია. სწორედ ამ დღეებში გლობალ ტექ ვიქენდმა მთელი მსოფლიოდან 10,000-ზე მეტ ადამიანს თბილისში უმასპინძლა და სხვადასხვა ინდუსტრიის პროფესიონალებს მისცა ცოდნა, შთაგონება და ახალი თანამშრომლობების უნიკალური შესაძლებლობა. 

ეს არ იყო ჩვეულებრივი ფესტივალი, სადაც ადამიანები ერთ უცვლელ ადგილას რამდენიმე დღის განმავლობაში განსაზღვრული დროით მიდიან და გამოსვლებს უყურებენ. ეს იყო სხვადასხვა ლოკაციაზე გაშლილი ინტერაქციული ღონისძიებების სერია, სადაც კონფერენციების მოსმენის და ვორქშოფებში ჩართვის პარალელურად სტუმრებს შესაძლებლობა ჰქონდათ დაეთვალიერებინათ თბილისი, გაეცნოთ ადგილობრივები და შეეგრძნოთ ქალაქის პულსი. 19 ივნისს, პარასკევს, სტუმრები სწორედ ასეთი ფორმატით ჩაერთნენ ვორქშოფებში, ლექციებში და დახურულ სამუშაო შეხვედრებში, რომლებიც მოძრაობის პარტნიორი კომპანიების სამუშაო სივრცეებში, კულტურულ დაწესებულებებში და უნივერსიტეტებში მოეწყო. 

150-ზე მეტი ბრენდი და 200-ზე მეტი სპიკერი ერთ სივრცეში

მთავარი ტექნოლოგიური დღესასწაული 20 ივნისს, Factory Tbilisi-ში გაიმართა, სადაც მთელი დღის განმავლობაში 5 სცენა უწყვეტ რეჟიმში მასპინძლობდა სპიკერებს. სასაუბრო დრო დაეთმო ისეთი გლობალური ბრენდების წარმომადგენლებს, როგორიც არის: მეტა, Fuckup Nights, Monday.com, დოლჩე და გაბანა და სხვები. 

,,ჩვენი მოძრაობის ხიბლი მრავალფეროვნებაშია. გლობალ ტექ ვიქენდ თბილისი არ ჩაიკეტა მხოლოდ ტექნოლოგიურ ნიშაში, არამედ გასცდა მას და მოიცვა მომიჯნავე ინდუსტრიები. ეს აისახა სტუმრების პროფესიულ არაერთგვაროვნებაზეც: ჩვენს მოწყობილ პავილიონებში ნახავდით როგორც Web3 დეველოპერებს და სოც. მედია ინფლუენსერებს, ისე სპორტის ანალიტიკოსებს და მოდის მიმომხილველებს. სცენა მივეცით ყველას, ვისაც საკუთარი პროფესიიდან მნიშვნელოვანი მიგნებების გაზიარება ფართო აუდიტორიისთვის უნდოდა. შეგვიძლია თამამად ვთქვათ, რომ რეგიონის ტექნოლოგიური ეკოსისტემების გაერთიანება უპრეცედენტო მასშტაბით შევძელით და ეს ყველაფერი ჯერ მხოლოდ დასაწყისია.” – გვიყვება მარიამ ჭიკაძე, მოძრაობა გლობალ ტექ ვიქენდის მარკეტინგის ხელმძღვანელი.

შაბათს გამართული მთავარი ღონისძიების ერთ-ერთი მიღწევაა ისიც, რომ სრულიად განსხვავებული პროფესიის წარმომადგენლებს ერთმანეთის პირადად გაცნობისა და შესაძლო კოლაბორაციებზე მსჯელობის სივრცე მიეცათ. ამისთვის სპეციალურად იყო გამოყოფილი ნეთვორქინგის ზონები, სადაც იდეების გაზიარება მყუდრო გარემოში შეიძლებოდა. 

Factory Tbilisi სექტორულ პავილიონებად იყო დაყოფილი და თითოეულ მათგანში განსხვავებული შინაარსის აქტივობები იყრიდა თავს. აქ იყო ხუთი ერთმანეთისგან განსხვავებული პლატფორმა: სტარტაპების სცენა, ტექნოლოგიების სცენა, მომავლის ინოვაციების სცენა, გლობალური სცენა და თეატრის სცენა. 

ზოგი სცენა დამსწრეებისგან მაქსიმალურ კონცენტრირებას მოითხოვდა, რადგან საუბრები ღრმად ტექნიკური იყო და მათ გასააზრებლად აქტიური მოსმენის მდგომარეობაში ყოფნა იყო საჭირო. სხვა სცენაზე კი გამოსვლები ბევრად უფრო დინამიურად მიმდინარეობდა, რადგან Keynote-ბს შორის შუალედებში 60-ზე მეტი სტარტაპი თავის იდეებს მსოფლიო დონის ინვესტორებთან ფიჩავდა.

ექსპო ზონებში სტუმრებს შესაძლებლობა ჰქონდათ დაეთვალიერებინათ არტ ინსტალაციები და ე.წ immersive გამოფენების ნაწილი გამხდარიყვნენ. ტექნოლოგიებისადმი მიძღვნილ ღონისძიებაზე სახელოვნებო სივრცეების ინტეგრირებამ დამატებითი გრავიტაციული ძალა შექმნა იმ ადამიანებისთვის, ვისთვისაც კულტურული გამოცდილებები მნიშვნელოვანია.

გლობალ ტექ ვიქენდის მთავარ ღონისძიებაზე 10+ ინდუსტრია გაერთიანდა:

• ხელოვნური ინტელექტი და Deep Tech

• ფინტექი და ბანკინგი

• ინოვაციები, Web3 და ბლოკჩეინი

• ურბანული ინოვაციები და არქიტექტურა

• ვიდეოთამაშები და eSports

• სპორტი

• კრეატიული და მოდის ტექნოლოგიები

• ტურიზმი და სტუმარმასპინძლობა

• ჯანმრთელობის ტექნოლოგიები

• მედია და ციფრული მარკეტინგი

• ხელოვნება და კულტურა

ორგანიზატორებს დაგეგმილი აქვთ, რომ მომდევნო წელს GTWT-ზე კიდევ უფრო მეტი მიმართულება დაიფაროს და ღონისძიებები მეტად ყოვლისმომცველი იყოს.

დასკვნითი ღონისძიება და შეჯამება

21 ივნისის სესიები ერთგვარად გადატვირთვის საშუალებას აძლევდა სტუმრებს, სპიკერებს და ყველას, ვინც გლობალ ტექ ვიქენდ თბილისი 2026-ის შექმნაში მონაწილეობა მიიღო. ამ დღეს მოეწყო არაფორმალური ბიზნეს შეხვედრები, კულტურული ღონისძიებები და დახურვის ცერემონია Kiketi Farm-ში, სადაც ორგანიზატორებმა მადლობა გადაუხადეს 150-ზე მეტ პარტნიორს ნდობისთვის და ასევე ისაუბრეს მოძრაობის საერთაშორისო თუ ლოკალურ გეგმებზე. 

შეგახსენებთ, რომ გლობალ ტექ ვიქენდი 2024 წელს ლოს ანჯელესში დაარსდა და თბილისში პირველად 2025 წელს გამოჩნდა. ახლა კი უკვე მეორედ უმასპინძლა  კავ­კა­სი­ი­სა და ცენ­ტრა­ლუ­რი აზი­ის ყველაზე მასშტაბურ ტექნოლოგიურ ღონისძიებას. 

თუ გსურთ მიჰყვეთ მოძრაობის სიახლეებს, გამოიწერეთ GTWT-ს ოფიციალური სოც. მედია არხები: Instagram, Facebook, LinkedIn