2026 წლის ფოკუსი სერვისების გაფართოება და სტუმრისთვის დამატებითი ღირებულების შექმნაა - Dreamland Oasis Chakvi
Dreamland Oasis Chakvi საქართველოში ერთ-ერთი უდიდესი და ულამაზესი რეზორტია, რომელიც შავი ზღვის სანაპიროზე, 130,000 კვადრატულ მეტრზეა გაშენებული. 2025 წლის შედეგებსა და 2026 წლის გეგმებზე Business Insider Georgia კომპანიის მარკეტინგის ხელმძღვანელს, მარიკა იაკობაძეს ესაუბრა.
- როგორ აფასებთ 2025 წელს?
გასული წელი საქართველოს ტურიზმის სექტორისთვის გამოწვევებით სავსე იყო.
მიუხედავად არსებული ვითარებისა და ცვალებადი ბაზრის დინამიკისა, ინდუსტრიამ კიდევ ერთხელ აჩვენა ადაპტაციისა და განვითარების უნარი. ამ ფონზე „დრიმლენდ ოაზისისთვის“ გასული წელი წარმატებული და შედეგებზე ორიენტირებული პერიოდი აღმოჩნდა, კიდევ უფრო გამყარდა სასტუმროს პოზიციები, როგორც ადგილობრივ, ისე საერთაშორისო ბაზარზე. „დრიმლენდ ოაზისმა“ განსაკუთრებული ყურადღება დაუთმო მომსახურების ხარისხის გაუმჯობესებას, სტუმრის გამოცდილების გაღრმავებას და ბრენდის პოზიციონირების გაძლიერებას.
2025 წელს სტუმარზე ორიენტირებული მიდგომა კიდევ უფრო დავხვეწეთ და გავაძლიერეთ. რაოდენობასთან ერთად, განსაკუთრებული აქცენტი ხარისხზე გავაკეთეთ. ჩვენი მიზანი ყოველთვის იყო და არის, რომ თითოეულ სტუმარს არა მხოლოდ მაღალი დონის მომსახურება, არამედ სრულფასოვანი, ემოციურად გამორჩეული გამოცდილება შევთავაზოთ, სწორედ ამ მიდგომამ განაპირობა სტუმართა კმაყოფილების ზრდა და განმეორებითი ვიზიტების დადებითი დინამიკა, რაც წელს ერთ-ერთ მთავარ წარმატებად შეფასდა.
- როგორია კომპანიის გეგმები 2026 წლისთვის? განსაკუთრებით, გაფართოების / სერვისების ზრდის მიმართულებით?
მოგეხსენებათ, სასტუმრო 5 ვარსკვლავიანია, ის გამოირჩევა მასშტაბური ინფრასტრუქტურითა და სერვისების მრავალფეროვნებით. ლოკაციაზე განთავსებულია 279 ნომერი, 18 სხვადასხვა კონცეფციის ბარ-რესტორანი, რომლებიც ქართულ, იტალიურ და აზიურ სამზარეულოს აერთიანებს. ასევე, 4 ღია აუზი, აკვაპარკი, კინოთეატრი და სხვა რეკრეაციული და გასართობი ზონები. ამ მრავალფეროვან ინფრასტრუქტურაზე დაყრდნობით, 2026 წლისთვის „დრიმლენდ ოაზისი“ კიდევ უფრო ამბიციურ გეგმებს ისახავს. ეს წელი ფოკუსირებული იქნება სერვისების გაფართოებაზე და სტუმრისთვის დამატებითი ღირებულების შექმნაზე. სულ მალე დრიმლენდ ოაზისი ევროპაში ყველაზე დიდ მრავალპროფილურ Spa & Wellness ცენტრს ხსნის, რომელიც საქართველოში მასშტაბურ და მრავალფეროვან Wellness სივრცედ ჩამოყალიბდება. სწორედ ამიტომ, განსაკუთრებული აქცენტი კეთდება Wellness სერვისების გაძლიერებაზე, საოჯახო და კორპორატიული სტუმრებისთვის მორგებული შეთავაზებების განვითარებაზე, ასევე ღონისძიებებისა და MICE მიმართულების აქტიურ ინტეგრაციაზე.
გასულმა პერიოდმა აჩვენა, რომ სტუმარზე ორიენტირებული ხედვა და სწორად შერჩეული სტრატეგია ქმნის მდგრად შედეგებს. 2026 წელი კი განიხილება, როგორც ახალი შესაძლებლობების, გაფართოებისა და ინოვაციების პერიოდი. ეტაპი, რომელიც კიდევ უფრო გააძლიერებს სასტუმროს პოზიციებს და სტუმრებს შესთავაზებს გამოცდილებას, რომელიც სცდება ტრადიციული დასვენების ფარგლებს.
აღსანიშნავია, რომ „დრიმლენდ ოაზის ჩაქვი“ სრულად აკმაყოფილებს ნებისმიერი ტიპის მოგზაურის მოთხოვნებსა და საჭიროებებს.
დღის ტოპ 10 სიახლე
სხვა სიახლეები
თაობა ახალი იდეებით - გაიცანით სალომე მიქელაძე, 23 წლის ასაკში შექმნილი სამი გამორჩეული სივრცით
12.06.2026.17:49
Breakfast is, კანცელარია და ლონდა ბევრისთვის უკვე კარგად ნაცნობი სახელებია - ამ სივრცეების უკან 23 წლის სალომე მიქელაძე დგას, რომელმაც შეუპოვრობით და მონდომებით დასახულ მიზნებს მიაღწია.
სალომეს გზა სხვადასხვა პოზიციაზე მუშაობით დაიწყო. ამ დროს აღმოაჩინა, რომ ყველაზე მეტად ადამიანებთან კომუნიკაცია მოსწონდა. საკუთარი ადგილის შექმნის სურვილმა პირველ პროექტამდე მიიყვანა და ასე გაჩნდა Breakfast is, იდეით, რომ ადამიანებს დღე ენერგიულად და დადებითი ემოციებით დაეწყოთ, რადგან საუზმე ხომ ზუსტად ის დროა, რომელიც მთელი დღის განწყობას ქმნის.
დილის ენერგიას მოგვიანებით საღამოს იდილიის შექმნის სურვილი მოჰყვა. კანცელარია შეიქმნა მათთვის, ვისაც სანთლის შუქზე საუბარი, საყვარელ ადამიანებთან შეხვედრა, გემრიელი საკვები და ნატურალური ღვინო უყვარს.
“კანცელარია არის სივრცე, სადაც ადამიანები ერთმანეთს ხვდებიან. ჩემთვის ეს მხოლოდ რესტორანი ან ბარი არასდროს ყოფილა - უფრო შეხვედრების, ემოციების გაზიარებისა და მოგონებების შექმნის ადგილია.”
მესამე პროექტი ლონდა - შედარებით მასშტაბურია. მასში სალომემ წინა წლებში დაგროვილი ცოდნა და ხედვა გააერთიანა. მიუხედავად იმისა, რომ ეს სამი ადგილი სხვადასხვა განწყობას ატარებს, მათი მთავარი იდეა მაინც საერთოა - ინტერიერით, მომსახურებით, გემრიელი მენიუთი სტუმრებისთვის განსაკუთრებული ემოციის შექმნა.
ყოველდღიური გამოწვევები და მოძრაობის სიყვარული
ამ ინდუსტრიაში სიმშვიდე იშვიათია. ახალგაზრდა ასაკში სამი სივრცის მართვა მუდმივ მოძრაობასა და გამოწვევებს ნიშნავს. სალომესთვის ეს პროცესი ყოველდღიურად ახალი პრობლემის გადაჭრის უნარს ითხოვს, რაც მისთვის საქმის განუყოფელი და საინტერესო ნაწილია:
“წარმატების გზაზე ყოველთვის იქნება რთული პერიოდები, დაღლა და იმედგაცრუება. თუმცა მნიშვნელოვანია, რომ ამ ყველაფერმა არ შეგცვალოს როგორც ადამიანი - შეინარჩუნო შენი დამოკიდებულება, ენთუზიაზმი და სიყვარული იმის მიმართ, რასაც აკეთებ.”
სირთულეების დაძლევაში სალომეს ეხმარება ის, რომ მუდმივად ჩართულია საქმეში. როგორც ამბობს, ბიზნესის განვითარება შეუძლებელია პროცესზე უშუალო დაკვირვებისა და მასში მონაწილეობის გარეშე.
მომავლის ხედვა და ახალი იდეები
სალომე გაჩერებას არ აპირებს. წინ კიდევ უფრო მასშტაბური გეგმებია და ახლა უკვე ისეთ ბრენდზე ფიქრობს, რომელიც ქვეყნის საზღვრებს გარეთაც გავა და სტუმართმოყვარეობის კულტურაში საკუთარ ადგილს დაიმკვიდრებს.
შეუპოვრობა იმ თაობის საერთო განწყობაა, რომელსაც საკუთარი ენერგიით რეალური ცვლილებები მოაქვს. თაობას, რომელიც სულ მოძრაობს, არ ჩერდება და არ ასვენებს ახალი იდეები, მოჰყავს მომავალი, უფრო ძლიერი, ლაღი და თავისუფალი.
