ალდაგმა ავეჯის მაღაზია კომფორტერს ხანძრისგან მიყენებული ზიანი სრულად აუნაზღაურა
სადაზღვევო კომპანია ალდაგმა მილიონ ლარზე მეტი აანაზღაურა თბილისში გახმაურებული ხანძრის შედეგად დაზიანებული ავეჯის მაღაზია კომფორტერის აღსადგენად. ხანძარი მიმდინარე წლის აპრილში, ალ.ყაზბეგის გამზრიზე მდებარე კომფორტერის შოურუმს გაუჩნდა. მასშტაბური ხანძრის და დაკვამლიანების შედეგად მაღაზიის 2000 კვ.მ-მდე ფართი დაზიანდა.
სადაზღვევო კომპანია ალდაგმა, ავეჯის მაღაზია კომფორტერს ხანძრის შედეგად მიყენებული ზიანი სრულად აუნაზღაურა. კომფორტერი ქონების დაზღვევის პროდუქტით სარგებლობდა, რომელიც მარაგებისა და რემონტის ხარჯების ანაზღაურებას გულისხმობს. დაზღვევისგან მიღებული თანხით ხანძრისგან დაზიანებული ნაწილები სრულად აღდგა და მაღაზია ჩვეულ რეჟიმში განაგრძობს ფუნქციონირებას.
„მოხარული ვართ, რომ ჩვენს კიდევ ერთ პარტნიორ კომპანიას გამოვუცხადეთ მხარდაჭერა. კორპორატიული დაზღვევის სეგმენტში, დაზღვევის აუცილებლობა უფრო და უფრო აქტუალური ხდება, რადგან მოსალოდნელი რისკების მართვისა და მასშტაბური ზიანის შედეგების აღმოხვრისთვის, დაზღვევა საუკეთესო მექანიზმია. კომფორტერი უკვე 8 წელია ჩვენი მომხმარებელია და მოხარული ვართ, რომ პარტნიორობას ურთიერთნდობით ვაგრძელებთ,” - აცხადებენ ალდაგში;
კორპორატიული დაზღვევის მიმართულებით, სადაზღვევო კომპანია ალდაგი წლებია ლიდერის პოზიციას იკავებს 32%-იანი ბაზრის წილით. ალდაგი ერთადერთი კომპანიაა საქართველოში, რომელიც ფლობს საერთაშორისო რეიტინგს AM Best bbb-, იკავებს წამყვან პოზიციებს როგორც ბაზრის წილით, ისე პროდუქტების მრავალფეროვნებით და წარმოდგენილია რეგიონში გადაზღვევის მიმართულებით.
სხვა სიახლეები
საქართველოს ბანკმა 100-მდე საერთაშორისო ინვესტორსა და ანალიტიკოსს Investor Day-ზე უმასპინძლა
30.06.2026.17:07
Lion Finance Group -მა ყოველწლიური Investor Day გამართა, რომელსაც 100-მდე საერთაშორისო ინვესტორი და ანალიტიკოსი დაესწრო. ღონისძიების ფარგლებში ჯგუფის მენეჯმენტმა, საქართველოს ბანკისა და Ameriabank-ის გუნდის წევრებთან ერთად, სტუმრებს ჯგუფის სტრატეგიული მიმართულებები, ფინანსური შედეგები და ხედვები გააცნო.
Investor Day-ს ესწრებოდნენ ისეთი წამყვანი საერთაშორისო საინვესტიციო კომპანიებისა და ფინანსური ინსტიტუტების წარმომადგენლები, როგორებიც არიან Firebird, M&G Investments, Morgan Stanley, , JPMorgan Chase და სხვები.
შეხვედრაზე განსაკუთრებული ყურადღება დაეთმო საქართველოს მაკროეკონომიკურ გარემოს, ქვეყნის ეკონომიკური განვითარების პერსპექტივებსა და იმ სტრატეგიულ გადაწყვეტილებებს, რომლებმაც საქართველოს ბანკის და მთლიანად Lion Finance Group-ის მდგრად ზრდას შეუწყო ხელი. ასევე, განხილული იყო ციფრული ბანკინგისა და ტექნოლოგიების მიმართულებით განხორციელებული მნიშვნელოვანი ნაბიჯები, რომელთა შედეგადაც საქართველოს ბანკმა Global Finance-ისგან ზედიზედ ორჯერ მსოფლიოს საუკეთესო ციფრული ბანკის ჯილდო მოიპოვა.
Investor Day-ის ერთ-ერთი თემა ასევე იყო Lion Finance Group-ის FTSE 100 ინდექსში გაწევრიანება. საქართველოს ბანკი პირველი კომპანიაა საქართველოდან, რომელმაც ლონდონის საფონდო ბირჟის FTSE 100 ინდექსში დაიკავა ადგილი. დღეს ჯგუფი ისეთ საერთაშორისო კომპანიებთან ერთადაა წარმოდგენილი, როგორებიც არიან HSBC, BP, Unilever, Rolls-Royce Holdings, Shell და Barclays.
„Investor Day მნიშვნელოვანი შესაძლებლობაა, საერთაშორისო ინვესტორებს გავუზიაროთ ჩვენი სტრატეგიული ხედვა, ფინანსური შედეგები და განვითარების გეგმები. განსაკუთრებით საამაყოა, რომ წელს Lion Finance Group FTSE 100 ინდექსის წევრი გახდა. ეს ჩვენი გუნდის მრავალწლიანი, თანმიმდევრული მუშაობისა და სტრატეგიის შედეგია. რაც მთავარია, ვაგრძელებთ ინვესტირებას ტექნოლოგიებში, ინოვაციებსა და მომხმარებლის გამოცდილების გაუმჯობესებაში, რათა შევქმნათ გრძელვადიანი ღირებულება ჩვენი მომხმარებლებისა და ინვესტორებისთვის”, - განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.
Investor Day წარმოადგენს Lion Finance Group-ისა და მისი შვილობილი კომპანიების საერთაშორისო საინვესტიციო საზოგადოებასთან კომუნიკაციის ერთ-ერთ უმნიშვნელოვანეს პლატფორმას, რომელიც ინვესტორებს ჯგუფის სტრატეგიის, ფინანსური შედეგებისა და გრძელვადიანი ხედვების შესახებ ამომწურავ ინფორმაციას აწვდის.
