„ბურკის ციხე-მარანი“ ზაფხულის სეზონის შედეგებსა და წლის მოლოდინებზე
მიმდინარე ზაფხულის სეზონზე „ბურკის ციხე-მარანის“ საშუალო დატვირთულობამ 60-70% შეადგინა, რაც წინა წლის ანალოგიურ პერიოდთან შედარებით გაუმჯობესებული მაჩვენებელია. „ბურკის ციხე-მარანის“ Front Office Manager ვანო მახარაშვილი Business Insider Georgia-სთან საუბრისას ზაფხულის სეზონის შედეგებს აფასებს და წლის დარჩენილი პერიოდის მოლოდინებსა და გამოწვევებზე საუბრობს.
როგორ შეაფასებდით მიმდინარე ზაფხულის სეზონს „ბურკის ციხე-მარანისთვის“ და როგორი არის სასტუმროს დატვირთულობა წინა წელთან შედარებით?
ახლო აღმოსავლეთში შექმნილი კონფლიქტის ფონზე, მიმდინარე შედეგებს დადებითად ვაფასებთ. ამ ეტაპზე სასტუმროს საშუალო დატვირთულობა დაახლოებით 60-70%-ს შეადგენს. წინა წლის ანალოგიურ პერიოდში ეს მაჩვენებელი დაახლოებით 55-60% იყო, შესაბამისად, მიმდინარე სეზონზე გარკვეული ზრდა გვიფიქსირდება.

როგორ შეიცვალა სტუმრების მოთხოვნა და რომელი ქვეყნებიდან/ბაზრებიდან არის ამ სეზონზე ყველაზე მეტი ვიზიტორი?
ჩვენი სტუმრების დაახლოებით 60% ქართველი მომხმარებელია. უცხოელი სტუმრების მხრივ კონკრეტული ბაზარი გამოკვეთილად არ დომინირებს, თუმცა ჯავშნები ძირითადად ევროპის ქვეყნებიდან გვაქვს.

რა სიახლეები აქვს სასტუმროს მიმდინარე სეზონზე და როგორ განვითარდა მომსახურებები წინა პერიოდთან შედარებით?
მიმდინარე სეზონზე სასტუმროს დაემატა გასართობი სივრცე - ე.წ. Playroom, სადაც სტუმრებს შეუძლიათ მაგიდის ფეხბურთითა და მაგიდის ჰოკეით ისარგებლონ. ასევე დავამატეთ ბარი, რის შედეგადაც სტუმრებისთვის შეთავაზებული სერვისებისა და გასართობი შესაძლებლობების მიმართულება უფრო გავიზარდეთ.

როგორია თქვენი მოლოდინი წლის დარჩენილ პერიოდზე და რა არის „ბურკის ციხე-მარანის“ სამომავლო გეგმები?
იმედი გვაქვს, რომ სექტემბერი და ოქტომბერი შედარებით მაღალი დატვირთვით ჩაივლის, რადგან ეს პერიოდი კახეთში ერთ-ერთი ყველაზე აქტიური და პოპულარული სეზონია. შესაბამისად, ამ ორ თვეში დატვირთულობის მინიმუმ შენარჩუნებას ველოდებით.

რაც შეეხება ნოემბრიდან თებერვლის ჩათვლით პერიოდს, კახეთის მიმართულებით ამ დროს ტურისტული აქტივობა მნიშვნელოვნად იკლებს და სტუმრების მოზიდვა რთულდება. ზოგადად, რეგიონში კონკურენცია საკმაოდ მაღალია, ხოლო კორპორატიული ჯავშნები შედარებით იშვიათია. შესაბამისად, ზამთრის სეზონი ჩვენთვის ერთ-ერთი ყველაზე რთული პერიოდია.
ინფორმაციისთვის, „ბურკის ციხე-მარანი“ მდებარეობს კახეთის რეგიონში, ქალაქ ყვარელში.
სხვა სიახლეები
Black Friday ახლოვდება - აღმოაჩინე საქართველოს ბანკის შეთავაზებები
21.11.2026.21:37
Black Friday ახლოვდება, რაც იმას ნიშნავს, რომ შოპინგისთვის განსაკუთრებული დრო იწყება. ამასთან დაკავშირებით, საქართველოს ბანკი მომხმარებლებს მრავალფეროვან შეთავაზებებს სთავაზობს, რომლებიც სხვადასხვა ინტერესსა და საჭიროებაზეა მორგებული.
შეამოწმე შეთავაზებების სივრცე საქართველოს ბანკის მობილბანკში, შეარჩიე შენთვის საინტერესო შეთავაზება და ისარგებლე განსაკუთრებული პირობებით.
ფასდაკლებებთან ერთად, შესაძლებლობა გექნება, მიიღო ქეშბექი, დააგროვო მეტი PLUS და MR ქულა და შოპინგისას დამატებითი სარგებელი მიიღო.
მოემზადე Black Friday-სთვის, აღმოაჩინე შენთვის სასურველი შეთავაზებები და გახადე შოპინგი კიდევ უფრო მომგებიანი.