ალდაგი სტიქიის შედეგად დაზარალებულ ავტომფლობელებს 10 მილიონ ლარს აუნაზღაურებს
სადაზღვევო კომპანია ალდაგი 20 ივნისს დედაქალაქში მომხდარი ძლიერი სეტყვის შედეგად დაზარალებულ მომხმარებლებს, წინასწარი მონაცემებით, 10 მილიონ ლარს აუნაზღაურებს. ამ დროისთვის კომპანიაში უკვე დაფიქსირდა 3 000-მდე განაცხადი. სტიქიამ ძირითადად საცალო და კორპორატიული სეგმენტის ავტომობილები დააზიანა.
მიმდინარე მონაცემებით, დაზარალებულთა რაოდენობა და მიყენებული ზარალის მოცულობა დინამიურად იცვლება და ზარალის შეფასებისა და ანაზღაურების პროცესი უწყვეტ რეჟიმში მიმდინარეობს. ავტომობილების ნაწილის შეფასება უკვე დასრულებულია და კომპენსაციების გაცემა დაწყებულია. მომხმარებლებისთვის შეთვაზებულია ავტომობილების შეკეთების ინდივიდუალური გეგმაც.
„სტიქიის პირველივე წუთებიდან, ჩვენი გუნდი სრული დატვირთვით მუშაობს დედაქალაქში სეტყვის შედეგად დაზარალებულ ავტომფლობელთა დასახმარებლად. ალდაგი ავტოდაზღვევის ყველაზე მსხვილ სადაზღვევო პორტფელს ფლობს, კორაპორატიულ და საცალო სეგმენტში, შესაბამისად, სტიქიის მასშტაბი ჩვენს მომხმარებლებს ყველაზე მეტად შეეხო. პროცესის სირთულიდან გამომდინარე, ალდაგის ქოლ-ცენტრი გადაყვანილია 24-საათიან საგანგებო რეჟიმზე, რათა ოპერატიულად მოხდეს მომხმარებლებისთვის ამომწურავი ინფორმაციის მიწოდება. ჩვენი მთავარი პრიორიტეტი თითოეული მომხმარებლის კმაყოფილებაა,“ - აცხადებენ კომპანიაში.
სხვა სიახლეები
ვახტანგ ჟვანიამ გაერო-ს საჯარო სერვისების ფორუმის ფარგლებში გამართულ თემატურ სესიაზე საერთაშორისო საზოგადოებას იუსტიციის სახლის წარმატებული კონცეფცია „ყველაფერი ერთ სივრცეში“ – გააცნო
23.06.2026.18:50
იუსტიციის სახლის თავმჯდომარემ ვახტანგ ჟვანიამ გაერო-ს საჯარო სერვისების ფორუმის ფარგლებში გამართულ თემატურ სესიაზე საერთაშორისო საზოგადოებას იუსტიციის სახლის წარმატებული კონცეფცია – „ყველაფერი ერთ სივრცეში“ – გააცნო
სესიაზე „ინტეგრირებული მომსახურების მიწოდების სისტემები” სიტყვით გამოსვლისას ვახტანგ ჟვანიამ ყურადღება გაამახვილა იუსტიციის სახლის ფილიალებზე, მობილური იუსტიციის სახლის პროექტზე, პენიტენციურ დაწესებულებებში ხელმისაწვდომ სერვისებზე, სატელეფონო ცენტრსა და ბიზნესასისტენტის მომსახურებაზე.
მისი განცხადებით, იუსტიციის სახლის მიერ დანერგილი ინტეგრირებული სერვისების მოდელი მოქალაქეთა საჭიროებებზეა ორიენტირებული და ადმინისტრაციულ ბარიერებს ამცირებს. ვახტანგ ჟვანიამ აღნიშნა, რომ ამ მიდგომის წარმატება საერთაშორისო დონეზეც აღიარებულია და იუსტიციის სახლს სერვისების მიწოდების სფეროში საუკეთესო მიღწევებისთვის გაერო-ს საჯარო სამსახურის ჯილდო აქვს მინიჭებული.
იუსტიციის სახლი გაეროს მდგრადი განვითარების მიზნების შესაბამისად მუშაობს და განსაკუთრებულ მნიშვნელობას ანიჭებს ინკლუზიურობასა და თანაბარ ხელმისაწვდომობას, მათ შორის, შეზღუდული შესაძლებლობის მქონე პირებისთვის ადაპტირებული სერვისების განვითარებას.
დღეს საქართველოს მასშტაბით 127 იუსტიციის სახლი ფუნქციონირებს, რომლებიც მოქალაქეებს 500-ზე მეტ სახელმწიფო და კერძო სექტორის სერვისს სთავაზობს. წლის ბოლომდე ფილიალების რაოდენობა 132-მდე გაიზრდება, ხოლო ხელმისაწვდომი სერვისების რაოდენობა 1 000-ს გადააჭარბებს.
