Business Insider Georgia ბრიტანულ ბიზნესგამოცემა London Business Matters-თან თანამშრომლობას იწყებს, რომლის ფარგლებშიც Business Insider Georgia-ს მკითხველს პერიოდულად გაუზიარებს London Business Matters-ის მიერ მომზადებულ შერჩეულ სტატიებს.

თანამშრომლობის ფარგლებში, Business Insider Georgia-ს ექნება უფლება, შეთანხმებული პირობების შესაბამისად, London Business Matters-ის სტატიების პერიოდული რეპრინტისა და ქართულენოვანი აუდიტორიისთვის გაზიარების შესახებ.

London Business Matters არის London Chamber of Commerce and Industry-ის (LCCI) ოფიციალური გამოცემა, რომელიც ბიზნესის, ეკონომიკისა და აქტუალური საკითხების შესახებ ანალიტიკურ და საინფორმაციო მასალებს აქვეყნებს. გამოცემა ბიზნესსაზოგადოების წარმომადგენლებსა და ლონდონის წამყვან ბიზნესწრეებს შორის დისკუსიის ერთ-ერთ პლატფორმას წარმოადგენს.

თანამშრომლობის ფარგლებში, Business Insider Georgia-ს პლატფორმებზე გამოქვეყნებული London Business Matters-ის მასალები ქართველ მკითხველს შესაძლებლობას მისცემს, გაეცნოს ბრიტანეთისა და ლონდონის ბიზნესგარემოს, ეკონომიკის, საერთაშორისო ვაჭრობის, ინვესტიციების, ტექნოლოგიებისა და სხვა აქტუალური ბიზნესსაკითხების შესახებ გამოცემის მიერ მომზადებულ სტატიებს.

„ჩვენთვის მნიშვნელოვანია, რომ Business Insider Georgia-ს მკითხველს არა მხოლოდ საქართველოს, არამედ საერთაშორისო ბიზნესგარემოს შესახებაც მივაწოდოთ მაღალი ხარისხის, სანდო და საინტერესო ინფორმაცია. London Business Matters-თან თანამშრომლობა ამ მიმართულებით ჩვენი საერთაშორისო კონტენტის კიდევ უფრო გაძლიერების შესაძლებლობას გვაძლევს“, - აღნიშნავს Business Insider Georgia-ს და Georgia Economic Forum-ის დამფუძნებელი და ხელმძღვანელი გიორგი აბაშიშვილი.

London Business Matters-ის ვებგვერდზე ყოველდღიურად ქვეყნდება ახალი ბიზნესმასალები, ხოლო გამოცემის ბეჭდური ჟურნალი პერიოდულად გამოდის. London Business Matters-ის ოფიციალურ ვებგვერდზე ასევე აღნიშნულია, რომ გამოცემა London Chamber of Commerce and Industry-ის სახელით ქვეყნდება.

Business Insider Georgia მომავალშიც გააგრძელებს საერთაშორისო მედია-პლატფორმებთან თანამშრომლობის განვითარებას, რათა ქართულენოვან აუდიტორიას გლობალური ბიზნესისა და ეკონომიკის შესახებ კიდევ უფრო მრავალფეროვანი და ხარისხიანი კონტენტი შესთავაზოს.