მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

ენერგეტიკის განვითარების 10-წლიანი სტრატეგია მნიშვნელოვანია როგორც ქვეყნისთვის, ისე ბიზნესსექტორისთვის - გიორგი მირცხულავა

news image
mbc image

„სასიხარულოა, რომ ეკონომიკისა და მდგრადი განვითარების სამინისტრომ დახვეწა, შეიმუშავა და მივდივართ ენერგეტიკის სექტორის განვითარების 10-წლიანი სტრატეგიის შესრულების მიხედვით. ეს გეგმა ძალიან მნიშვნელოვანია არამარტო ქვეყნისთვის, არამედ სექტორში მომუშავე სამშენებლო კომპანიებისთვის, დეველოპერებისთვის, რადგან ჩვენ ყველა  ვხვდებით, თუ რა იქნება ის პრიორიტეტი, რომელსაც ქვეყანა უახლოეს ხანში განახორციელებს“, - განაცხადა კომპანია „ბემონის“ მმართველმა დირექტორმა გიორგი მირცხულავამ. 

ეკონომიკური ფორუმის ფორმატში ენერგეტიკის საკითხებთან დაკავშირებით დისკუსია შედგა სახელმწიფო და კერძო სექტორის წარმომადგენლებს შორის, სადაც ეკონომიკისა და მდგრადი განვითარების მინისტრმა მარიამ ქვრივიშვილმა ენერგეტიკის დარგის განვითარების ხედვასა და სტრატეგიაზე, მიმდინარე რეფორმებსა და ინფრასტრუქტურულ პროექტებზე ისაუბრა. 
გიორგი მირცხულავას შეფასებით, დარგის განვითარების ხელშეწყობის თვალსაზრისით მნიშვნელოვანია ამ ფორმატის შეხვედრები, სადაც მთელი ენერგოინდუსტრიის მიერ ხდება სამინისტროს მიერ შემუშავებული ახალი ინიციატივების დეტალური გაანალიზება. 
„ენერგეტიკის სექტორისთვის სასიცოცხლო მნიშვნელობისაა, რომ არსებობდეს ჩარჩო მიდგომა, თამაშის წესები იყოს ნათელი, რისკენ მივისწრაფვით -  ამისკენ გადადგმული თითოეული ნაბიჯი იყოს კარგად გააზრებული, შეთანხმებული და გაზიარებული ყველა მოთამაშესთან. მხოლოდ ეს მიგვიყვანს იმ გამარჯვებამდე, რომ ქვეყანა გახდეს არა იმპორტზე დამოკიდებული, არამარტო თვითკმარი, არამედ შეძლოს თავისი ენერგოპროდუქციის ექსპორტი მეზობელ ქვეყნებში. შესაბამისად, შავი ზღვის წყალქვეშა კაბელის, დაგეგმილი - ჰიდრო, ქარის, მზის ენერგოპროექტები ჩვენ ამისკენ მიგვიყვანს. მაგრამ თუ გვინდა, რომ ამ მიზანთან გამარჯვებით მივიდეთ, ნაბიჯ-ნაბიჯ უნდა მივყვეთ 10-წლიან სტრატეგიას, რომელიც უმნიშვნელოვანესია ამ გეგმის მისაღწევად“, - აღნიშნა კომპანია ბემონის“ მმართველმა დირექტორმა.

banner image news banner
გვანცა მახარაძე ავტორი
LIVE
news banner

დღის ტოპ 10 სიახლე











სხვა სიახლეები

ბიზნესი
image m² თბილისში ექვს ახალ საცხოვრებელ პროექტს წარადგენს - ექსკლუზიური შეთავაზება სახლის შესაძენად უპრეცედენტოდ დაბალ ფასად

20.11.2026.18:23

5 დეკემბერს m² უპრეცედენტო მასშტაბის ღონისძიებას გამართავს და მომხმარებლებს თბილისის სხვადასხვა უბანში განთავსებულ ექვს ახალ საცხოვრებელ პროექტს წარუდგენს. ეს იქნება განსაკუთრებული შესაძლებლობა მათთვის, ვინც ახალი სახლის შეძენას გეგმავს-ექვსი ახალი პროექტი, ექვსი განსხვავებული ლოკაცია და ექსკლუზიური პირობები ერთ სივრცეში.

ღონისძიება ექსპო ჯორჯიას მე-11 პავილიონში გაიმართება. სტუმრებს შესაძლებლობა ექნებათ, პირველებმა აღმოაჩინონ m²-ის ახალი პროექტები, გაეცნონ მათ კონცეფციებს, მდებარეობას, არქიტექტურულ გადაწყვეტებსა და ძირითად უპირატესობებს.

პირადად შეხვდნენ გაყიდვების მენეჯერებს, გაიარონ ინდივიდუალური კონსულტაციები და დარეგისტრირდნენ მომლოდინეთა სიაში.

ყველაზე მნიშვნელოვანი კი ის განსაკუთრებული უპირატესობაა, რომელსაც მომლოდინეთა სიაში რეგისტრაცია მომხმარებლებს ანიჭებს. რეგისტრირებულ პირებს 19 და 20 დეკემბერს ექნებათ შესაძლებლობა, პრიორიტეტულად შეარჩიონ სასურველი ბინა და შეიძინონ ის პროექტის საწყისი, ყველაზე დაბალი ფასით. ეს ნიშნავს, რომ რეგისტრირებული მომხმარებლები არა მხოლოდ სხვებზე ადრე შეძლებენ სასურველი ბინის არჩევას, არამედ ისარგებლებენ ექსკლუზიური ფასით, რომელიც პროექტის საწყის ეტაპზე იქნება ხელმისაწვდომი. შესაბამისად, მომლოდინეთა სიაში რეგისტრაცია ახალი სახლის შეძენის მსურველებისთვის განსაკუთრებულად მნიშვნელოვანი შესაძლებლობაა.

პროექტების პრეზენტაციასთან ერთად, ღონისძიების სტუმრებს მუსიკალური პროგრამა, გათამაშება და ფურშეტიც ელოდებათ.

ექვსი ახალი პროექტის წარდგენით m² საცხოვრებელი უძრავი ქონების შეთავაზებას მნიშვნელოვნად აფართოებს და მომხმარებლებს თბილისის ექვს სხვადასხვა უბანში-საბურთალოზე, დიდ დიღომში, გლდანში, მუხიანში, ვარკეთილსა და სანზონაში სთავაზობს ახალ შესაძლებლობებს. აღნიშნულ პროექტებში სახლს მთელი უბანი მოჰყვება: გამწვანებული და რეკრეაციული სივრცეები; სპორტული და პადელის მოედნები, საბავშვო ზონები, აუზები, სპორტული დარბაზები, კომერციული ობიექტები და მრავალი სხვა, რაც მაცხოვრებლების ყოველდღიურობას საინტერესოს და მრავალფეროვანს გახდის, სადაც ადამიანები შეძლებენ იცხოვრონ საკუთარი, განუმეორებელი ცხოვრებით.

პროექტების მრავალფეროვნება ეხმიანება ბრენდის ახალ კამპანიას „იცხოვრე შენი განუმეორებელი ცხოვრებით“. ადამიანებს განსხვავებული სურვილები, პრიორიტეტები და ცხოვრების სტილი აქვთ, ამიტომ საცხოვრებელი გარემოს შერჩევისას მათთვის განსხვავებული ფაქტორებია მნიშვნელოვანი ადგილმდებარეობა, სივრცის დაგეგმარება, გარემო თუ ყოველდღიური საჭიროებები. სწორედ ამ განსხვავებული მოთხოვნების გათვალისწინებით, m² მომხმარებლებს თბილისის სხვადასხვა უბანში მრავალფეროვან არჩევანს სთავაზობს.

ღონისძიებაზე დასწრება თავისუფალია. ეს არის შესაძლებლობა, პირველებმა მიიღოთ ინფორმაცია m²-ის ექვსი ახალი პროექტის შესახებ, შეადაროთ მათი უპირატესობები, მიიღოთ ინდივიდუალური კონსულტაცია და მომლოდინეთა სიაში რეგისტრაციით მოიპოვოთ პრიორიტეტი სასურველი ბინის შესარჩევად. არ გამოტოვოთ შესაძლებლობა, თქვენი ახალი სახლის არჩევა დაიწყოთ პირველებმა და ისარგებლოთ უპრეცედენტოდ დაბალი საწყისი ფასებითა და ექსკლუზიური შეთავაზებებით.

ღონისძიების დეტალები:

  • თარიღი: 5 დეკემბერი
  • მისამართი: ექსპო ჯორჯია, მე-11 პავილიონი, ა. წერეთლის გამზირი №118
  • 17:00 - სტუმრების მიღება
  • 17:30 - m²-ის ექვსი ახალი პროექტის პრეზენტაცია
  • 18:00 - ინდივიდუალური კონსულტაციები და მომლოდინეთა სიაში რეგისტრაცია
  • 19:00 - გათამაშება
  • 20:00 მუსიკალური პროგრამა და ფურშეტი

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა