6-7-8 მარტს „ბაზარი ორბელიანზე“ მეწარმე ქალების პროდუქტების გამოფენა-გაყიდვა გაიმართება - მხარდამჭერი საქართველოს ბანკია
მეწარმე ქალების პროდუქციის გამოფენა-გაყიდვა „ბაზარი ორბელიანზე“ ბრუნდება. ღონისძიება გაეროს ქალთა ორგანიზაციის მიერ, დანიის მთავრობის ფინანსური მხარდაჭერით, საქართველოს ბანკთან და ბაზარი ორბელიანთან პარტნიორობით ხორციელდება.
პირველი გამოფენა-გაყიდვა 6–7–8 მარტს გაიმართება და სწორედ ამ ღონისძიებით იწყება ერთწლიანი პროექტი. შემდგომში, მთელი წლის განმავლობაში, ყოველ თვე, სამი დღის განმავლობაში (პარასკევი–შაბათი–კვირა), „ბაზარი ორბელიანი“ მეწარმე ქალებს საკუთარ სივრცეს დაუთმობს, რათა სტუმრებს მრავალფეროვანი და უნიკალური პროდუქცია წარუდგინონ.
თუ გსურთ აღმოაჩინოთ ადგილობრივი ბრენდები, შეიძინოთ განსხვავებული და ხარისხიანი პროდუქცია და ამავდროულად მხარი დაუჭიროთ მეწარმე ქალებს - „ბაზარი ორბელიანი“ გელოდებათ. აქ შეძლებთ აღმოაჩინოთ ქართველი მეწარმე ქალების მიერ შექმნილი ხელნაკეთი ნივთები, აქსესუარები, კოსმეტიკა, ტკბილეული და კიდევ ბევრი საინტერესო პროდუქტი.
ღონისძიების შესახებ მეტი ინფორმაციისთვის ეწვიეთ ბმულს.
დღის ტოპ 10 სიახლე
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
სხვა სიახლეები
საქართველოს ბანკის ორგანიზებით, ვორკშოპი „AgriTech და GreenTech ინოვაციები“ გაიმართება
24.04.2026.18:42
27 აპრილს, 17:00 საათზე, ბიზნეს 360˚-ის შეხვედრების სერიის ფარგლებში, საქართველოს ბანკის ორგანიზებით, ბიზნესის წარმომადგენლებისა და დაინტერესებულ პირებისთვის ვორქშოპი - „AgriTech და GreenTech ინოვაციები“ გაიმართება. შეხვედრას თამთა მამულაიძე და გოგა საათაშვილი გაუძღვებიან.
ვორქშოპი დაეთმობა თანამედროვე ტექნოლოგიების როლს სოფლის მეურნეობისა და აგრობიზნესის განვითარებაში. მონაწილეები მიიღებენ პრაქტიკულ ცოდნას იმ ინოვაციურ მიდგომებზე, რომლებიც ბიზნესებს ეფექტიანობის ზრდაში, რესურსების უკეთ მართვასა და მდგრადი განვითარების მიმართულებით წინსვლაში ეხმარება.
შეხვედრის ფარგლებში განიხილება:
• AgriTech ტექნოლოგიების მნიშვნელობა თანამედროვე სოფლის მეურნეობაში;
• მწვანე ტექნოლოგიები და მდგრადი წარმოების პრაქტიკა;
• რესურსების ეფექტიანი მართვა აგრობიზნესში;
• ინოვაციების გამოყენება ბიზნესის ზრდისა და განვითარებისათვის.
ვორკშოპის მონაწილეებს შესაძლებლობა ექნებათ, იმსჯელონ აგრობიზნესში ტექნოლოგიური სიახლეების დანერგვის რეალურ შესაძლებლობებზე და მიიღონ პრაქტიკული რეკომენდაციები საკუთარი საქმიანობისთვის.
ღონისძიება 27 აპრილს, 17:00 საათზე საქართველოს ბანკის 4B სივრცეში გაიმართება.
საქართველოს ბანკი, ბიზნეს 360˚-ის ფარგლებში, აგრძელებს შეხვედრების სერიას, რომლის მიზანია მეწარმეებისა და ბიზნესების მხარდაჭერა ცოდნის გაზიარებით, პრაქტიკული გამოცდილებისა და თანამედროვე ტენდენციების გაცნობით.
ლევან გომშიაშვილმა Fintech in Focus 2026-ზე ლონდონის საფონდო ბირჟაზე საქართველოს ბანკის მიღწევები გააზიარა
24.04.2026.18:20
ბაზრის ტენდენციები, რეგიონული ზრდა და ახალი სერვისები - როგორია „ნაკადურის“ განვითარების ხედვა
24.04.2026.18:00
ვაჭრობის ფინანსირების თანამედროვე ტენდენციები და მათი გავლენა ბიზნესზე - ინტერვიუ გალინა ოგანესიანთან
24.04.2026.17:55
საქართველოს ბანკის sCoolApp-ში ტრივიას მარკეტში ბიბლუსის, XS Toys-ისა და პეპელას ვაუჩერები დაემატა
24.04.2026.17:21
გორგიამ და გუდავაძე-პატარკაციშვილის ფონდმა დეკორატიული მებაღეობის საგანმანათლებლო პროგრამის შექმნის შესახებ მემორანდუმი გააფორმეს
24.04.2026.15:03
როგორ იქცა ქართული ტრადიცია საერთაშორისო ბრენდად - „ჩირჩხელას“ 10 წლიანი ისტორია და განვითარების გზა
24.04.2026.14:00
სილქ ჰოსფითალითიმ საქართველოში „The Leading Hotels of the World“-ის საერთაშორისო ღონისძიებას უმასპინძლა
24.04.2026.12:45
