TBC Capital განახლებულ პუბლიკაციას ,,მომხმარებლის დანახარჯების დინამიკა - ივლისი 2026" აქვეყნებს.

,,2026 წლის ივლისში თიბისი ბანკის არხებით გაწეული მომხმარებელთა უნაღდო დანახარჯები და ტრანზაქციების რაოდენობა წლიურ ზრდას განაგრძობს. უნაღდო დანახარჯები სასტუმროებში წლიურად 30%-ით გაიზარდა. 2026 წლის ივლისში რესტორნებში უნაღდო დანახარჯები წლიურ ჭრილში 24%-ით გაიზარდა, ხოლო საშუალო დანახარჯი ერთ ტრანზაქციაზე 36 ლარს გაუტოლდა. ამავე პერიოდში ტანსაცმელსა და აქსესუარებზე უნაღდო დანახარჯები წლიურად 19%-ით გაიზარდა. 2026 წლის ივლისში, თიბისი ბანკის არხებით, ჯამური უნაღდო დანახარჯები წლიურად 20 %-ით, ხოლო უნაღდო ტრანზაქციების რაოდენობა წლიურად 18%-ით გაიზარდა. ამავე თვეში თიბისი ბანკის არხებით გაწეული ჯამური უნაღდო დანახარჯები რეზიდენტებსა და არარეზიდენტებს შორის, შესაბამისად, 81% და 19%-ად განაწილდა.  2026 წლის ივლისში თიბისი ბანკის არხებით გაწეულ ჯამურ უნაღდო დანახარჯებში 26% სურსათზე გაწეულმა ხარჯებმა, ხოლო 16% რესტორნებში გაწეულმა დანახარჯებმა დაიკავა. ამავე თვეში სურსათზე უნაღდო დანახარჯები წლიურ ჭრილში 20%-ით გაიზარდა, ხოლო საშუალო დანახარჯი ერთ ტრანზაქციაზე 17 ლარს გაუტოლდა. სურსათსა და უალკოჰოლო სასმელებზე ინფლაციამ 5% შეადგინა. 2026 წლის ივლისში, თიბისი ბანკის არხებით, ჯამური უნაღდო დანახარჯების განაწილებამ სამომხმარებლო საქონელსა და მომსახურებაზე, შესაბამისად, 60% და 40% შეადგინა. ამავე თვეში თიბისი ბანკის არხებით საქონელზე გაწეული ჯამური უნაღდო დანახარჯების 44%-იანი წილი სურსათზე გაწეულმა ხარჯებმა დაიკავა. 2026 წლის ივლისში სასტუმროებში თიბისი ბანკის არხებით გაწეული უნაღდო დანახარჯები წლიურად 30 %-ით გაიზარდა. ერთ ტრანზაქციაზე საშუალო დანახარჯი 483 ლარს გაუტოლდა. ამავე თვეში თიბისი ბანკის არხებით სასტუმროებში ჯამური უნაღდო დანახარჯების 15% რეზიდენტებმა , ხოლო არარეზიდენტებმა 85% დაიკავეს", - აღნიშნულია ანგარიშში.