50%-მდე ფასდაკლებები: „Winter of Wolt+“ საქართველოში დაიწყო
დელივერი სექტორის ერთ-ერთი ლიდერი კომპანია ვოლტი „Winter of Wolt+“ კამპანიას იწყებს. ერთ-ერთი ყველაზე მასშტაბური გლობალური მარკეტინგული კამპანია Wolt+ -ის მომხმარებლებს ეხება.
2026 წლის 15 იანვრიდან 4 თებერვლამდე, სამი კვირის განმავლობაში, საქართველოში Wolt+-ის წევრები პლატფორმაზე წარმოდგენილ რესტორნებსა და სასურსათო მაღაზიებში ექსკლუზიური შეთავაზებებითა და სპეციალური ფასებით ისარგებლებენ.
„Winter of Wolt+“-ის ფარგლებში პირველად, შეთავაზებები ყოველკვირეულად შეიცვლება. ვოლტის აპლიკაციას დაემატა სიახლე - სპეციალური შეთავაზებების კალენდარი, რომლის მეშვეობითაც მომხმარებლებს წინასწარ შეეძლებათ ნახონ, თუ რომელი აქციები და კატეგორიები გახდება ხელმისაწვდომი მომდევნო დღეებში. ეს ფორმატი კამპანიას უფრო გამჭვირვალეს ხდის და მომხმარებლებს აპლიკაციაში მუდმივ სიახლეს ჰპირდება.
კამპანიის ფარგლებში, საქართველოში Wolt+-ის წევრები 50%-მდე ფასდაკლებით ისარგებლებენ შეკვეთებზე რესტორნებსა და სურსათის მაღაზიებში. სიახლე ასევე გულისხმობს სპეციალურ ფასს Wolt+-ის გამოწერაზე, თუმცა გარკვეული შეთავაზებები ექსკლუზიურად მხოლოდ Wolt+-ის წევრებისთვის იქნება ხელმისაწვდომი.
შეთავაზებების ყოველკვირეული ცვლილება რესტორნებსა და მაღაზიებს აძლევს შესაძლებლობას, მოხვდნენ მომხმარებლის ყურადღების ცენტრში და მიიღონ დამატებითი სარგებელი. ეს ეხება როგორც მცირე და საშუალო ბიზნესებს, ასევე მსხვილ ქსელურ მარკეტებსა თუ კვების ობიექტებს.
„Winter of Wolt+“ კამპანია ვოლტის მომხმარებლებისთვის უკვე ხელმისაწვდომია.
დღის ტოპ 10 სიახლე
სხვა სიახლეები
თაობა ახალი იდეებით - გაიცანით სალომე მიქელაძე, 23 წლის ასაკში შექმნილი სამი გამორჩეული სივრცით
12.06.2026.17:49
Breakfast is, კანცელარია და ლონდა ბევრისთვის უკვე კარგად ნაცნობი სახელებია - ამ სივრცეების უკან 23 წლის სალომე მიქელაძე დგას, რომელმაც შეუპოვრობით და მონდომებით დასახულ მიზნებს მიაღწია.
სალომეს გზა სხვადასხვა პოზიციაზე მუშაობით დაიწყო. ამ დროს აღმოაჩინა, რომ ყველაზე მეტად ადამიანებთან კომუნიკაცია მოსწონდა. საკუთარი ადგილის შექმნის სურვილმა პირველ პროექტამდე მიიყვანა და ასე გაჩნდა Breakfast is, იდეით, რომ ადამიანებს დღე ენერგიულად და დადებითი ემოციებით დაეწყოთ, რადგან საუზმე ხომ ზუსტად ის დროა, რომელიც მთელი დღის განწყობას ქმნის.
დილის ენერგიას მოგვიანებით საღამოს იდილიის შექმნის სურვილი მოჰყვა. კანცელარია შეიქმნა მათთვის, ვისაც სანთლის შუქზე საუბარი, საყვარელ ადამიანებთან შეხვედრა, გემრიელი საკვები და ნატურალური ღვინო უყვარს.
“კანცელარია არის სივრცე, სადაც ადამიანები ერთმანეთს ხვდებიან. ჩემთვის ეს მხოლოდ რესტორანი ან ბარი არასდროს ყოფილა - უფრო შეხვედრების, ემოციების გაზიარებისა და მოგონებების შექმნის ადგილია.”
მესამე პროექტი ლონდა - შედარებით მასშტაბურია. მასში სალომემ წინა წლებში დაგროვილი ცოდნა და ხედვა გააერთიანა. მიუხედავად იმისა, რომ ეს სამი ადგილი სხვადასხვა განწყობას ატარებს, მათი მთავარი იდეა მაინც საერთოა - ინტერიერით, მომსახურებით, გემრიელი მენიუთი სტუმრებისთვის განსაკუთრებული ემოციის შექმნა.
ყოველდღიური გამოწვევები და მოძრაობის სიყვარული
ამ ინდუსტრიაში სიმშვიდე იშვიათია. ახალგაზრდა ასაკში სამი სივრცის მართვა მუდმივ მოძრაობასა და გამოწვევებს ნიშნავს. სალომესთვის ეს პროცესი ყოველდღიურად ახალი პრობლემის გადაჭრის უნარს ითხოვს, რაც მისთვის საქმის განუყოფელი და საინტერესო ნაწილია:
“წარმატების გზაზე ყოველთვის იქნება რთული პერიოდები, დაღლა და იმედგაცრუება. თუმცა მნიშვნელოვანია, რომ ამ ყველაფერმა არ შეგცვალოს როგორც ადამიანი - შეინარჩუნო შენი დამოკიდებულება, ენთუზიაზმი და სიყვარული იმის მიმართ, რასაც აკეთებ.”
სირთულეების დაძლევაში სალომეს ეხმარება ის, რომ მუდმივად ჩართულია საქმეში. როგორც ამბობს, ბიზნესის განვითარება შეუძლებელია პროცესზე უშუალო დაკვირვებისა და მასში მონაწილეობის გარეშე.
მომავლის ხედვა და ახალი იდეები
სალომე გაჩერებას არ აპირებს. წინ კიდევ უფრო მასშტაბური გეგმებია და ახლა უკვე ისეთ ბრენდზე ფიქრობს, რომელიც ქვეყნის საზღვრებს გარეთაც გავა და სტუმართმოყვარეობის კულტურაში საკუთარ ადგილს დაიმკვიდრებს.
შეუპოვრობა იმ თაობის საერთო განწყობაა, რომელსაც საკუთარი ენერგიით რეალური ცვლილებები მოაქვს. თაობას, რომელიც სულ მოძრაობს, არ ჩერდება და არ ასვენებს ახალი იდეები, მოჰყავს მომავალი, უფრო ძლიერი, ლაღი და თავისუფალი.
