2026 წლის ივნისში, ბათუმის პირველად ბაზარზე კვადრატული მეტრის საშუალო ფასმა (მზა ბინებისთვის) 1,960 აშშ დოლარს მიაღწია, რაც წლიურად 9.8% ზრდაა - Galt & Taggart

ბიზნესი

Boygar's საერთაშორისო აღიარების შემდეგ განვითარებას აგრძელებს – რა გეგმები აქვს კომპანიას

17.08.2026.09:30

Boygar's ამ ეტაპზე ადგილობრივ და საერთაშორისო მომხმარებლებს მსოფლიოს წამყვანი ბრენდების 60-მდე წარმომადგენელს სთავაზობს. კომპანიის განცხადებით, გახსნის დღიდან მთავარი პრიორიტეტი გამორჩეული კოლექციებისა და საერთაშორისო სტანდარტის შესაბამისი შოპინგ გამოცდილების შექმნაა, რაც ცოტა ხნის წინ საერთაშორისო აღიარებითაც აღინიშნა.

Boygar's გავლენიანმა მოდის გამოცემამ Business of Fashion-მა (BoF) „მსოფლიოს საუკეთესო მოდის მაღაზიების“ (The Best Fashion Stores in the World) სიაში შეიყვანა. ეს პირველი შემთხვევაა, როდესაც ქართული ბრენდი ამ მასშტაბის საერთაშორისო შეფასებაში მოხვდა.

Boygar's ბრენდებისა და კოლექციების შერჩევისას რამდენიმე ძირითადი კრიტერიუმით ხელმძღვანელობს. მათ შორისაა ბრენდის ძლიერი და უნიკალური ვიზუალური იდენტობა, საერთაშორისო მაღალი მოდის სტანდარტების შესაბამისი ხარისხი და თანამედროვე მოდის ბაზართან თანხვედრა.

ასორტიმენტის ფორმირებისას Boygar's ასევე ითვალისწინებს კონკრეტული კატეგორიის აქტუალურობას, საერთაშორისო შეფასებებსა და, უპირველესად, მომხმარებლის ინტერესებს. კომპანიისთვის მნიშვნელოვანია, რომ თითოეული წარმოდგენილი ბრენდი მომხმარებელს განსხვავებულ და ღირებულ გამოცდილებას სთავაზობდეს.

Boygar's საერთაშორისო ბაზარზე განსაკუთრებულად შერჩეული კოლექციებით გამოირჩევა, რაც კომპანიისთვის ყველა სეზონზე ერთ-ერთ მთავარ პრიორიტეტად რჩება. მათი შეფასებით, წარმოდგენილი ბრენდების ხედვა, ესთეტიკა და ხარისხის დონე ქმნის ისეთ შოპინგ გამოცდილებას, რომელიც ქართველი მომხმარებლისთვის აქამდე ხელმისაწვდომი არ იყო.

კომპანია ამასთან ერთად გაფართოებასაც აგრძელებს. ცოტა ხნის წინ Boygar's-ის ახალი მაღაზია სასტუმრო „პარაგრაფ გოლფ & სპა თაბორის“ სივრცეში გაიხსნა.

მაღაზიის ინტერიერზე იტალიელმა არქიტექტორმა ლუკა სარტორიმ იმუშავა. ახალი სივრცე მცირე ზომის, თუმცა გულდასმით შერჩეულ კოლექციას აერთიანებს და Boygar's-ის კონცეფციისა და თითოეული დეტალის მიმართ ზრუნვას ასახავს.

ამ ეტაპზე კომპანია მესამე ჟურნალის ნომერზე მუშაობს. გამოცემა წელიწადში ორჯერ გამოდის და მისი საშუალებით Boygar's ადგილობრივ კულტურასა და პარტნიორებთან თანამშრომლობას კიდევ უფრო აქტიურად ავითარებს.

ცხადია კომპანია მუდმივად მუშაობს ბრენდების პორტფელის გაფართოებასა და საუკეთესო შოპინგ გამოცდილების შექმნაზე.