Bogveli საექსპორტო ბაზრებს აფართოებს და შვედეთში ახალ პარტნიორობას იწყებსსაექსპორტო ბაზრებს აფართოებს და შვედეთში ახალ პარტნიორობას იწყებს
Bogveli ქუდებისა და კლასიკური სტილის სამოსის მწარმოებელი კომპანიაა, რომელიც აქცენტს ხარისხიან და ვიწრო სპეციალიზაციის პროდუქციაზე აკეთებს და ძირითადად საექსპორტო ბაზრებზე ოპერირებს. Business Insider Georgia კომპანიის თანადამფუძნებელს ახალი საერთაშორისო შეთანხმებების, მოთხოვნის ტენდენციების, განვითარების სტრატეგიისა და სამომავლო გეგმების შესახებ ესაუბრა.
„შვედეთში ერთ-ერთ ადგილობრივ ბუტიკური ტიპის მაღაზიასთან ხელშეკრულება გავაფორმეთ, სადაც ჩვენი მომდევნო სეზონის კოლექციის განთავსება, შემოდგომის პერიოდში იგეგმება. ეს თანამშრომლობა საწყის ეტაპზეა და მისი განვითარება შედეგების მიხედვით შეფასდება.
ბაზრის მოთხოვნის მხრივ, ძირითადი ინტერესის საგანი კვლავ ქუდებია, თუმცა მზარდია მოთხოვნა კომბინირებულ ლუქებზეც.
ყოველწლიურად ვაახლებთ კოლექციას, თუმცა ასორტიმენტის მკვეთრ გაფართოებას არ ვგეგმავთ. ჩვენი მიზანია ხარისხისა და ბრენდის იდენტობის შენარჩუნება“,- აცხადებს გიორგი ბოგველი.
კომპანია ძირითადად, საერთაშორისო ბაზრებზე ოპერირებს, თუმცა სამომავლოდ ადგილობრივ ბაზარზეც გეგმავს გაფართოებას.
„ჩვენს გაყიდვებში საერთაშორისო ბაზრები დომინირებს და ოპერირების დაახლოებით 80-90%-ს შეადგენს, თუმცა ადგილობრივ ბაზარზე ცნობადობის ზრდაც ერთ-ერთ მნიშვნელოვან მიზნად რჩება. საცალო მაღაზიების გახსნას არ განვიხილავთ და უპირატესობას ბუტიკური სტილის სტენდებს ვანიჭებთ სავაჭრო მოლებში.
ვაგრძელებთ საერთაშორისო გამოფენებში მონაწილეობას და მომდევნო გამოფენა, რომელშიც მონაწილეობის მიღებას ვგეგმავთ გერმანიაში, დიუსელდორფში გაიმართება.
ექსპორტის მიმართულებით უკვე არსებულ პარტნიორებთან აქტიურად ვმუშაობთ და ახალი თანამშრომლობების დამატებასაც ვგეგმავთ“,- აღნიშნავს კომპანიის თანადამფუძნებელი.
სხვა სიახლეები
მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება
16.06.2026.15:11
27 ივნისს, საქართველოში რაგბის ახალგაზრდული მსოფლიო ჩემპიონატი იწყება. ეს არის ტურნირი, რომელიც ახალგაზრდა მორაგბეებს საერთაშორისო ასპარეზზე თავის წარმოჩენის შესაძლებლობას აძლევს და სწორედ, აქ იბადებიან მომავალი ვარსკვლავები.
2017 წლის შემდეგ, საქართველო ამ პრესტიჟულ ჩემპიონატს უკვე მეორედ მასპინძლობს. 2017 წელს, ტურნირის წარმატებით ჩატარების შედეგად, მსოფლიო რაგბიმ 2026 წლის ახალი, გაფართოებული ფორმატის, ახალგაზრდული მსოფლიოს ჩემპიონატის მასპინძლობაც საქართველოს ანდო. წლევანდელ მსოფლიო ჩემპიონატზე 12-ის ნაცვლად 16 გუნდი იასპარეზებს, რაც კონკურენციას ამძაფრებს და შედეგად, ტურნირისადმი ინტერესს კიდევ უფრო ზრდის.
ტურნირი 27 ივნისიდან 18 ივლისის ჩათვლით გაიმართება. მატჩებს თბილისი ავჭალის სტადიონი და ქუთაისის აია არენა უმასპინძლებენ; ხოლო ფინალური და მესამე ადგილისთვის შეხვედრები მიხეილ მესხის სტადიონი ჩატარდება.
საქართველოს 20-წლამდელთა ნაკრები ა ჯგუფში, მოქმედ ჩემპიონს - სამხრეთ აფრიკას, უელსსა და ურუგვაის დაუპირისპირდება. ბ ჯგუფში ახალი ზელანდია, იტალია, შოტლანდია და იაპონია მოხვდნენ; გ ჯგუფში არგენტინა, ინგლისი, ირლანდია და აშშ ითამაშებენ; დ ჯგუფში - საფრანგეთი, ავსტრალია, ესპანეთი და ფიჯი.
როცა ახალგაზრდა სპორტსმენები მსოფლიო ასპარეზზე გასასვლელად ემზადებიან, ყველაზე მნიშვნელოვანი ხშირად არა მხოლოდ ნიჭი, არამედ რწმენაა - საკუთარი თავის, გუნდისა და მომავლის რწმენა. სწორედ, ამიტომ არის თიბისი ქართული რაგბის მხარდამჭერი. გვჯერა, რომ შესაძლებლობების დანახვა და მათი მხარდაჭერა ქმნის გამარჯვების საფუძველს - როგორც სპორტში, ისე ცხოვრებაში.
ბილეთების შეძენა შესაძლებელია TKT-ზე, სადაც თიბისის მოსწავლის ბარათზე 50%-იანი ფასდაკლება იმოქმედებს: https://tkt.ge/show/31504/ragbi-u20-msoflio-chempionati
საქართველოს ბანკის წარმომადგენელმა NextGen Payments & RegTech Forum-ზე გამოცდილება გააზიარა
16.06.2026.14:12
როგორ მივიღოთ მონაცემებზე დაფუძნებული გადაწყვეტილებები ბიზნესში - გაეცანი სრულად დაფინანსებულ ბიზნესკურსს
16.06.2026.11:31
საქართველოს ფოსტამ ესპანეთში ყოველწლიურ საერთაშორისო კონფერენციაში მიიღო მონაწილეობა
16.06.2026.10:51
როგორი იყო რევაზ სოხაძის სტრატეგიული პროექტებისა და მათი ეკონომიკური მნიშვნელობის შესახებ აქცენტები საქართველოს ეკონომიკურ ფორუმზე - დეტალები
15.06.2026.20:15
საქართველოს ინოვაციების და ტექნოლოგიების სააგენტო (GITA) Microsoft-ის ინვესტორთა ქსელის წევრი გახდა
15.06.2026.18:33
