უკვე თითქმის ერთი წელია, რაც თბილისში Bliss Corner  ბედნიერების პატარა კაფე გაიხსნა და ძალიან მალე იქცა ადგილად, სადაც ადამიანები დილას განსაკუთრებული განწყობით იწყებენ. ეს სივრცე თავიდანვე შეიქმნა იდეით, რომ ყოველდღიურ ცხოვრებაში პატარა „ბედნიერების კუთხე“ გაჩენილიყო - ადგილი, სადაც ყავა, საუზმე და ატმოსფერო ერთიან გამოცდილებად იქცევა.

ამ დროის განმავლობაში Bliss Corner-მა არა მხოლოდ ერთგული სტუმრები შეიძინა, არამედ ნელ-ნელა ჩამოაყალიბა საკუთარი ბრენდის ფილოსოფიაც.

Business Insider Georgia მეტი ინფორმაციისთვის Bliss Corner-ის დამფუძნებელს, იზა კელმ გირგვლიანსა და ბრენდის სტრატეგსა და მარკეტერს, თათია შარიფაშვილს ესაუბრა. მათ საუბარში აღნიშნეს, თუ როგორ იქცა საწყისი იდეა რეალურ ბრენდად, როგორ ვითარდება დღეს Bliss Corner და რას გეგმავენ მომავალში.

როგორია კომპანიის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებლებს?

იზა: Bliss Corner ჩემთვის თავიდანვე არ იყო მხოლოდ კაფე. ეს იყო იდეა შემექმნა პატარა სივრცე, სადაც ადამიანები დილას მშვიდად დაიწყებდნენ.

Bliss Corner ბაზარზე ოპერირებს თითქმის ერთი წელია და ამ დროის განმავლობაში მან ნელ-ნელა მოიპოვა თავისი განსაკუთრებული ადგილი ქალაქის ყოველდღიურ ცხოვრებაში.

ჩვენ მომხმარებლებს ვთავაზობთ იმ გამოცდილებას, რომელიც ხშირად გვაკლია დიდ ქალაქში - სიმშვიდეს, სითბოს და პატარა ბედნიერებას. ჩვენს მენიუში არის საუზმის კულტურა, კარგი ყავა, მატჩა, დესერტები, ბენედიქტები, კრუასანები, მაგრამ მთავარი მაინც ის გარემოა, რომელიც ამ ყველაფერს აერთიანებს.

Bliss Corner არის ადგილი, სადაც ადამიანები მოდიან არა მხოლოდ საჭმელად, არამედ იმისთვის, რომ რამდენიმე წუთით მაინც იგრძნონ თავი ბედნიერად.

როგორ აფასებთ მოთხოვნას ზოგადი თვალსაზრისით?

იზა: ძალიან საინტერესო იყო იმის დანახვა, როგორ სწრაფად გახდა Bliss Corner ადამიანებისთვის საყვარელი ადგილი. თავიდან ვფიქრობდით, რომ ეს იქნებოდა პატარა კაფე კონკრეტული აუდიტორიისთვის, მაგრამ აღმოჩნდა, რომ მოთხოვნა ბევრად ფართოა - ჩვენთან მოდიან სტუდენტები, ოჯახები, მეგობრები.

დღეს უკვე ვხედავთ, რომ Bliss Corner ბევრისთვის გახდა ყოველდღიური პატარა რიტუალი - ადგილი, სადაც დილა იწყება. განსაკუთრებით გვიხარია, რომ Bliss Corner იქცა უბნის კაფედ - სივრცედ, სადაც მეზობლები ერთმანეთს ხვდებიან, დილას ერთად იწყებენ და იქმნება პატარა სამეზობლო ბედნიერების შეგრძნება.სწორედ ეს არის ჩვენთვის ყველაზე დიდი მოტივაცია.

რას მიიჩნევთ კომპანიის კონკურენტულ უპირატესობად?

იზა: ვფიქრობ, ჩვენი მთავარი უპირატესობა არის გულწრფელობა ხარისხი და დეტალების სიყვარული.

Bliss Corner თავიდანვე შეიქმნა როგორც ნაფიქრი ბრენდი - სივრცე, სადაც თითოეული დეტალი მნიშვნელობას ატარებს. აქ არაფერია შემთხვევითი: დაწყებული იდეიდან, ატმოსფეროთი, ფერებით, მენიუს კონცეფციითა და იმ ემოციით, რომელიც სტუმარს პირველივე წუთიდან ხვდება.

ამ პროცესში ძალიან დიდი როლი ითამაშა ბრენდის სტრატეგმა თათია შარიფაშვილმა, რომელმაც შეძლო იდეის სწორად გაშლა და მისი გარდაქმნა სრულფასოვან ბრენდის სტრატეგიად - იმგვარად, რომ Bliss Corner არ დარჩენილიყო უბრალოდ კაფედ, არამედ გამხდარიყო ემოციური გამოცდილება.

შეიძლება ითქვას, რომ Bliss Corner-ში ჩადებულია ის ემოცია, რომელიც ადამიანებში კონკრეტულ შეგრძნებებს იწვევს - სიმშვიდეს, სითბოს და პატარა ბედნიერებას.

როგორია კომპანიის სამომავლო გეგმები, განსაკუთრებით გაფართოების/სერვისების ზრდის მიმართულებით?

თათია: Bliss Corner ჩემთვის არის ბრენდი, რომელიც ძალიან მარტივ იდეაზე დგას - ბედნიერების ყოველდღიურ მომენტებზე.

დღეს ძალიან ბევრ ბრენდს აქვს პროდუქტი, მაგრამ ცოტას აქვს ემოცია. Bliss Corner-ის ბრენდის სტრატეგია სწორედ ამ ემოციაზეა აგებული.

ჩვენი მიზანია, რომ ადამიანი, როცა Bliss Corner-ს ახსენებს, მას ახსენდებოდეს არა მხოლოდ ყავა ან დესერტი, არამედ ის შეგრძნება, რასაც ამ სივრცეში პოულობს.

ამიტომ ბრენდის განვითარება სამი მთავარი მიმართულებით ხდება.

პირველი - გამოცდილება

Bliss Corner უნდა იყოს ადგილი, სადაც სტუმარი ყოველდღიური რუტინისგან პატარა შესვენებას იღებს. სივრცე, სადაც დეტალები ატმოსფერო, მუსიკა, ფერები და მენიუ ერთ მთლიან გამოცდილებას ქმნის.

მეორე - ბედნიერების ადგილი

ჩვენ უკვე ვხედავთ, რომ Bliss Corner-ში ერთგული მომხმარებლები გვყავს. ადამიანები, რომლებიც ამ სივრცეს საკუთარი ბედნიერების ადგილად აღიქვამენ. სწორედ ეს ქმნის ბრენდს ცოცხალს - როცა კაფე ხდება შეხვედრების, საუბრების და ადამიანური ურთიერთობების ადგილი.

მესამე - ბუნებრივი ზრდა

სამომავლოდ Bliss Corner გაფართოვდება და სხვადასხვა უბანში გაჩნდება, თუმცა ჩვენი მთავარი ამოცანა იქნება ერთი რამ, შევინარჩუნოთ ის ემოცია, ხარისხი და სითბო, რაც ჩვენს ბრენდს თავიდანვე ჰქონდა.

Bliss Corner-ის იდეა ძალიან მარტივია:

ეს არის ადგილი, სადაც დღე იწყება ბედნიერად!

ინფორმაციისთვის, Bliss Corner მდებარეობს მისამართზე: ჭავჭავაძის გამზირი #83, II ბლოკი.