BIM Solutions Georgia-მ 2026 წლის პირველი კვარტალი მნიშვნელოვანი პროფესიული ღონისძიებით - Community Day-ით დაასრულა, რომელმაც ერთ სივრცეში გააერთიანა საქართველოს AEC სექტორის წარმომადგენლები: არქიტექტორები, ინჟინრები, დეველოპერები, აკადემიური სფეროს და საჯარო სექტორის წარმომადგენლები.

ღონისძიების ერთ-ერთი მთავარი აქცენტი იყო ის, რომ BIM Solutions Georgia-მ საქართველოში პირველად ოფიციალურად წარადგინა Autodesk Forma. ამასთან, კომპანიის წარმომადგენლებმა აუდიტორიას გაუზიარეს Autodesk-ის უახლესი ტენდენციები, ბოლო პერიოდის განახლებები და AEC სექტორისთვის მნიშვნელოვანი სიახლეები პირველი წყაროდან.

თბილისში გამართული დახურული ფორმატის ღონისძიება კომპანიის პარტნიორებს, არსებულ და პოტენციურ კლიენტებს, ასევე სხვადასხვა სექტორის პროფესიონალებს მოემსახურა და მიზნად ისახავდა BIM სამუშაო პროცესებზე, ციფრულ კოლაბორაციასა და თანამედროვე პროექტების მართვის მიდგომებზე პროფესიული დიალოგის გაღრმავებას.

ღონისძიების ოფიციალური ნაწილი მოიცავდა როგორც პრეზენტაციებს, ისე პანელურ დისკუსიას. სპიკერები სხვადასხვა კომპანიისა და პროფესიული მიმართულების წარმომადგენლები იყვნენ და საუბრობდნენ BIM-ის პრაქტიკულ გამოყენებაზე, ციფრული სამუშაო გარემოს დანერგვაზე, პარტნიორობის როლზე და იმ გამოწვევებზე, რასაც თანამედროვე AEC სექტორი ყოველდღიურ საქმიანობაში აწყდება.

პანელურმა დისკუსიამ კი კიდევ უფრო მრავალფეროვანი გახადა საღამოს შინაარსი - ერთ სივრცეში გაერთიანდნენ საჯარო სექტორის, უნივერსიტეტის, არქიტექტურული პრაქტიკის, საინჟინრო მიმართულებისა და დიზაინის მართვის წარმომადგენლები, რომლებმაც იმსჯელეს BIM-ის რეალურ დანერგვაზე საქართველოში, სხვადასხვა დისციპლინას შორის კოორდინაციის გამოწვევებზე, განათლებისა და ინდუსტრიის ურთიერთკავშირზე და იმაზე, თუ რა სჭირდება დღეს სექტორს უფრო თანამედროვე და კოორდინირებული სამუშაო გარემოსთვის.

ღონისძიება დასრულდა არაფორმალური networking ნაწილით, სადაც მონაწილეებს შესაძლებლობა ჰქონდათ დისკუსია უფრო თავისუფალ გარემოში გაეგრძელებინათ.

BIM Solutions Georgia-ში აცხადებენ, რომ მსგავსი ინიციატივები კომპანიისთვის მხოლოდ ერთჯერადი ღონისძიება არ არის და მათ მიზანია, ქართულ ბაზარს შესთავაზონ არა მხოლოდ თანამედროვე ტექნოლოგიებზე წვდომა, არამედ პროფესიული ცოდნის გაზიარების, საერთაშორისო ტენდენციების გაცნობისა და სექტორთაშორისი თანამშრომლობის გაძლიერების პლატფორმაც.