„პაპრიკა“ ქართული სანელებლების მწარმოებელი კომპანიაა, რომელიც მომხმარებელს მრავალფეროვან და მაღალი ხარისხის პროდუქტებს სთავაზობს. კომპანიის მიმდინარე სიახლეების, ასორტიმენტის გაფართოების, ხარისხის საერთაშორისო სტანდარტების დანერგვისა და სამომავლო გეგმების შესახებ Business Insider Georgia კომპანიის საზოგადოებასთან ურთიერთობის მენეჯერს, თეკლა ჩხეიძეს ესაუბრა.

როგორია კომპანიის მიმდინარე სიახლეები?

„პაპრიკა“ დღეს უკვე მხოლოდ სუნელების ბრენდი აღარ არის - ჩვენთვის ეს არის გემო, ხარისხი და ნდობა, რომელიც ყოველდღიურად ათასობით ოჯახამდე მიდის. ბოლო პერიოდში აქტიურად ვაფართოებთ პროდუქციის ხაზს, ვნერგავთ თანამედროვე სტანდარტებს და ვმუშაობთ იმაზე, რომ მომხმარებელმა თითოეულ შეფუთვაში იგრძნოს ხარისხი და სტაბილურობა.

კომპანიაში უკვე დანერგილია HACCP-ის სისტემა, რაც სურსათის უვნებლობის მაღალ სტანდარტს უზრუნველყოფს, ხოლო ამჟამად მიმდინარეობს ISO სტანდარტის დანერგვის პროცესიც. პარალელურად, აქტიურად ვმუშაობთ პროცესების გაციფრულების მიმართულებით, რათა წარმოება და ხარისხის კონტროლი კიდევ უფრო ეფექტური და გამჭვირვალე გახდეს.

ჩვენი მთავარი მიზანია, როდესაც მომხმარებელი მაღაზიაში სუნელების თაროსთან დადგება, არჩევანი ბუნებრივად „პაპრიკაზე" გააკეთოს - ხარისხის, არომატის და სანდოობის გამო.

რა ძირითადი მიმართულებებით აფართოებთ საქმიანობას და რას ემყარება ეს გადაწყვეტილებები?

დღეს მომხმარებელი მხოლოდ სუნელს აღარ ყიდულობს - ის ეძებს გემოს, სტაბილურ ხარისხს და პროდუქტს, რომელსაც ენდობა. სწორედ ამიტომ, ჩვენი გაფართოების მთავარი მიმართულებებია ახალი გემოების შექმნა, პროდუქციის მრავალფეროვნების გაზრდა და ისეთი სტანდარტების დანერგვა, რომლებიც ქართულ ბაზარზე ხარისხის ახალ ნიშნულს ქმნის.

გადაწყვეტილებებს ვიღებთ მომხმარებლის რეალური მოთხოვნების, ბაზრის ტენდენციებისა და ყოველდღიური გამოცდილების საფუძველზე. ჩვენთვის მნიშვნელოვანია, რომ „პაპრიკა" ასოცირდებოდეს არა უბრალოდ სუნელთან, არამედ იმ პატარა დეტალთან, რომელიც კერძის საბოლოო გემოს განსაზღვრავს.

რა გამოწვევებს აწყდებით ზრდის პროცესში და როგორ ახერხებთ ხარისხისა და სტაბილურობის შენარჩუნებას?

როდესაც ბრენდი იზრდება, ყველაზე დიდი გამოწვევა ხდება ხარისხის იმავე დონეზე შენარჩუნება, რასაც მომხმარებელი უკვე მიეჩვია. ჩვენთვის ეს განსაკუთრებით მნიშვნელოვანია, რადგან სუნელში მცირე განსხვავებაც კი პირდაპირ აისახება კერძის გემოზე.

ამიტომ, ხარისხის კონტროლი ჩვენი ყოველდღიური პროცესის მთავარი ნაწილია. HACCP-ის სისტემის, ISO სტანდარტების დანერგვისა და პროცესების გაციფრულების საშუალებით, მაქსიმალურად ვაკონტროლებთ თითოეულ ეტაპს - ნედლეულის შერჩევიდან საბოლოო შეფუთვამდე.

ჩვენ გვჯერა, რომ მომხმარებლის ნდობა იქმნება არა ხმამაღალი დაპირებებით, არამედ სტაბილური ხარისხით, რომელსაც ის ყოველ შეძენაზე იღებს.

როგორია თქვენი სამომავლო ხედვა და რა არის მთავარი მიზნები მომდევნო ეტაპისთვის?

ჩვენი ხედვაა, „პაპრიკა" გახდეს ბრენდი, რომელიც პირველ რიგში გაახსენდება მომხმარებელს, როდესაც სუნელებზე ფიქრობს. გვინდა, რომ ქართული სამზარეულოს ყოველდღიურ ნაწილად ვიქცეთ არა მხოლოდ საქართველოში, არამედ საერთაშორისო ბაზრებზეც.

მომდევნო ეტაპზე ვგეგმავთ ახალი პროდუქტების განვითარებას, ტექნოლოგიურ განახლებებს და ბრენდის კიდევ უფრო გაძლიერებას. თუმცა, ყველაზე მნიშვნელოვანი მიზანი უცვლელია - მომხმარებელმა „პაპრიკასთან" ყოველთვის დააკავშიროს ხარისხი, გემო და ნდობა.

ინფორმაციისთვის, წარმოებისთვის გამოიყენება ბიოლოგიურად სუფთა, ორგანული ნედლეული.