DOLO Merch ქართული კომპანიაა, რომელიც 2023 წლიდან ოპერირებს ბაზარზე და მომხმარებელს სუვენირებს, აქსესუარებსა და ტექსტილის პროდუქციას სთავაზობს. მიმდინარე სიახლეების, ახალი პროექტებისა და სამომავლო გეგმების შესახებ Business Insider Georgia-ს კომპანიის დამფუძნებელი ქეთა ახობაძე ესაუბრა.

ბოლო პერიოდში DOLO Merch-ის მიმართულება მნიშვნელოვნად გაფართოვდა. რა სიახლეებით ხვდებით მიმდინარე სეზონს?

ზაფხულის სეზონზე კორპორატიული შეკვეთები ნაკლებადაა, დღესასწაულები რომლის დროსაც კომპანიები თანამშრომლებს ან პარტნიორებს საჩუქრებს ჩუქნიან ძირითადად ზამთარსა და გაზაფხულზეა. ამიტომ ამ პერიოდში უფრო საცალო გაყიდვების მიმართულებით ვმუშაობთ. შარფების საზაფხულო კოლექცია ჩავუშვით.

ამას გარდა, თბილისის სუვენირების Pop-up-ის გახსნისთვის ვემზადებით, რომელიც სასტუმრო Pullman Tbilisi Axis Towers-ში ივლისის მეორე ნახევარში დაიწყებს ფუნქციონირებას.

დღეს თქვენი პორტფელი მხოლოდ კლასიკურ კორპორატიულ ბრენდირებულ პროდუქციას აღარ მოიცავს და დიზაინერულ თუ სუვენირულ ხაზებსაც აერთიანებს. როგორ ჩამოყალიბდა ეს სტრატეგია?

თავდაპირველად სწორედ სუვენირების ხაზი შევთავაზეთ მომხმარებელს, შემდეგ უკვე სხვა თემატური და სეზონური კოლექციები დავამატეთ. ჩვენ ძირითად პროდუქტად იქცა შარფები, რადგან განსაკუთრებული მოთხოვნა დღემდე სწორედ ამ პროდუქტზეა. ამის პარალელურად, განვავითარეთ კორპორატიული მიმართულება. კომპანიებს შევთავაზეთ სრული მომსახურება - სასაჩუქრე სეტების იდეები, მათ შორის ინდივიდუალური შეთავაზებები და ასევე სრული აღსრულება.

როგორ აფასებთ საქართველოში ბრენდირებული პროდუქციის ბაზრის განვითარებას? შეიცვალა თუ არა ბოლო წლებში კომპანიების მოთხოვნა და მიდგომები?

წლიდან წლამდე სულ უფრო მეტი კომპანია მოგვამრთავს და სარგებლობს ჩვენი მომსახურებით. კომპანიების წარმომადგენლებს ხშირად არ აქვთ დრო საკმაოდ შრომატევადი პროცესი საკუთარი ძალებით მართონ, სწორედ ამიტომ მოგვართავენ პროექტის სრული ციკლის განხორციელებისთვის - იდეიდან, სრულ აღსრულებამდე.

რა გეგმები გაქვთ სამომავლოდ? იგეგმება თუ არა ახალი კოლექციები, კოლაბორაციები ან ფიზიკური გაყიდვების სივრცეების გაფართოება?

როგორც გითხარით, ამ ეტაპზე თბილისის სუვენირების პოპ-აპს ვხსნით, ასევე სხვადასხვა ტურისტულ ობიექტში ვაპირებთ პროდუქციის დამატებას.