ჩვენი ერთ-ერთი ძლიერი უპირატესობა საბაჟო პროცედურების სიმარტივეა - მიხეილ ნამადოვი

ბიზნესი

Wizz Air-მა ხელოვნურ ინტელექტზე დაფუძნებული ახალი პლატფორმა წარადგინა

13.07.2026.15:00

Wizz Air-მა ოფიციალურად წარადგინა WIZZ Holidays - ხელოვნურ ინტელექტზე დაფუძნებული ტურისტული პაკეტების დაჯავშნის ახალი პლატფორმა, რომელიც ევროპასა და მის ფარგლებს გარეთ მოგზაურობის დაგეგმვას ამარტივებს.

WIZZ Holidays მოგზაურობის დაგეგმვისა და Wizz Air-ის რეისებზე დაფუძნებული ტურისტული პაკეტების დაჯავშნის უფრო გონივრულ გამოცდილებას სთავაზობს მომხმარებლებს. ახალი სლოგანით „Unpackage Yourself“ პლატფორმა მოგზაურობის ახალ ეპოქას უსვამს ხაზს, სადაც რთული დაგეგმვის პროცესს ახალი შესაძლებლობების აღმოჩენა და მარტივი ორგანიზება ცვლის.

WIZZ Holidays იყენებს ხელოვნური ინტელექტის თანამედროვე შესაძლებლობებს, რათა მომხმარებლებს ერთიან ჯავშანში გააერთიანონ ავიაბილეთები, სპეციალურად შერჩეული განთავსების ობიექტები და სახმელეთო ტრანსფერები.

ტრადიციული ტურისტული პაკეტებისგან განსხვავებით, WIZZ Holidays მრავალქალაქიანი და სხვადასხვა სახის ტრანსპორტის გამოყენებით დაგეგმილი მარშრუტების შექმნის შესაძლებლობასაც იძლევა. შედეგად, მოგზაურებს შეუძლიათ ერთი მოგზაურობის ფარგლებში რამდენიმე დანიშნულების ადგილი მოინახულონ, სხვადასხვა კავშირის ცალ-ცალკე ორგანიზების საჭიროების გარეშე.

თბილისის საერთაშორისო აეროპორტის გაფართოების დაწყება საქართველოს საავიაციო სექტორისთვის უმნიშვნელოვანესი ეტაპია - ლევან მოსეშვილი 13.07.2026.14:22