2026-2027 სასწავლო წელს ტექნოლოგიური განათლების ცენტრი ROBO Coder ახალი იდეებითა და მიმართულებებით ხვდება. ცენტრი აგრძელებს უკვე წარმატებული პროგრამების განვითარებას და ამავდროულად ბავშვებს თანამედროვე ტექნოლოგიებთან დაკავშირებულ ახალ შესაძლებლობებს სთავაზობს. მეტი ინფორმაციისთვის, Business Insider Georgia კომპანიის დამფუძნებელს ნინო ბექაურს ესაუბრა.

”ROBO Coder-ის პროგრამებში წელს მნიშვნელოვანი ადგილი დაეთმობა პროგრამირებასა და თამაშების შექმნას. ბავშვებს შესაძლებლობა ექნებათ, თავად მოიფიქრონ თამაშის იდეა, შექმნან პერსონაჟები და თამაშის მექანიკა და საკუთარი იდეა რეალურ ციფრულ პროდუქტად აქციონ.

ცენტრის კიდევ ერთი მნიშვნელოვანი სიახლეა Robo Coder Anywhere - მობილური საგანმანათლებლო პროექტი, რომელიც სკოლებსა და საბავშვო ბაღებთან თანამშრომლობაზეა ორიენტირებული. პროექტის ფარგლებში ROBO Coder-ის გუნდი თავად მივა საგანმანათლებლო დაწესებულებებში და ბავშვებს ადგილზე შესთავაზებს რობოტიკისა და პროგრამირების გაკვეთილებს. ამგვარად, თანამედროვე ტექნოლოგიური განათლება უფრო მეტი ბავშვისთვის გახდება ხელმისაწვდომი.

2026–2027 სასწავლო წლის რეგისტრაცია უკვე დაიწყო. ინტერესი შეინიშნება როგორც ROBO Coder-ის მოქმედი მოსწავლეების მხრიდან, რომლებიც სწავლის შემდეგ ეტაპზე გადადიან, ასევე ახალი მოსწავლეების მხრიდანაც.

მოთხოვნა სხვადასხვა ასაკობრივ მიმართულებაზეა - 3-5 წლის ბავშვებისთვის განკუთვნილი შემოქმედებითი კურსებიდან 10-15 წლის მოზარდებისთვის პროგრამირებისა და თამაშების შექმნის კურსებამდე. ეს კიდევ ერთხელ აჩვენებს, რომ ტექნოლოგიური განათლების მიმართ ინტერესი ბავშვების სხვადასხვა ასაკში იზრდება.

თანამედროვე ტექნოლოგიებთან ერთად Robo Coder-ის სასწავლო პროცესში სულ უფრო მნიშვნელოვანი ხდება ხელოვნური ინტელექტიც. ცენტრის მიზანია, ბავშვებმა AI მხოლოდ მზა ინსტრუმენტის სახით არ გამოიყენონ. ისინი სწავლობენ, როგორ შეიძლება ხელოვნური ინტელექტის გამოყენება საკუთარი იდეების განვითარებისა და განხორციელებისთვის. განსაკუთრებით საინტერესო ეს პროცესი თამაშების შექმნისას ხდება, როდესაც ბავშვი თავად არის იდეის ავტორი, ხოლო AI მისი შემოქმედებითი შესაძლებლობების დამატებითი ინსტრუმენტია.

ამასთან, ROBO Coder აგრძელებს იმ მიმართულების განვითარებას, რომლითაც ცენტრმა წლების განმავლობაში ბევრი ბავშვის ინტერესი მოიპოვა - Lego რობოტოტექნიკა. ტრადიციული კურსები კვლავ რჩება სასწავლო პროგრამის მნიშვნელოვან ნაწილად. რეალური მოდელების აწყობა ბავშვებს ეხმარება წვრილი მოტორიკის, სივრცითი აზროვნების, ყურადღებისა და პრობლემების გადაჭრის უნარების განვითარებაში.

თუმცა Robo Coder-ისთვის ტრადიციების შენარჩუნება განვითარებაზე უარის თქმას არ ნიშნავს. პირიქით - ცენტრის მთავარი მიზანია, პრაქტიკული სწავლება თანამედროვე ტექნოლოგიებს დაუკავშიროს.

2026–2027 სასწავლო წლის მთავარი პრიორიტეტი სწორედ განვითარებისა და ახალი შესაძლებლობების შექმნაა. Robo Coder-ის მიზანია, შეინარჩუნოს ის, რაც ბავშვებისთვის საინტერესო და ეფექტურია, და ამავდროულად მუდმივად დაამატოს ახალი მიმართულებები.

სამომავლოდ Robo Coder-ის ხედვაა, განვითარდეს როგორც თანამედროვე ტექნოლოგიური განათლების სივრცე, სადაც ბავშვები არა მხოლოდ ტექნოლოგიების მომხმარებლები, არამედ მათი შემქმნელებიც ხდებიან“, - აცხადებს კომპანიის დამფუძნებელი.