კომპანია JRB – ჯეიარბი ალკოჰოლური სასმელების მწარმოებელი ბრენდია, რომელიც 2018 წელს დაარსდა. მეტი ინფორმაციისთვის Business Insider Georgia კომპანიის წარმომადგენელს, გიორგი ბიჭიაშვილს ესაუბრა.

როგორია კომპანიის საქმიანობის სფეციფიკა, როდის დაიწყეთ საქმიანობა და რას სთავაზობთ მომხმარებლებს?

კომპანია JRB – ჯეიარბი ალკოჰოლური სასმელების მწარმოებელი ბრენდია, რომელიც 7 წლის წინ შეიქმნა იმ იდეით, რომ ქართულ ტრადიციებსა და თანამედროვე გემოვნებას შორის უნიკალური ხიდი აეშენებინა. ბაზარზე ჩვენი პროდუქცია აქტიურად იყიდება, მათ შორის საქართველოს საჰაერო და სახმელეთო DUTY FREE ზონებშიც, სადაც უცხოელი და ადგილობრივი მომხმარებელი ერთნაირი ინტერესით ეცნობა ბრენდს.

მომხმარებლებს ვთავაზობთ სასმელებს, რომელთა ანალოგი არ არსებობს — გამორჩეული გემოებით, რომლებიც 8000-წლიანი ქართული ღვინის ისტორიასა და მემკვიდრეობას გადმოსცემს.

როგორ აფასებთ მოთხოვნას და ინტერესს ზოგადი თვალსაზრისით?

მოთხოვნა ბოლო წლებში სტაბილურად მზარდია. მომხმარებლები აქტიურად ეძებენ პროდუქტებს, რომლებიც ხარისხის გარდა განსაკუთრებულ ისტორიასაც ატარებენ და ისინი სწორედ ამაში ხედავენ ჩვენი ბრენდის ღირებულებას. Duty free -ში და ტურისტულ სივრცეებში კი განსაკუთრებით ჩანს უცხოელი მგზავრების ინტერესი, რაც კიდევ ერთხელ ადასტურებს, რომ ჩვენს ქართულ ბრენდს გლობალურ ბაზარზე მნიშვნელოვანი პოტენციალი გააჩნია.

რას მიიჩნევთ კომპანიის კონკურენტულ უპირატესობად?

JRB-ის მთავარი კონკურენტული უპირატესობა არის უნიკალური პროდუქტი, რომლის ანალოგიც ბაზარზე არ არსებობს.

ჩვენი ძლიერი მხარეებია:

• ისტორიისა და ინოვაციის გაერთიანება – 8000-წლიანი ღვინის კულტურის თანამედროვე ინტერპრეტაცია;
• გემოები, რომლებიც მხოლოდ JRB-ს ეკუთვნის – არ ვიმეორებთ არსებულ სტანდარტებს;
• მაღალი ხარისხი და კონტროლი მთელ წარმოების პროცესზე;
• ბრენდის ამოცანა არა მხოლოდ სასმელის, არამედ ემოციის შექმნაა – 
• მომხმარებელი გრძნობს ისტორიას, რომელიც თითოეულ ბოთლშია ჩადებული.

როგორია JRB-ის სამომავლო გეგმები?

მომავალი რამდენიმე წელი JRB-სთვის აქტიური განვითარების ეტაპია. ვგეგმავთ:

• საოპერაციო მასშტაბირების გაზრდას – უფრო ფართო წარმოებასა და ახალი პროდუქტების ხაზის დამატებას;
• ექსპორტის მიმართულებით გაფართოებას, რათა ქართული ალკოჰოლური ბრენდი უფრო მეტ საერთაშორისო ბაზარზე გახდეს ხელმისაწვდომი;
• ბრენდის ცნობადობის ზრდას, როგორც საქართველოში, ისე საზღვარგარეთ, თანამედროვე მარკეტინგული სტრატეგიებით;
• მომხმარებლისთვის ახალი გემოების და ინოვაციური სერიის შეთავაზებას, რომელიც ქართულ ტრადიციებს კიდევ უფრო კარგად დაანახებს.