ბენე ექსკლუზივისთვის 2026 წლის პირველი ნახევარი სიახლეებით,ოპერაციული მასშტაბებითა და დატვირთვით გამორჩეული იყო. გაიზარდა მოთხოვნა პრემიუმ ტრანსპორტირების სერვისზე,როგორც ქართველი, ისე უცხოელი სტუმრების მხრიდან.
კომპანიის დამფუძნებელი გიორგი გოგლიძე Business Insider Georgia-სთან ბენე ექსკლუზივის 2026 წლის პირველი 6 თვის შედეგებსა და სამომავლო გეგმებზე საუბრობს.

ბატონო გიორგი,როგორ შეაფასებდით Bene Exclusive-ის 2026 წლის პირველ 6 თვეს - რა არის ის მთავარი შედეგები და მიღწევები, რომლითაც ამ პერიოდს გამოარჩევდით?

მსხვილ სპორტულ აქტივობებს, საერთაშორისო ტურნირებს, კულტურულ თუ სამთავრობო ღონისძიებებს ბენე ექსკლუზივი უკვე წლებია ოფიციალურად უწევს სატრანსპორტო მხარდაჭერას, თუმცა 2026 წლის პირველი ნახევარი ოპერაციული მასშტაბებითა და დატვირთვით ნამდვილად გამორჩეული აღმოჩნდა.

შევასრულეთ საკმაოდ კომპლექსური და საპასუხისმგებლო პროექტები. ყველა მათგანის ჩამოთვლა რთულია, თუმცა გამოვყოფდი ისეთ მასშტაბურ ღონისძიებებს, როგორებიცაა Kanye West-ის კონცერტი, RAF-ის ღონისძიება, RKENA, მსოფლიოს შესარჩევი ფეხბურთში, მსოფლიოს შესარჩევი კალათბურთში, თბილისისს საერთაშორისო ფინანსური სამიტი და სხვა მრავალი.

გარდა ამისა, თავად ვიყავით Mercedes Benz-ის ოფიცალური ბიზნეს ღონისძიების ორგანიზატორები, სადაც ვუმასპინძლეთ კერძო სექტორის, სახელმწიფო ინსტიტუტების, საბანკო და სადაზღვევო სფეროდან ლიდერებს. ღონისძიებას 500-მდე სტუმარი ესწრებოდა და 30-ზე მეტი წამყვანი ქართული და საერთაშორისო კომპანია უჭერდა მხარს.

წელი არ დასრულებულა, წინ კიდევ ბევრი მნიშვნელოვანი და წინასწარ დაგეგმილი პროექტი გველოდება. თუმცა, უკვე შეგვიძლია ვთქვათ, რომ პირველ 6 თვეში 150 000-ზე მეტი პრემიუმ-კლასის ტრანსფერი განვახორციელეთ, რამაც გასული წლის იგივე პერიოდთან შედარებით 20%-იანი ზრდა აჩვენა.

როგორ შეიცვალა მოთხოვნა პრემიუმ სატრანსპორტო მომსახურებაზე წლის პირველ ნახევარში? რომელ მიმართულებებზე ფიქსირდება ყველაზე მაღალი აქტივობა?

მუდმივად მზარდია მოთხოვნა საერთაშორისო სეგმენტის მხრიდან - ჩვენს მიერ განხორციელებული ტრანსფერების 70% სწორედ საერთაშორისო სტუმრებზე მოდის (დიპლომატები, ოფიციალური დელეგაციები, სპორტსმენები, არტისტები და ინვესტორები).

რეალურად,თანაბრად მაღალი დატვირთვა გვაქვს პრემიუმ ტრანსპორტირების ყველა ძირითად მიმართულებაზე: სპორტული ღონისძიებების სატრანსპორტო მხარდაჭერა, არტისტების ტრასპორტირება თუ მაღალი დონის სამთავრობო შეხვედრები. ამ ეტაპზე ყველა ეს მიმართულება სრული სიმძლავრით ოპერირებს.

რა იქნება Bene Exclusive-ის მთავარი ფოკუსი წლის დარჩენილ პერიოდში? რა გეგმები გაქვთ სერვისების, ავტოპარკისა და ახალი მიმართულებების განვითარების თვალსაზრისით?

პირველ რიგში გაზრდილი ოპერაციული მასშტაბების ფონზე, წლის მეორე ნახევარში Bene Exclusive-ის მთავარი ფოკუსი იქნება მომსახურების უმაღლესი სტანდარტისა და საიმედოობის შენარჩუნება.

მნიშვნელოვანად გაიზრდა მოთხოვნა საოპერაციო ლიზინგზე, რომელიც ჩვენთვისაც სიახლეა და წელს დაგვემატა ეს სერვისი. B2B სექტორში კორპორატიულ ავტოპარკზე მოთხოვნის ზრდა ბუნებრივია გვაძლევს იმის თქმის შესაძლებლობას, რომ კიდევ უფრო აქტიურად ვიმუშავებთ ამ მიმარულებაზე.

საბოლოოდ, როგორი მოლოდინი გაქვთ 2026 წლის შედეგებთან დაკავშირებით და რა იქნება, თქვენი ხედვით, წლის მთავარი შედეგი კომპანიისთვის?

2026 წლის მთავარი ბიზნეს ამოცანა კომპანიისთვის ოპერაციული მასშტაბირება და პორტფელის დივერსიფიკაციაა.

მიხარია, რომ თუკი დღეს პრემიუმ ტრანსპორტირებაზე ვსაუბრობთ ბენე ექსკლუზივი პირველი კომპანიაა, რომელიც აუდიტორიას ახსენდება. პირველ რიგში იმ ხარისხისა და სტანდარდის შენარჩუნებაა ჩვენთვის პრიორიტეტი, რომელსაც შექმნის დღიდან მივყვებით. გარდა ამისა, როგორც უკვე აღვნიშნე დავამატეთ ახალი მიმართულება საოპერაციო ლიზინგი და წლის ერთ-ერთი მთავარი ამოცანა სწორედ ეს არის, რომ ყველა მიმართულებამ, რომელსაც ბენე ექსკლზუივი დღეს მომხმარებელს სთავაზობს იმუშაოს სინქრონულად და ორგანიზებულად.

ვიმედოვნებთ, რომ მნიშვნელოვანი და სტრატეგიული პარტნიორობები წინ გვაქვს, ჩვენ რა თქმა უნდა, მზად ვართ ახალი გამოწვევებისთვის.