Scanomat - ყავის ჭკვიანი წერტილი არის კომპანია, რომელიც ადგილობრივ ბაზარზე 2017 წლიდან ოპერირებს. მისი საქმიანობა HoReCa-სა და Retail სექტორისთვის პრემიუმ კლასის, მაღალტექნოლოგიური და ავტომატიზებული გადაწყვეტილებების შეთავაზებას მოიცავს. კომპანიის საქმიანობის, ბაზარზე არსებული უპირატესობებისა და სამომავლო განვითარების გეგმების შესახებ Business Insider Georgia კომპანიის სტრატეგიული განვითარების ხელმძღვანელს, დავით პერტიას ესაუბრა.

⁠როგორია კომპანიის საქმიანობის სპეციფიკა და როდიდან ოპერირებთ ბაზარზე?

ჩვენი კომპანია 2017 წლიდან აქტიურად ოპერირებს ქართულ ბაზარზე. ჩვენი ისტორია ვენდინგისა და სერვისის ინდუსტრიაში დაიწყო, სადაც წლების განმავლობაში დავაგროვეთ დიდი გამოცდილება, შევისწავლეთ მომხმარებლის ქცევა და ვისწავლეთ მთავარი - დროის, ხარისხისა და მაქსიმალური კომფორტის ფასი. დღეს ჩვენი საქმიანობის სპეციფიკა HoReCa და საცალო (Retail) მიმართულებით პრემიუმ კლასის, მაღალტექნოლოგიური და ავტომატიზებული გადაწყვეტილებების ინტეგრაციას გულისხმობს. ჩვენი მრავალპროფილური გუნდი ბიზნესებს ეხმარება ინოვაციები ეფექტიანად და თანმიმდევრულად დაამატოს საკუთარი მომხმარებლის ყოველდღიურ ცხოვრებაში.

რა ტიპის სერვისებს სთავაზობთ მომხმარებლებს?

ჩვენი ავტონომიური დანადგარების მთავარი ფოკუსი და სიამაყე დღეს მსოფლიოში წამყვანი დანიური ბრენდის, Scanomat-ის ინოვაციური გადაწყვეტილებების მიწოდება და მართვაა. ჩვენს პარტნიორებს HoReCa სექტორში, პრემიუმ ოფისებსა და Retail სივრცეებში ვთავაზობთ სრულ სერვისს: დაწყებული Scanomat-ის (მათ შორის, რევოლუციური TopBrewer-ის) უახლესი ჭკვიანი სისტემების ინსტალაციით, დასრულებული უმაღლესი ხარისხის ნედლეულის უწყვეტი მომარაგებითა და დისტანციური, ციფრული მონიტორინგით. ეს არის სრულიად ავტომატიზებული, მომავლის ყავის სერვისი, რომელსაც 24/7-ზე პროფესიონალური ტექნიკური მხარდაჭერით ვუზრუნველყოფთ.

რას მიიჩნევთ კომპანიის მთავარ კონკურენტულ უპირატესობად?

ჩვენი მთავარი უპირატესობა არის ტექნოლოგიური ლიდერობისა და სერვისის სფეროში დაგროვილი მრავალწლიანი ექსპერტიზის სინთეზი. Scanomat-ის გადაწყვეტილებები, თავისი დახვეწილი დიზაინით (სადაც სივრცეში მხოლოდ ელეგანტური ონკანი ჩანს) და სმარტფონით თუ პლანშეტით სრულიად უკონტაქტო მართვის ფუნქციით, მომხმარებლისთვის უნიკალურ გამოცდილებას ქმნის. თუმცა, მხოლოდ ტექნოლოგია საკმარისი არ არის - ბიზნესისთვის გადამწყვეტია გამართული ოპერაციები. ჩვენი გამოცდილება ვენდინგსა და HoReCa მიმართულებით გვაძლევს საშუალებას, პარტნიორებს შევთავაზოთ ლოგისტიკა, უმაღლესი ჰიგიენური სტანდარტები და ბარისტას დონის სტაბილური ხარისხი მინიმალური ადამიანური რესურსის ჩარევით.

რა გეგმები გაქვთ განვითარების კუთხით - იგეგმება თუ არა ახალი ფილიალების, სერვისების ან პროდუქციის ხაზების დამატება სამომავლოდ?

ჩვენი მიზანია Scanomat-ის რევოლუციური ტექნოლოგია კიდევ უფრო ხელმისაწვდომი გავხადოთ და სრულიად ახალი სტანდარტი დავამკვიდროთ მთელი ქვეყნის მასშტაბით. ვგეგმავთ გეოგრაფიული არეალის გაფართოებას და რეგიონულ HoReCa და საცალო ქსელებთან თანამშრომლობის გაღრმავებას. გარდა ამისა, აქტიურად ვმუშაობთ ყავის ეკოსისტემისთვის ჭკვიანი IoT (Internet of Things) გადაწყვეტილებების დამატებაზე, რაც ჩვენს პარტნიორებს მისცემს მოხმარებისა და რესურსების კიდევ უფრო ზუსტი, ციფრული ანალიტიკის შესაძლებლობას. სამომავლოდ ასევე ვგეგმავთ Scanomat-ის ახალი მოდელების შემოტანას, რათა ნებისმიერი მასშტაბის სივრცეს იდეალურად მორგებული ყავის კონცეფცია შევთავაზოთ.