Cinnabon-ი საერთაშორისო ბრენდია, რომელიც თბილისის გასტრონომიულ ბაზარზე დაახლოებით ოთხი წლის წინ გამოჩნდა. მომხმარებელთა მოთხოვნასა და განვითარების სამომავლო გეგმებზე Business Insider Georgia Cinnabon-ის პიარ-დირექტორს, ქეთი ფეიქრიშვილს ესაუბრა.

რა სიახლეები შესთავაზეთ მომხმარებლებს ბოლო პერიოდში?

2025 წლის ბოლოს East Point-ის ახალ სივრცეში მესამე ფილიალი გავხსენით. გარდა ამისა, ასორტიმენტს რამდენიმე ახალი პროდუქტი დავამატეთ, რომელთა დაგემოვნებაც მომხმარებლებს უკვე ჩვენს ყველა ფილიალში შეუძლიათ.

როგორ ვითარდება თქვენი ასორტიმენტი და რა პროდუქტები ან მომსახურებები სარგებლობს დღეს ყველაზე მაღალი მოთხოვნით?

ასორტიმენტს პერიოდულად ემატება ახალი პროდუქტები, მოგეხსენებათ ჩვენ ფრენჩაიზი გვაქვს და დამოკიდებულები ვართ ბრენდზე და მივყვებით მსოფლიო მოთხოვნებს. ყველა პროდუქტი მოთხოვნადია, თუმცა ლიდერობს კლასიკური როლი ვინაიდან ის გახლავთ სინაბონის სავიზიტო ბარათი. ასევე პოპულარულია სინაბონის ლიმონათები „სინაფრიზები” და ასევე „ჩილატები” - ნაღების და რძის ბაზაზე დამზადებული კოქტეილები.

როგორ აფასებთ მომხმარებელთა მოთხოვნას და რა ტენდენციებს ხედავთ ბაზარზე?

მომხმარებლების უკუკავშირსა და რეკომენდაციებს მუდმივად ვითვალისწინებთ. ყოველდღიური ერთგული მომხმარებელი გვყავს, რომელთაც განსაკუთრებულად მოსწონთ ჩვენი ყავა, რომელიც მართლაც გამორჩეულია. დიდი პოპულარობით სარგებლობს სასაჩუქრე ბოქსებიც, რომელთა მიმართ მოთხოვნა მუდმივად იზრდება. სწორედ ამიტომ, მომხმარებელთა ინტერესის გათვალისწინებით, სამომავლოდ ბოქსების ზომების გაფართოებას ვგეგმავთ.

როგორია კომპანიის განვითარების სამომავლო გეგმები და უკავშირდება თუ არა ისინი ახალი ფილიალების გახსნასა და საქმიანობის გაფართოებას?

კომპანია მუდმივად მუშაობს განვითარებასა და ქსელის გაფართოებაზე. ჩვენი მიზანია, ბრენდი კიდევ უფრო მეტი მომხმარებლისთვის ხელმისაწვდომი გავხადოთ, მათ შორის საქართველოს სხვადასხვა ქალაქში. ამ მიმართულებით აქტიური მუშაობა უკვე მიმდინარეობს და მიმდინარე წელს მომხმარებლებს კიდევ ერთ ახალ ფილიალს შევთავაზებთ.