ქართული სამკაულების ბრენდი BIZU საერთაშორისო განვითარების კიდევ ერთ მნიშვნელოვან ეტაპზე გადადის. ოქტომბერში ბრენდის სამკაულები Paris Fashion Week-ის ფარგლებში პარიზში წარდგება.

ეს სიახლე განსაკუთრებულია არა მხოლოდ თავად ბრენდისა და მისი მომხმარებლებისთვის, არამედ ქართული მოდისა და დიზაინის საერთაშორისო პოზიციონირებისთვისაც. პარიზის მოდის კვირეული წლების განმავლობაში რჩება მსოფლიო მოდის ინდუსტრიის ერთ ერთ ყველაზე გავლენიან და პრესტიჟულ საერთაშორისო პლატფორმად, სადაც იკვეთება ახალი ტენდენციები, იქმნება მნიშვნელოვანი პროფესიული კავშირები და ერთ სივრცეში იყრის თავს მოდის ინდუსტრიის საერთაშორისო საზოგადოება.

BIZU-სთვის ამ შესაძლებლობას კიდევ უფრო განსაკუთრებულ მნიშვნელობას ანიჭებს ის ფაქტი, რომ ბრენდმა თავად Paris Fashion Week-ისგან მიიღო მოწვევა მონაწილეობისთვის. ახალგაზრდა ქართული ბრენდისთვის, რომელიც ბაზარზე  დაახლოებით წელიწად ნახევარია არსებობს, მსგავსი საერთაშორისო ყურადღება მნიშვნელოვანი აღიარებაა.

ოქტომბერში პარიზში BIZU წარმოდგენილი იქნება საერთაშორისო მოდის ინდუსტრიის სხვა ბრენდებთან და დიზაინერებთან ერთად, რაც ბრენდს საშუალებას მისცემს საკუთარი ხელწერა და დიზაინის ხედვა გაცილებით ფართო აუდიტორიას გააცნოს.

BIZU თავიდანვე გამოირჩეოდა თამამი ფორმებით, ფერთა არასტანდარტული კომბინაციებითა და ისეთი სამკაულებით, რომლებიც მხოლოდ აქსესუარის ფუნქციას არ ასრულებს. თითოეული მათგანი დამოუკიდებელი ვიზუალური აქცენტია. სწორედ ამ განსხვავებული ესთეტიკისა და მკაფიო იდენტობის გარშემო ჩამოყალიბდა ბრენდის ცნობადი ხელწერა.

ბრენდის დამფუძნებლებისთვის, სალომე კაპანაძისა და ანუშკა ხაჩიძისთვის, Paris Fashion Week-ზე მოხვედრა განსაკუთრებით ემოციური მოვლენაა.

„ჩვენთვის ეს ძალიან მნიშვნელოვანი და ემოციური მომენტია. BIZU ბაზარზე მხოლოდ წელიწად ნახევარია არსებობს და ის ფაქტი, რომ ასეთ მოკლე პერიოდში ჩვენი დიზაინი მსოფლიო მოდის ინდუსტრიის ერთ ერთი ყველაზე მნიშვნელოვანი საერთაშორისო პლატფორმის ყურადღების ცენტრში აღმოჩნდა, ჩვენთვის უდიდესი მოტივაცია და პასუხისმგებლობაა. განსაკუთრებით გვიხარია, რომ ინიციატივა თავად Paris Fashion Week-ისგან წამოვიდა და სწორედ მათი მხრიდან მივიღეთ მონაწილეობის მოწვევა. ეს კიდევ ერთხელ გვარწმუნებს, რომ განსხვავებული ხედვა და საკუთარი ხელწერა საზღვრებს სცდება", - აცხადებენ BIZU-ს დამფუძნებლები სალომე კაპანაძე და ანუშკა ხაჩიძე.

მათივე თქმით, პარიზში BIZU-ს გამოჩენა მხოლოდ ერთი ღონისძიების ფარგლებში მონაწილეობას არ ნიშნავს. ბრენდისთვის ეს არის მნიშვნელოვანი ნაბიჯი იმ მიმართულებით, რომელიც თავიდანვე ჰქონდა არჩეული, ქართული ბრენდის საერთაშორისო ბაზარზე დამკვიდრება და BIZU-ს იმ სახელად ჩამოყალიბება, რომელსაც მომხმარებელი არა მხოლოდ საქართველოში, არამედ მსოფლიოს სხვადასხვა ქვეყანაში იცნობს.

BIZU-ს Paris Fashion Week-ზე წარდგენა სიმბოლურად მნიშვნელოვანი ამბავია ქართული კრეატიული ინდუსტრიისთვისაც. საერთაშორისო მოდის სამყაროში ქვეყნის წარმოჩენა მხოლოდ კონკრეტული ბრენდის წარმატებას არ გულისხმობს. თითოეული ასეთი შესაძლებლობა ქართულ დიზაინს ახალ აუდიტორიასთან აკავშირებს და აჩვენებს, რომ საქართველოდან შექმნილ ბრენდებს შეუძლიათ კონკურენტულ საერთაშორისო სივრცეში საკუთარი, მკაფიო ვიზუალური ენის დამკვიდრება.

ოქტომბერი BIZU-ს ისტორიაში ახალ თავს გახსნის. თბილისიდან პარიზამდე, ადგილობრივი ბრენდიდან საერთაშორისო მოდის ერთ-ერთ ყველაზე მნიშვნელოვან სცენამდე.

და მიუხედავად იმისა, რომ BIZU-ს ისტორია ჯერ მხოლოდ იწყება, Paris Fashion Week-ისგან მიღებული მოწვევა უკვე მიანიშნებს, რომ ბრენდის განსხვავებული დიზაინი და იდენტობა საერთაშორისო მოდის სამყაროს ყურადღების მიღმა არ დარჩენილა.