„მტევანი კოსმეტიკსი“ პროდუქციის ასორტიმენტს აფართოებს და მომხმარებელს ახალ სურნელოვან კოლექციას სთავაზობს. კოლექცია არომატულ სანთლებს, თხევად და მყარ დიფუზორებს, ასევე სასაჩუქრე ნაკრებებს აერთიანებს. მეტი ინფორმაციისთვის, Business Insider Georgia კომპანიის დამფუძნებელს ალექსანდრე ბოლქვაძეს ესაუბრა.

„როგორც მოგეხსენებათ, „მტევანი კოსმეტიკსი“ კოსმეტიკური კომპანიაა. მსოფლიოს არაერთი წარმატებული ბრენდი, როგორიცაა Richwell, L'Occitane და სხვა, კოსმეტიკურ პროდუქტებთან ერთად არომატული სანთლებისა და დიფუზორების ხაზსაც ავითარებს. სწორედ ამ მიმართულებით გადავდგით ნაბიჯი ჩვენც, რადგან ჩვენი მიზანია „მტევანი კოსმეტიკსი“ სრულყოფილ კოსმეტიკურ და ბრენდად ჩამოყალიბდეს.

ამ კონცეფციის ფარგლებში მომხმარებელს ახალ სურნელოვან კოლექციას ვთავაზობთ, რომელიც მოიცავს არომატულ სანთლებს, თხევად და მყარ დიფუზორებს, ასევე სასაჩუქრე ნაკრებებს. მთელი კოლექცია ყურძნის ექსტრაქტების გამოყენებით არის შექმნილი და განსაკუთრებული არომატით გამოირჩევა.

პროდუქცია პრემიუმ სეგმენტს მიეკუთვნება, რადგან დამზადებულია მაღალი ხარისხის, ნატურალური ინგრედიენტებითა და ძვირფასი ნედლეულით. მაგალითად, ჩვენი თხევადი დიფუზორი სპირტის ბაზაზე არ არის შექმნილი, რის გამოც არომატს უფრო ხანგრძლივად ინარჩუნებს და გაცილებით ნელა ორთქლდება.

ამ ეტაპზე ახალი სურნელოვანი კოლექცია ხელმისაწვდომია East Point-ის ახალ სივრცეში, Tbilisi Mall-სა და West Point-ში (ქუთაისი). მომავალში კი პროდუქციის შეთავაზებას სხვა საცალო სავაჭრო ობიექტებისთვისაც ვგეგმავთ. გარდა ამისა, ვგეგმავთ მუშაობას სასტუმროებთან, სპა-ცენტრებსა და სხვა პარტნიორებთან, სადაც მსგავსი პრემიუმ პროდუქციის მიმართ მაღალი ინტერესი და მოთხოვნა არსებობს“, - აცხადებს ალექსანდრე ბოლქვაძე.

ინფორმაციისთვის, კომპანიის კოსმეტიკური ხაზი გაყიდვაში 2021 წლის ნოემბერში ჩაეშვა. საწარმო თბილისთან ახლოს, წავკისში მდებარეობს.