9 წელი ბაზარზე, ახალი ფილიალები და საერთაშორისო გაფართოება - რა სიახლეებს სთავაზობს „პიელ ნატურალსი“ მომხმარებლებს
ქართული კოსმეტიკური ბრენდი „პიელ ნატურალსი“ განვითარების აქტიურ ეტაპზეა. კომპანია ქსელს აფართოებს, ახალ პროდუქტებს უშვებს, საექსპორტო ბაზრებს ზრდის და წლის ბოლომდე კიდევ არაერთ სიახლეს გეგმავს. მეტი ინფორმაციისთვის, Business Insider Georgia კომპანიის დამფუძნებელს, თათუკა ლომაძეს ესაუბრა.
„წელს „პიელ ნატურალსი“ 9 წლის გახდა. ამ მნიშვნელოვან ეტაპს მომხმარებლებისთვის არაერთი სიახლითა და განსაკუთრებული შეთავაზებებით აღვნიშნავთ.
ერთ-ერთი მთავარი სიახლე ქსელის გაფართოებაა. ცოტა ხნის წინ სტენდი გავხსენით City Mall-ში, ასევე ახალი ფილიალი დავამატეთ დიღმის Goodwill-ში. თუმცა ამით არ ვჩერდებით და წლის ბოლომდე კიდევ რამდენიმე ახალი ფილიალის გახსნას ვგეგმავთ.
ამასთან ერთად, წარვადგინეთ ორი სრულიად ახალი პროდუქტი. პირველი არის ინოვაციური სახის კრემი, რომელმაც კლინიკური ტესტირება იტალიაში, მილანში გაიარა და თავისი შედეგებით ფრანგი და იტალიელი დერმატოლოგების მაღალი შეფასება დაიმსახურა.
პროდუქტის ფორმულა შევქმენით იმ გამოცდილებაზე დაყრდნობითაც, რომელიც პირადად აკნეს შემდგომ დარჩენილი ლაქებისა და ნაწიბურების პრობლემასთან მქონდა. კრემი გაჯერებულია აქტიური ინგრედიენტებით, როგორიცაა ნიაცინამიდი, კოლაგენი, ჰიალურონის მჟავა, E ვიტამინი, ყურძნის წიპწის ზეთი და კაჰაის ზეთი, რომელიც ბუნებრივი რეტინოიდებითაა მდიდარი და ეფექტურად ეხმარება პიგმენტაციისა და კანის ტექსტურის გაუმჯობესებას.
პროდუქტის კიდევ ერთი მნიშვნელოვანი უპირატესობა SPF 30-ის მზისგან დამცავი ფილტრია. დამატენიანებელ, მკვებავ, აღმდგენ და რეგენერაციულ მოქმედებასთან ერთად, ფორმულა UVA და UVB სხივებისგან დაცვასაც უზრუნველყოფს, რაც მას კიდევ უფრო მრავალფუნქციურს ხდის.
მეორე სიახლე ავტორუჯია, რომლის ფორმულაზეც საკმაოდ დიდი ხნის განმავლობაში ვმუშაობდით. წელს საბოლოოდ შევძელით მისი წარმოება. პროდუქტი შაქრის ლერწმის ბაზაზეა შექმნილი, მარტივად ნაწილდება კანზე, იძლევა ბუნებრივ ფერს და უსაფრთხოა როგორც ორსულებისთვის, ისე მოზარდებისთვის. გარდა ამისა, ფორმულა არ შეიცავს პარაფინს, სილიკონსა და სულფატებს, რაც განსაკუთრებით მნიშვნელოვანია კანის ბარიერის დასაცავად“, - აღნიშნავს თათუკა ლომაძე.
კომპანია საერთაშორისო მიმართულებით აქტიურად ფართოვდება და გერმანიის ბაზარზე ექსპორტი დაიწყო.
„აქტიურად ვიზრდებით საერთაშორისო ბაზრებზეც. ჩვენი ფორმულებით MET Cosmetics-ისთვის ვქმნით პროდუქციას და სწორედ ამ თანამშრომლობის ფარგლებში გერმანიის ბაზარზე ექსპორტიც დავიწყეთ. ამასთან, ჩვენი ბრენდი უკვე წარმოდგენილია ევროკავშირის რამდენიმე ქვეყანაშიც. ექსპორტს მუდმივად ვახორციელებთ, ხოლო სხვადასხვა ქვეყნის პარტნიორებთან მიმდინარე მოლაპარაკებებიდან გამომდინარე, უახლოეს პერიოდში საექსპორტო ბაზრების კიდევ უფრო გაფართოებას ველოდებით.
პარალელურად, აქტიურად ვითარდება B2B მიმართულებაც. მნიშვნელოვნად გაიზარდა სასტუმროების ინტერესი ჩვენი პროდუქციის მიმართ - როგორც სამასაჟე ხაზზე, ისე დისპენსერულ სისტემებზე, შამპუნებსა და კონდიციონერებზე. ამ მიმართულებით მოთხოვნა მუდმივად მზარდია“, - აცხადებს კომპანიის დამფუძნებელი.
ინფორმაციისთვის, Piel Naturals არის №1 ქართული პრემიუმ თავის მოვლის კოსმეტიკის ბრენდი, რომლის მთავარი ნიშა არის პარაბენების, პარაფინისა და სილიკონების გარეშე შექმნილი პროდუქცია.
სხვა სიახლეები
„ვილაპარაკოთ, რომ გავუგოთ და არა მოვუგოთ“ - სელფი მობაილის ახალი კამპანია
19.11.2026.16:15
სელფი მობაილმა, კრეატიულ სააგენტო „სუპერმარკეტთან“ თანამშრომლობით, ახალი კამპანია: „ვილაპარაკოთ, რომ გავუგოთ და არა მოვუგოთ“ წარადგინა. კამპანიის მთავარი იდეაა, საზოგადოებას შეახსენოს, რომ საუბრის რეალური ღირებულება ერთმანეთის მოსმენა და გაგებაა.
დღეს, როდესაც ყოველდღიური საუბრები, ხშირად, კამათსა და საკუთარი სიმართლის დამტკიცებაში გადაიზრდება, სელფი მობაილი ყურადღებას ამახვილებს გულწრფელი კომუნიკაციის მნიშვნელობაზე. კამპანია ადამიანებს მოუწოდებს საუბარი არა შეჯიბრად, არამედ ერთმანეთის უკეთ გაცნობისა და გაგების შესაძლებლობად აღიქვან.
კამპანიის მთავარი ვიდეორგოლი ყოველდღიურ, ყველასთვის ნაცნობ სიტუაციებს ასახავს, სადაც ჩვეულებრივი საუბრები დებატებად იქცევა. დედა-შვილი, მეგობრები და თანამშრომლები ერთმანეთს არგუმენტებით უპირისპირდებიან, თითოეული არგუმენტი კი ქულად ითვლება. ყველა საკუთარი პოზიციის დამტკიცებას ცდილობს, რის შედეგადაც საუბარი თავდაპირველ მიზანს - ერთმანეთის გაგებას კარგავს.
„როგორც ტელეკომ ოპერატორი, ჩვენი მთავარი მიზანი ადამიანების ერთმანეთთან დაკავშირებაა. თუმცა მნიშვნელოვანია არა მხოლოდ კომუნიკაციის შესაძლებლობის შექმნა, არამედ ისიც, თუ როგორ იყენებენ ადამიანები ამ კავშირს. ამ კამპანიით გვსურს შევახსენოთ საზოგადოებას, რომ საუბრის მიზანი ყოველთვის საკუთარი სიმართლის დამტკიცება არ არის. ზოგჯერ გაცილებით მნიშვნელოვანია მოვუსმინოთ ერთმანეთს, გავიგოთ საპირისპირო მოსაზრება და მეტი სივრცე დავტოვოთ გულწრფელი დიალოგისთვის“, - აცხადებენ სელფი მობაილში.
„ვილაპარაკოთ, რომ გავუგოთ და არა მოვუგოთ“ კამპანია ადამიანებს მარტივ კითხვაზე დაფიქრებას სთავაზობს: ბოლოს როდის ვისაუბრეთ იმისთვის, რომ ერთმანეთისთვის გაგვეგო და არა მოგვეგო?
ვილაპარაკოთ, რომ გავუგოთ და არა მოვუგოთ
კრედიტები:
კრეატიული სააგენტო: SUPERMARKET
კრეატიული დირექტორები: ეკა ყიფიანი, სანდრო ციცქიშვილი
არტ დირექტორი: ანი როსტომაშვილი
დიზაინერი: თიკუნა ადეიშვილი
ექაუნთ მენეჯერი: გიორგი ტაბატაძე
აღმასრულებელი პროდიუსერი - სანდრო გაბილაია
ფროდაქშენის ჰედი & პროდიუსერი - მაიკო გურაბანიძე
რეჟისორი - დავით ბორჩხაძე
დამდგმელი ოპერატორი - სანდრო დარახველიძე
ფოტოგრაფი - ელენე შენგელია
1st AD / LP - ნინი იაშვილი
ფროდაქშენ მენეჯერი - ტატო ფანცულაია
ფინანსური მენეჯერი - მაკა ლაბაძე
ფინანსური ადმინისტრატორი - თეკო გურაბანიძე
პოსტ ფროდაქშენ პროდიუსერი - ბურო
ლოჯისტიკის მენეჯერი - დავით მაღლაკელიძე
ტრანსპორტ მენეჯერი - დავით ფერაძე
ლოკაციის მენეჯერი - ნათია ჩომახიძე
ლოკაციის კოორდინატორი - ზაზა ჭიღლაძე
კასტინგის მენეჯერი - ლიზა ადამაშვილი
კასტინგის ასისტენტი - ვიკა ბოკერია
PA - ანეტა გვასალია
სეტი
სეტ მენეჯერი - ნიკო ჩხაიძე
დიასახლისი - სვეტა ბაღდასარიანი
მხატვრობა
ფროდაქშენ დიზაინი: Nisley studio
დამდგმელი მხატვრები - სოფიო გულისაშვილი, ზურა კიკვაძე
არტ დეპარტამენტი: დავით ღვინაშვილი, თამაზ ბოჭოიძე, გური ჭვრიტიძე, გარიკ მარტიროსიანი, ბექა ყალაბეგაშვილი
რეკვიზიტორი: თათია გულისაშვილი
კოსტუმი /გრიმი
კოსტიუმების მხატვარი - ანკა გაბუნია
კოსტიუმების მხატვარი - მარიამ გელაშვილი
გრიმი - სალომე ზაქარაია, ტაისია ერაძე
ტექნიკური ჯგუფი
2nd AC - კარბელა
ფოკუსი - საბა თეთრაძე
გაფერი - კადაფა
პოსტი
VFX/AI - Highway VFX
VFX/AI - გიორგი ფაილოძე
ფერის კორექცია - მინდია ინასარიძე
მუსიკა - Break Records
საუნდ დიზაინი - Uzupo
Motion Graphics - ლევან ზაზარაშვილი
მუსიკა - გიორგი ჩაგელაშვილი
საკონტაქტო ინფორმაცია მედიისთვის: asadunashvili@cellfie.ge
დამატებითი ინფორმაციისთვის კომპანიის შესახებ, ეწვიეთ: http://cellfie.ge; ასევე სელფის სოციალური მედიის არხებს: