ავტომობილთან დაკავშირებული ყველა სერვისი ერთ სივრცეში - რა შესაძლებლობებს ქმნის JAVIC
JAVIC ქართული ავტოტექ პლატფორმაა, რომელიც ბაზარზე 2025 წლიდან ოპერირებს. მეტი ინფორმაციისთვის, Business Insider Georgia კომპანიის თანადამფუძნებელსა და დირექტორს ვატო ფაჩულიას ესაუბრა.

როდიდან ოპერირებს JAVIC-ი ბაზარზე და როგორია კომპანიის საქმიანობის სპეციფიკა?
JAVIC (Just A Very Intelligent Car) 2025 წლიდან ოპერირებს ბაზარზე. ჩვენი მიზანია ავტომობილის ინდუსტრიის ციფრული ტრანსფორმაცია საქართველოში და რეგიონში.
ჩვენ ვქმნით ეკოსისტემას, რომელიც ავტომობილის ისტორიას, მონაცემებსა და მასთან დაკავშირებულ სერვისებს ერთ პლატფორმაში აერთიანებს, რათა ავტომობილის ფლობა, ყიდვა და გაყიდვა უფრო უსაფრთხო, გამჭვირვალე და კომფორტული გახდეს.
რა სერვისებს აერთიანებთ დღეს და რომელია მომხმარებლების მხრიდან ყველაზე მოთხოვნადი?
დღეს JAVIC მომხმარებლებს სთავაზობს VIN დეკოდირებას, ავტომობილის ისტორიის გადამოწმებას, გარბენისა და ავარიების მონაცემებს, ჯარიმების გადახდას, ელექტრომობილების დამტენების რუკას, პარტნიორულ შეთავაზებებსა და AI ასისტენტს ქართულ ენაზე.
ყველაზე მოთხოვნადი სერვისი კვლავ ავტომობილის ისტორიის გადამოწმებაა, რაც კიდევ ერთხელ აჩვენებს, რომ მომხმარებლებისთვის გამჭვირვალობა და სანდო ინფორმაცია სულ უფრო მნიშვნელოვანი ხდება.
რა გამოარჩევს JAVIC-ს ბაზარზე არსებული სხვა პლატფორმებისგან და რას მიიჩნევთ კომპანიის მთავარ კონკურენტულ უპირატესობად?
ჩვენ არ გვინდა ვიყოთ უბრალოდ კიდევ ერთი პლატფორმა, რომელიც ავტომობილის ისტორიას აჩვენებს.
JAVIC ქმნის ავტომობილის ციფრულ პასპორტს და აერთიანებს მთელ ეკოსისტემას - მფლობელებს, სერვისცენტრებს, ავტონაწილების მაღაზიებს, სადაზღვევო კომპანიებსა და სხვა ბიზნესებს ერთ სივრცეში.
ჩვენი მთავარი უპირატესობა სწორედ ეს ხედვაა - ვაშენებთ არა უბრალოდ პროდუქტს, არამედ ინფრასტრუქტურას, რომელიც მომავალში ავტომობილების ინდუსტრიის სტანდარტი გახდება რეგიონში.
სამომავლოდ რა მიმართულებით გეგმავთ კომპანიის განვითარებას? იგეგმება თუ არა ახალი სერვისების დანერგვა, პარტნიორული ქსელის გაფართოება ან სხვა მნიშვნელოვანი სიახლეები?
მომდევნო ეტაპზე ჩვენი მთავარი ფოკუსი პარტნიორული ქსელის გაფართოება და ახალი სერვისების დამატებაა.
ჩვენ ღია ვართ თანამშრომლობისთვის ყველა იმ ბიზნესთან, რომელიც ავტომობილების ინდუსტრიაში ოპერირებს - სერვისცენტრები, ავტონაწილების მაღაზიები, სადაზღვევო კომპანიები, ტექდათვალიერების ცენტრები, ავტოსამრეცხაოები და სხვა პარტნიორები.
პარტნიორებს სრულიად უფასოდ ვთავაზობთ სპეციალურ ციფრულ პლატფორმას, სადაც შეძლებენ ავტომობილის მომსახურებისა და ისტორიის მონაცემების აღრიცხვას. ეს მათ საშუალებას მისცემს მიიღონ ახალი მომხმარებლები JAVIC-ის ეკოსისტემიდან, გაზარდონ მომხმარებელთა ნდობა და განავითარონ საკუთარი ბიზნესი.
ჩვენი ხედვაა, რომ უახლოეს წლებში JAVIC გახდეს ავტომობილების ინდუსტრიის ცენტრალური ციფრული პლატფორმა კავკასიაში - ადგილი, სადაც მომხმარებელი ავტომობილთან დაკავშირებულ ყველა მნიშვნელოვან სერვისს ერთ სივრცეში მიიღებს.
სხვა სიახლეები
10 000-ზე მეტი მომხმარებელი ერთ თვეში - როგორ ცვლის JAVIC ავტომობილის მოვლის წესს
16.11.2026.10:00
JAVIC ქართული ავტოტექ პლატფორმაა, რომელიც ავტომობილის მართვასა და მოვლასთან დაკავშირებულ სერვისებს ერთ ციფრულ სივრცეში აერთიანებს. კომპანიას ბოლო ერთი თვის განმავლობაში 10 000-ზე მეტი მომხმარებელი ჰყავდა. პლატფორმის განვითარების, ახალი ფუნქციებისა და სამომავლო გეგმების შესახებ Business Insider Georgia-ს JAVIC-ის თანადამფუძნებელი და დირექტორი ვატო ფაჩულია ესაუბრა.
რა სიახლეები აქვს JAVIC-ს ამ ეტაპზე და რა მიმართულებით ვითარდება კომპანია?
JAVIC-ის შექმნისას ერთი მარტივი კითხვა გვქონდა: რატომ უნდა ეძებოს მძღოლმა თავისი მანქანის შესახებ ინფორმაცია სხვადასხვა ადგილას? ჯარიმას ერთგან ამოწმებ, ტექდათვალიერების თარიღს სხვაგან ეძებ, ზეთი ბოლოს როდის შეცვალე კი შეიძლება საერთოდ აღარ გახსოვდეს. თავიდანვე გვინდოდა, ეს ყველაფერი ერთ აპლიკაციაში მოგვეყარა და მანქანის მოვლა უფრო მარტივი გაგვეხადა.
დღეს JAVIC-ში შეგიძლია დაამატო შენი ავტომობილი, აკონტროლო ჯარიმები და ტექდათვალიერების ვადები, შეინახო სერვისის ისტორია და კითხვები AI ასისტენტს დაუსვა. თუ მანქანის შეძენას აპირებ, VIN კოდით მის ისტორიასაც შეამოწმებ. ჩვენი ამბიციაა, JAVIC საქართველოში ავტომობილის ციფრული მოვლის წამყვანი პლატფორმა გახდეს - როგორც ერთი მანქანის მფლობელისთვის, ისე კომპანიებისთვის, რომლებიც მთელ ავტოპარკს მართავენ.

როგორ განვითარდა სერვისების ერთ სივრცეში გაერთიანების იდეა და რა დაემატა პლატფორმას?
დღეს შეგიძლია ნახო, გაქვს თუ არა გადაუხდელი ჯარიმა და როდემდე შეგიძლია მისი შეღავათით გადახდა. ტექდათვალიერების ვადის მოახლოებისას აპლიკაცია შეგახსენებს, რომ თარიღი არ გამოგრჩეს. შეგიძლია ჩაინიშნო ისიც, როდის შეცვალე ძრავის ან გადაცემათა კოლოფის ზეთი.
სერვისების აღრიცხვას მანქანის გაყიდვის დროსაც აქვს ფასი: მფლობელს შეუძლია JAVIC-ში შექმნილი სერვისის ისტორიის დოკუმენტი მყიდველს გაუზიაროს და აჩვენოს, რა სამუშაოები ჩაუტარდა მანქანას და როდის. ასე მყიდველისთვის უფრო გამჭვირვალე ხდება, როგორ უვლიდნენ ავტომობილს საქართველოში ყოფნის პერიოდში. ეს იმავე პრინციპს ემყარება, რასაც საერთაშორისო პრაქტიკაში დოკუმენტირებული სერვისის ისტორია.
აპში შეგიძლია გადაამოწმო საწვავის ფასები, რუკაზე კი მოძებნო ელექტროდამტენები და ახლომდებარე ავტოსერვისები. გვაქვს AI ასისტენტიც. მაგალითად, თუ დაფაზე უცნობი ინდიკატორი აინთო, შეგიძლია პირდაპირ JAVIC-ს ჰკითხო, რას შეიძლება ნიშნავდეს და რა გადაამოწმო პირველ რიგში.
როგორ გაიზარდა მომხმარებლებისა და პარტნიორების რაოდენობა და რაზეა ყველაზე მაღალი მოთხოვნა?
ბოლო ერთ თვეში JAVIC-ს 10 000-ზე მეტი მომხმარებელი ჰყავდა და მათი რაოდენობა ყოველდღიურად იზრდება. ჩვენთვის ეს კარგი სიგნალია: პრობლემა, რომლის გამოც JAVIC შევქმენით, ბევრ მძღოლს აქვს.
ავტომობილის ისტორიის შემოწმებაში უკვე 10-ზე მეტ იურიდიულ პირს ვემსახურებით. JAVIC-ის სერვისებს აქტიურად იყენებენ ტაქსის კომპანიები, ავტოპარკების მმართველები და სხვა ბიზნესები, რომლებსაც სამი ან მეტი ავტომობილი ჰყავთ. როცა რამდენიმე მანქანაზე ხარ პასუხისმგებელი, თითოეულის ჯარიმების, ტექდათვალიერებისა და სერვისის ვადების ცალ-ცალკე კონტროლს დრო მიაქვს. ერთ სივრცეში მათი ნახვა ამ საქმეს ამარტივებს.
გამოყენების ორი ძირითადი სცენარი იკვეთება: ყიდვამდე მომხმარებელს მანქანის ისტორიის შემოწმება სჭირდება, ყიდვის შემდეგ კი ჯარიმების, ტექდათვალიერებისა და სერვისების კონტროლი. კონკრეტულად რომელ ფუნქციას იყენებენ ყველაზე ხშირად, ზუსტ მონაცემებს მოგვიანებით გავაზიარებთ.
რა გეგმები აქვს კომპანიას განვითარების შემდეგ ეტაპზე?
შემდეგ ეტაპზე გვინდა, მომხმარებელს საჭირო მომსახურების პოვნაც გავუმარტივოთ. მაგალითად, თუ JAVIC ზეთის შეცვლას გახსენებს, იქვე უნდა შეგეძლოს ნახო, სად შეგიძლია მისი შეცვლა. ამ მიმართულებით ახალ ფუნქციებსა და პარტნიორობებზე ვმუშაობთ. დეტალებზე ცოტა მოგვიანებით ვისაუბრებთ.
თუ JAVIC ჯერ არ გამოგიცდიათ, ჩამოტვირთეთ App Store-დან ან Google Play-დან, დაამატეთ თქვენი მანქანა და ნახეთ, როდის გიწევთ ტექდათვალიერება ან ხომ არ გაქვთ გადაუხდელი ჯარიმა.
საბოლოოდ, გვინდა, JAVIC თითოეული მძღოლის ჭკვიანი ავტომეგობარი გახდეს. სახელიც ამას გამოხატავს - Just A Very Intelligent Car. გვინდა, აპს ახსოვდეს ის, რაც შეიძლება შენ გამოგრჩეს, და როცა მანქანაზე კითხვა გაგიჩნდება, დაგეხმაროს იმის გარკვევაში, რა გააკეთო შემდეგ.