„ანდანა“ განვითარების ახალ ეტაპზეა - კომპანია პროდუქციის ასორტიმენტს აფართოებს, ახალ კატეგორიებს ამატებს და მომხმარებლებს თანამედროვე, პრაქტიკულ და მრავალფეროვან პროდუქციას სთავაზობს. მიმდინარე სიახლეებსა და სამომავლო გეგმებზე Business Insider Georgia-ს კომპანიის დირექტორი, ლუკა ხაბაზიშვილი, ესაუბრა.

როგორია კომპანიის მიმდინარე სიახლეები?

„ანდანა" აქტიურად აგრძელებს განვითარებას როგორც პროდუქციის, ისე გაყიდვების მიმართულებით. ბოლო პერიოდში გავაფართოვეთ ჩვენი პარტნიორული ქსელი, აქტიურად ვმონაწილეობთ სხვადასხვა გამოფენასა და ღონისძიებაში და ვზრდით ბრენდის ხელმისაწვდომობას საქართველოს მასშტაბით. ჩვენი მთავარი მიზანია მომხმარებლებს შევთავაზოთ მაღალი ხარისხის, პრაქტიკული და თანამედროვე დიზაინის პროდუქცია, რომელიც ყოველდღიურ ცხოვრებას უფრო კომფორტულს გახდის.

როგორია „ანდანას" ამჟამინდელი ასორტიმენტი? ხომ არ გაფართოვდა პროდუქციის ხაზი ან დაემატა ახალი პროდუქტები?

დღეს „ანდანას" ასორტიმენტი მოიცავს სასკოლო და ყოველდღიურ ზურგჩანთებს, ლეპტოპის ჩანთებს, თერმოსებს, პენალებს, სპორტულ ბურთებსა და სხვადასხვა აქსესუარს. პროდუქციის ხაზი მუდმივად ფართოვდება და რეგულარულად ვამატებთ ახალ მოდელებს, ფერებსა და დიზაინებს, რათა მომხმარებლებს კიდევ უფრო მრავალფეროვანი არჩევანი შევთავაზოთ.

როგორ აფასებთ მომხმარებელთა ინტერესსა და მოთხოვნას? რამდენად მზარდია ტენდენცია?

მომხმარებელთა ინტერესი ყოველწლიურად იზრდება. განსაკუთრებით მაღალი მოთხოვნაა სასწავლო სეზონის დაწყებამდე, თუმცა ბოლო პერიოდში ზრდას ვხედავთ მთელი წლის განმავლობაში. მომხმარებლები სულ უფრო მეტად აფასებენ ხარისხს, თანამედროვე დიზაინსა და პრაქტიკულობას, რაც „ანდანას" ერთ-ერთი მთავარი უპირატესობაა. პოზიტიური უკუკავშირი და ერთგული მომხმარებლების ზრდა გვაძლევს დამატებით მოტივაციას, განვაგრძოთ განვითარება.

რა სამომავლო გეგმები აქვს კომპანიას, განსაკუთრებით ასორტიმენტის გაფართოებისა და განვითარების მიმართულებით?

სამომავლოდ ვგეგმავთ ასორტიმენტის კიდევ უფრო გაფართოებას როგორც ბავშვებისთვის, ისე მოზარდებისა და ზრდასრულებისთვის განკუთვნილი პროდუქტებით. ასევე ვმუშაობთ ახალი კატეგორიების დამატებაზე, ინოვაციური დიზაინების შექმნასა და საერთაშორისო ბაზრებზე გასვლის შესაძლებლობებზე. ჩვენი მიზანია „ანდანა" ჩამოყალიბდეს რეგიონში ერთ-ერთ ყველაზე ცნობილ და სანდო ბრენდად ყოველდღიური ჩანთებისა და აქსესუარების მიმართულებით.

ინფორმაციისთვის, „ანდანა“ იყენებს მხოლოდ მაღალი ხარისხის, გამძლე და უსაფრთხო მასალებს, ყოველი დეტალი დამუშავებულია განსაკუთრებული ყურადღებით, რათა მომხმარებელმა მიიღოს არა მხოლოდ ლამაზი, არამედ საიმედო პროდუქტი.