Saguramo Hills-ის საცხოვრებელი პროექტი დასკვნით ეტაპზეა - 22 ვილიდან გაყიდვაში მხოლოდ ოთხი დარჩა. პროექტის მიმართ მაღალი ინტერესი სუბურბანულ საცხოვრებელზე მზარდ მოთხოვნას კიდევ ერთხელ უსვამს ხაზს.
მიმდინარე სიახლეების, უძრავი ქონების ბაზარზე არსებული ტენდენციებისა და კომპანიის სამომავლო გეგმების შესახებ Business Insider Georgia-ს Saguramo Hills-ის გაყიდვების მენეჯერი ნათია გადელია ესაუბრა.

რა მნიშვნელოვანი სიახლეები აქვს ამ ეტაპზე Saguramo Hills-ს და რა მიმართულებებზე მუშაობთ ყველაზე აქტიურად?

ამ ეტაპზე Saguramo Hills-ის პროექტი დასკვნით ეტაპზეა. ჯამში 22 ვილიდან გაყიდვაში მხოლოდ 4 ვილა დარჩა, რაც კიდევ ერთხელ ადასტურებს პროექტის მიმართ მაღალ ინტერესსა და მოთხოვნას.

აქტიურად ვმუშაობთ დარჩენილი ვილების ხარისხის კიდევ უფრო გაუმჯობესებაზე - ისინი ეტაპობრივად შავი კარკასის მდგომარეობიდან თეთრი კარკასის კონდიციამდე გადაგვყავს, რათა მომხმარებლებს შევთავაზოთ უფრო კომფორტული და მზა საცხოვრებელი გადაწყვეტა.

პარალელურად, უკვე გაყიდულ ვილებში ინტენსიურად მიმდინარეობს სარემონტო და კეთილმოწყობის სამუშაოები. ჩვენი მიზანია, თითოეულმა მფლობელმა მიიღოს მაღალი ხარისხის საცხოვრებელი, ხოლო მთლიანმა დასახლებამ ჩამოყალიბდეს როგორც თანამედროვე, ჰარმონიული და სრულად ფუნქციური სუბურბანული სივრცე.

როგორ შეიცვალა ბოლო პერიოდში საცხოვრებელი უძრავი ქონების ბაზარზე მომხმარებელთა მოთხოვნა და რა ძირითად ტენდენციებს აკვირდებით?

ბოლო წლებში საცხოვრებელი უძრავი ქონების ბაზარზე მომხმარებელთა პრიორიტეტები მნიშვნელოვნად შეიცვალა. თუ ადრე მთავარი ყურადღება მხოლოდ საცხოვრებელი ფართისა და ფასისკენ იყო მიმართული, დღეს მყიდველები სულ უფრო მეტად აფასებენ ცხოვრების ხარისხს, ეკოლოგიურად სუფთა გარემოს, უსაფრთხოებასა და კომფორტს.

განსაკუთრებით გაიზარდა მოთხოვნა სუბურბანულ დასახლებებზე, რომლებიც ქალაქთან სიახლოვესთან ერთად ბუნებასთან ჰარმონიულ ცხოვრებას უზრუნველყოფს. მომხმარებლებისთვის მნიშვნელოვანია გამწვანებული გარემო, სუფთა ჰაერი, კერძო ეზო, პანორამული ხედები და ისეთი სივრცე, სადაც ოჯახთან ერთად მშვიდ და ჯანსაღ გარემოში იცხოვრებენ.

სწორედ ამ ტენდენციებს პასუხობს Saguramo Hills. ჩვენი პროექტი აერთიანებს თანამედროვე არქიტექტურას, მაღალხარისხიან მშენებლობასა და ბუნებრივ გარემოს, რაც მას განსაკუთრებით მიმზიდველს ხდის როგორც მუდმივი საცხოვრებლის, ისე საინვესტიციო მიზნებისთვის. დღეს მომხმარებლები უძრავ ქონებაში მხოლოდ სახლს აღარ ყიდულობენ - ისინი ირჩევენ ცხოვრების სტილს, და სწორედ ეს არის ის მიმართულება, რომლისკენაც ბაზარი სულ უფრო აქტიურად ვითარდება.

რა პროექტები მიმდინარეობს ამჟამად Saguramo Hills-ის ფარგლებში? იგეგმება თუ არა ახალი ფაზების, საცხოვრებელი სივრცეების ან სხვა ინფრასტრუქტურული კომპონენტების განვითარება?

ამჟამად Saguramo Hills-ში აქტიურად მიმდინარეობს დასრულებული ვილების სარემონტო და შიდა მოპირკეთების სამუშაოები. პროექტის ფარგლებში უკვე გაყიდულ სახლებში მფლობელების მოთხოვნებისა და ინდივიდუალური დიზაინის შესაბამისად სრულდება სარემონტო პროცესები.

პარალელურად, დარჩენილ გასაყიდ ვილებზე მიმდინარეობს სამუშაოები, რათა ისინი შავი კარკასის მდგომარეობიდან თეთრი კარკასის კონდიციამდე გადავიყვანოთ. ჩვენი მიზანია, მომხმარებლებს შევთავაზოთ მაღალი ხარისხის, მაქსიმალურად კომფორტული და საცხოვრებლად მზადყოფნასთან მიახლოებული პროდუქტი.

ყურადღებას ვუთმობთ როგორც მშენებლობის ხარისხს, ისე მთლიანად დასახლების იერსახესა და კეთილმოწყობას, რათა Saguramo Hills ჩამოყალიბდეს თანამედროვე, მშვიდ და სრულფასოვან სუბურბანულ საცხოვრებელ გარემოდ.

რა სტრატეგიულ მიმართულებებსა და პროექტებზე იქნება კომპანიის მთავარი ფოკუსი უახლოეს პერიოდში? შეიძლება თუ არა ახალი პროექტების ან ლოკაციების დამატებასაც ველოდოთ?

Saguramo Hills წარმატებით ახორციელებს მიმდინარე პროექტს და განვითარების ახალ ეტაპზე გადადის.

ამ ეტაპზე ჩვენი მთავარი ფოკუსია არსებული ლოკაციის სრულყოფილი განვითარება და გაყიდვების გაძლიერება. ჩვენი მიზანია, მომხმარებლებს შევთავაზოთ მრავალფეროვანი საცხოვრებელი არჩევანი, რომელიც მაქსიმალურად შეესაბამება მათ საჭიროებებს, ცხოვრების სტილსა და მოლოდინებს.

Saguramo Hills ეფუძნება ისეთ ღირებულებებს, როგორიცაა მაღალი ხარისხის მშენებლობა, თანამედროვე არქიტექტურა, კომფორტული და უსაფრთხო საცხოვრებელი გარემოს შექმნა, ასევე მომხმარებელზე ორიენტირებული მომსახურება. სწორედ ეს პრინციპები ქმნის პროექტის გამორჩეულობას და უზრუნველყოფს მის გრძელვადიან ღირებულებას.