2026 წლის მთავარი პრიორიტეტი საერთაშორისო ბაზრების გაფართოება და საექსპორტო მიმართულების გაძლიერებაა - „ჩირჩხელა“
„ჩირჩხელა“ ნატურალური ქართული ნუგბარის მწარმოებელი კომპანიაა, რომელიც ბაზარზე 8 წელია ბაზარზე ოპერირებს. 2025 წლის შედეგებსა და სამომავლო გეგმებზე Business Insider Georgia კომპანიის აღმასრულებელ დირექტორს, ირმა კვაჭანტირაძეს, ესაუბრა.
„2025 წელი პრაქტიკულად საუკეთესო წელი აღმოჩნდა ჩვენს საქმიანობაში. ჩვენ მიწვეული ვართ ნიუ-იორკის საერთაშორისო გამოფენა, The International Restaurant & Foodservice Show of New York–ზე, რომელიც 8–10 მარტს გაიმართება. გვექნება B2B და პანელური შეხვედრები. სამი დღის განმავლობაში 20-მდე წინასწარ შეთანხმებულ და დაინტერესებულ მონაწილესა და ვიზიტორს შევხვდებით. ეს იყო ჩვენი კომპანიისთვის ყველაზე დიდი და წარმატებული ნაბიჯი 2025 წელს.
გარდა ამისა, გერმანიასთან გვაქვს აქტიური მოლაპარაკებები და თებერვალში ვიზიტს ვგეგმავთ. მოთხოვნა რამდენიმე სახეობის ჩირზეა, რომლის შეფუთვასაც პარტნიორები თავად უზრუნველყოფენ, რადგან მათთვის ფასი უფრო ხელსაყრელია.
საერთაშორისო მიმართულებით წელი განსაკუთრებით წარმატებული აღმოჩნდა, რაც თავიდანვე ჩვენს მიზანს წარმოადგენდა.
რაც შეეხება 2026 წელს, კომპანიის მთავარი პრიორიტეტი საერთაშორისო ბაზრების გაფართოება და საექსპორტო მიმართულების გაძლიერებაა “, - აცხადებს ირმა კვაჭანტირაძე.
დღის ტოპ 10 სიახლე
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
სხვა სიახლეები
საქართველოს ბანკის ორგანიზებით, ვორკშოპი „AgriTech და GreenTech ინოვაციები“ გაიმართება
24.04.2026.18:42
27 აპრილს, 17:00 საათზე, ბიზნეს 360˚-ის შეხვედრების სერიის ფარგლებში, საქართველოს ბანკის ორგანიზებით, ბიზნესის წარმომადგენლებისა და დაინტერესებულ პირებისთვის ვორქშოპი - „AgriTech და GreenTech ინოვაციები“ გაიმართება. შეხვედრას თამთა მამულაიძე და გოგა საათაშვილი გაუძღვებიან.
ვორქშოპი დაეთმობა თანამედროვე ტექნოლოგიების როლს სოფლის მეურნეობისა და აგრობიზნესის განვითარებაში. მონაწილეები მიიღებენ პრაქტიკულ ცოდნას იმ ინოვაციურ მიდგომებზე, რომლებიც ბიზნესებს ეფექტიანობის ზრდაში, რესურსების უკეთ მართვასა და მდგრადი განვითარების მიმართულებით წინსვლაში ეხმარება.
შეხვედრის ფარგლებში განიხილება:
• AgriTech ტექნოლოგიების მნიშვნელობა თანამედროვე სოფლის მეურნეობაში;
• მწვანე ტექნოლოგიები და მდგრადი წარმოების პრაქტიკა;
• რესურსების ეფექტიანი მართვა აგრობიზნესში;
• ინოვაციების გამოყენება ბიზნესის ზრდისა და განვითარებისათვის.
ვორკშოპის მონაწილეებს შესაძლებლობა ექნებათ, იმსჯელონ აგრობიზნესში ტექნოლოგიური სიახლეების დანერგვის რეალურ შესაძლებლობებზე და მიიღონ პრაქტიკული რეკომენდაციები საკუთარი საქმიანობისთვის.
ღონისძიება 27 აპრილს, 17:00 საათზე საქართველოს ბანკის 4B სივრცეში გაიმართება.
საქართველოს ბანკი, ბიზნეს 360˚-ის ფარგლებში, აგრძელებს შეხვედრების სერიას, რომლის მიზანია მეწარმეებისა და ბიზნესების მხარდაჭერა ცოდნის გაზიარებით, პრაქტიკული გამოცდილებისა და თანამედროვე ტენდენციების გაცნობით.
ლევან გომშიაშვილმა Fintech in Focus 2026-ზე ლონდონის საფონდო ბირჟაზე საქართველოს ბანკის მიღწევები გააზიარა
24.04.2026.18:20
ბაზრის ტენდენციები, რეგიონული ზრდა და ახალი სერვისები - როგორია „ნაკადურის“ განვითარების ხედვა
24.04.2026.18:00
ვაჭრობის ფინანსირების თანამედროვე ტენდენციები და მათი გავლენა ბიზნესზე - ინტერვიუ გალინა ოგანესიანთან
24.04.2026.17:55
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
24.04.2026.17:21
გორგიამ და გუდავაძე-პატარკაციშვილის ფონდმა დეკორატიული მებაღეობის საგანმანათლებლო პროგრამის შექმნის შესახებ მემორანდუმი გააფორმეს
24.04.2026.15:03
როგორ იქცა ქართული ტრადიცია საერთაშორისო ბრენდად - „ჩირჩხელას“ 10 წლიანი ისტორია და განვითარების გზა
24.04.2026.14:00
სილქ ჰოსფითალითიმ საქართველოში „The Leading Hotels of the World“-ის საერთაშორისო ღონისძიებას უმასპინძლა
24.04.2026.12:45
