დასაქმების ბაზარზე გამოწვევად რჩება შედარებით მაღალი კვალიფიკაციები, სადაც ერთ - ორ წელიწადში ჩვენ პრობლემას ვერ მოვაგვარებთ - იმიტომ, რომ ეს არის გრძელვადიანი პრობლემა, გრძელვადიანი მოგვარება სჭირდება ამას და ამისთვის ძალიან მნიშვნელოვანია, რომ მთავრობამ შარშან პირველად დაიწყო აქტიური რეფორმა - ეს არის ის გზა, რომელიც ჩვენ გვჭირდება - ამის შესახებ ლევან ვეფხვაძემ, BAG-ის აღმასრულებელმა დირექტორმა გადაცემა „ბიზნეს ინსაიდერის" ეთერში განაცხადა.

„პროფესიული განათლება ერთ-ერთი გამოსავალი ცხადია არის, მაგრამ ჩვენ ვერ ვიტყვით რომ პროფესორი განათლება არის ის ჯადოსნური ჯოხი, რომელსაც დავადებთ და მოვაგვარებთ პრობლემას, ჯადოსნური ჯოხია და ყველა პრობლემა მოგვარდება. პრობლემა ის არის რომ პროფესიული განათლებით ჩვენ ვიკმაყოფილებთ გარკვეულ კვალიფიკაციებზე მოთხოვნას და თქვენ რომ ნახოთ ჩვენი შარშანდელი დეკემბრის კვლევა, სადაც ჩვენ უფრო ღრმად ჩავშალეთ სამუშაო ძალის პრობლემა, იქ ვხედავთ რომ ნელ-ნელა ე.წ დაბალ კვალიფიკაციებზე ბრჭყალებში ვიძახი დაბალი-მაღალი ძალიან პირობითია ცხადია. უბრალოდ შემოსავლის მიხედვით ვახდენთ დაყოფას, ამ დაბალ კატეგორებზე მოთხოვნაა ნელ-ნელა კმაყოფილდება, თუნდაც იმიტომ რომ პროფესიულ განათლებას დიდი ყურადღება ექცევა, თუნდაც იმიტომ რომ თვითონ ბიზნესი არის აქტიურად ჩართული ტრენინგების და გადამზადების პროგრამებში და ასე შემდეგ. მაგრამ გამოწვევა რჩება შედარებით მაღალი კვალიფიკაციები, სადაც ერთ წელიწადში ჩვენ პრობლემას და ორ წელიწადში ვერ მოვაგვარებთ. იმიტომ რომ ეს არის გრძელვადიანი პრობლემა, გრძელვადიანი მოგვარება სჭირდება ამას და ამისთვის ძალიან მნიშვნელოვანია რომ მთავრობამ შარშან პირველად დაიწყო აქტიური რეფორმა და თქვა რომ მთავარი ჩემთვის არის სწორედ შრომით ბაზრის მოთხოვნა და აი შრომითი ბაზრის მოთხოვნის ნაწილში ახდენს უმაღლესი განათლების პროგრამების ადაპტაციას. ეს არის ის გზა, რომელიც ჩვენ გვჭირდება, თუმცა რომ ვთქვათ რომ ამ გზის შედეგად ერთ თვეში და ორ თვეში შედეგს მივიღებთ თავი უნდა მოვიტყუოთ. ამას ჭირდება გრძელვადიანი, დაუღალავი შრომა იმისათვის რომ კონკრეტული შედეგი დადგეს გარკვეული პერიოდის მერე“, - აცხადებს ლევან ვეფხვაძე.