4 წლიანი საქმიანობის შემდეგომ საქართველოში წყლის ხარისხის გაუმჯობესების პარალელურად წყალმომარაგების შეწყვეტის შემთხვევები შემცირებულია, რასაც მომხმარებელიც ხედავს, თუმცა ჯერ კიდევ ბევრია გასაკეთებელი - ამის შესახებ, ხოსე ენრიკე ბოფილიმ, Aqualia-ს რეგიონულმა დირექტორმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას განაცხადა.

„ინვესტიციების მოცულობა ძალიან მნიშვნელოვანია. ინვესტივიების ამჟამინდელი მოცულობა 5-ჯერ აღმატება იმ დროინდელს, როცა დავიწყეთ ოპერირება და ჩვენ ვაპირებთ მათ გაზრდას. ყველაზე მნიშვნელოვანია არა ინვესტიციის ოდენობა, არამედ ის რომ ეს ინვესტიცია იყოს დაბალანსებული იმ ტარიფთან, რომელიც მომხმარებელმა უნდა გადაიხადოს. უფრო მაღალი ინვესტიციის შემთხვევაში ეს გამოიწვევდა სამომხმარებლო ტარიფის გაზრდას, რაც ფინანსური ხელმისაწვდომობის პრობლემას წარმოშობდა მომხმარებლის დონეზე. ამდენად, მნიშვნელოვანია ამ ორი ელემენტის დაბალანსება. ინვესტიაცია უნდა იზრდებოდეს ეტაპობრივად, ნაბიჯ-ნაბიჯ და ამის პარალელურად მთლიანი სისტემის ეფექტიანობა უნდა უმჯობესდებოდეს, რათა მომხმარებელმა ეს საკუთარ თავზე იგრძნოს. ამჟამად, ჩვენ ძალიან კმაყოფილი ვართ, ვიდანდან 4 წლიანი საქმიანობის შემდგომ წყლის ხარისხის გაუმჯობესების პარალელურად წყალმომარაგების შეწყვეტის შემთხვევები შემცირებულია, რასაც მომხმარებელი ხედავს კიდევაც, თუმცა ჯერ კიდევ ბევრია გასაკეთებელი. ამას ჭირდება დრო და ეს ეტაპობრივად უნდა განხორციელდეს, რათა მივაღწიოთ დასახულ შედეგებს და მომხმარებელმა შეძლოს დაუბრკოლებელი წყალმომარაგებისთვის ტარიფის გადახდა“, - აცხადებს ხოსე ენრიკე ბოფილი.