Birkenstock-მა ძლიერი მოთხოვნის ფონზე ფინანსური პროგნოზი გაზარდა
Birkenstock-მა წლიური გაყიდვების პროგნოზი გააუმჯობესა, რაც მიუთითებს, რომ კომპანიის პრემიუმ სანდლებსა და ფეხსაცმელზე მოთხოვნა კვლავ მდგრადია. კომპანიის აქციების ფასი დაახლოებით 15%-ით, 43.29 დოლარამდე გაიზარდა, თუმცა კვლავ ჩამორჩებოდა ორი წლის წინ დაფიქსირებულ რეკორდულ მაჩვენებელს 63.68 დოლარს.
სტაბილურმა მოთხოვნამ, პირდაპირ მომხმარებელზე გაყიდვების ზრდამ და აზიის ბაზრებზე ძლიერმა შედეგებმა კომპანიას საშუალება მისცა, ტანსაცმლისა და ფეხსაცმლის სექტორში არსებული ფართო სისუსტის მიუხედავად, ზრდა შეენარჩუნებინა.
Birkenstock-ის პირდაპირ მომხმარებელზე გაყიდვების არხით, რომელიც კომპანიის საკუთარ მაღაზიებსა და ვებგვერდს მოიცავს, გაყიდვები 14%-ით გაიზარდა და კვარტალური შემოსავლების თითქმის 39% შეადგინა.
კომპანიის განცხადებით, მოთხოვნა კვლავ ძლიერი იყო როგორც სანდლებზე, ისე დახურულ ფეხსაცმელზე, რასაც ახალი პროდუქტების გამოშვება და სხვადასხვა ბრენდთან თანამშრომლობა უწყობდა ხელს.
სხვა სიახლეები
თეგეტა იმსახურებს ჩემპიონს - საქართველოს ბანკის კამპანიას კიდევ ერთი კომპანია შემოუერთდა
16.09.2026.11:25
პარალიმპიელი ჩემპიონების და მათი მიღწევების შესახებ ცნობადობის ამაღლების მიზნით საქართველოს ბანკის მიერ შექმნილ კამპანიას “რომელი ბრენდი იმსახურებს ჩემპიონს?” კიდევ ერთი კომპანია - თეგეტა შეუერთდა. კომპანიამ პარალიმპიელ ჩემპიონთან გვანცა ზადიშვილთან დაიწყო თანამშრომლობა.
საქართველოს ბანკის კამპანია Art & Qopy დუეტთან თანამშრომლობით შეიქმნა და მისი მიზანია, ხელი შეუწყოს პარალიმპიელი ჩემპიონებისა და მათი მიღწევების შესახებ ცნობადობის ამაღლებას. ასევე, მოუწოდოს სხვა ბრენდებს, ჩაერთონ ამ პროცესში რათა მათთან ერთად პარალიმპიელმა ჩემპიონებმა მიიღონ ის ყურადღება, რომელსაც იმსახურებენ.
„პარალიმპიელი ჩემპიონები სპორტულ შედეგზე ბევრად მეტს გვიმტკიცებენ — მათი გამარჯვებები შესაძლებლობების, შეუპოვრობისა და სიძლიერის ნათელი მაგალითია. თეგეტაში გვჯერა, რომ მათი გზის მეტად ხილვადობა და მათი მხარდაჭერა მნიშვნელოვანი ნაბიჯია უფრო თანასწორი და ინკლუზიური გარემოს შექმნისკენ, რაც ჩვენთვის, ამავდროულად, კორპორაციული პასუხისმგებლობის განუყოფელი ნაწილია,“ - მარიამ ჯაფარიძე, CSR კოორდინატორი, თეგეტა
ჩემპიონები მზად არიან. ახლა ბრენდების ჯერია
საქართველოს ბანკის კამპანიის ფარგლებში, შეიქმნა პარალიმპიელების ფოტოსერია, რომელშიც ფოტოები ცნობილი სარეკლამო კამპანიების ესთეტიკით არის გადაღებული, თუმცა თითოეულ მათგანში პროდუქტისა და ბრენდისთვის განკუთვნილი ადგილი თავისუფალია. მის ადგილას კი მთავარი კითხვა ჩნდება: „რომელი ბრენდი იმსახურებს ჩემპიონს?“
კითხვა ქართული ბიზნესისთვის გამოწვევად იქცევა – შეავსონ ცარიელი ადგილი, და დაიწყონ ქართველ პარალიმპიელ ჩემპიონებთან პარტნიორობა. კამპანიაში უკვე 15-მდე კომპანიაა ჩართული და ჯერ კიდევ ღიაა სივრცე. ახლა მთავარია, კიდევ რომელი ბრენდი იმსახურებს ჩემპიონს?
