ექსკლუზიური კონცეფცია ქართულ ბაზარზე - როგორ აერთიანებს Kotesi თანამედროვე დიზაინსა და ფუნქციურ ინოვაციას
Kotesi ქართულ-ესპანური კოლაბორაციით შექმნილი ქალის აქსესუარების ბრენდია, რომელიც 2024 წლიდან ოპერირებს ადგილობრივ ბაზარზე. მეტი ინფორმაციისთვის, Business Insider Georgia კომპანიის მარკეტინგის ხელმძღვანელს, ნინი თანდილაშვილს ესაუბრა.
როგორია კომპანიის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებლებს?
Kotesi ქართულ-ესპანური კოლაბორაციით შექმნილი ქალის აქსესუარების ბრენდია, რომელიც თანამედროვე, თავდაჯერებული და თვითგამოხატვაზე ორიენტირებული ქალბატონებისთვის უნიკალურ აქსესუარებს ქმნის. ბრენდის საქმიანობის სპეციფიკა ეფუძნება იდეას, რომ ელეგანტურობა დეტალებიდან იწყება - სწორედ იმ მცირე ელემენტებიდან, რომლებიც ქალის ხასიათს, განწყობასა და ინდივიდუალობას ასახავს.
2024 წლიდან ბრენდი აქტიურად ოპერირებს ბაზარზე და მომხმარებლებს სთავაზობს მრავალფეროვან, ინოვაციურ და პრაქტიკულ აქსესუარებს. კოლექციებში შეხვდებით ორიგინალურ სამაჯურებს ტუჩის ბალმითა და სარკით, დახვეწილ თუ მულტიფუნქციურ ქამრებს, კოსმეტიკის ჩანთებს, ფერად თასმებსა და სხვა აქსესუარებს, რომლებიც ჰარმონიულად აერთიანებენ ესთეტიკას, ფუნქციურობასა და სიმბოლურ მნიშვნელობებს.
როგორ აფასებთ მოთხოვნას ზოგადი თვალსაზრისით?
ქართულ ბაზარზე ქალის აქსესუარებზე მოთხოვნა მზარდია, განსაკუთრებით იმ პროდუქტებზე, რომლებიც მხოლოდ ვიზუალურ ფუნქციას არ ასრულებს და დამატებით პრაქტიკულ მნიშვნელობასაც ატარებს. ასეთ აქსესუარებს კი „Kotesi-ს მომხმარებლები ბრენდის მრავალფეროვან ასორტიმენტში საკუთარი გემოვნების შესაბამისად ირჩევენ.
Kotesi-ს შემთხვევაში, განსაკუთრებით მნიშვნელოვანია ის ფაქტი, რომ ქალები არჩევანს აკეთებენ ინოვაციურ აქსესუარებზე, რომლებიც მათ პიროვნებასა და განწყობას ასახავს და ახლოსაა მათ ემოციურ მდგომარეობასთან - სწორედ ეს განსაზღვრავს მოთხოვნის დინამიკას.
რას მიიჩნევთ კომპანიის კონკურენტულ უპირატესობად?
კომპანიის მთავარი კონკურენტული უპირატესობა ბალანსის დაცვაა ესთეტიკის, პრემიუმ ხარისხისა და აქსესუარის მნიშნვნელობებს შორის. მოგეხსენებათ, ბრენდი საქართველოში წარმოდგენილია როგორც ექსკლუზიური კონცეფცია, რომელიც აერთიანებს თანამედროვე დიზაინსა და ფუნქციურ ინოვაციას. Kotesi-ს უნიკალურობა არ შემოიფარგლება მხოლოდ აქსესურების დიზაინით. საჩუქრების შეფუთვის ესთეტიკა ბრენდის პოლიტიკაში, ერთ-ერთი მთავარი კონკურენტული უპირატესობაცაა.
როგორია კომპანიის სამომავლო გეგმები?
Kotesi-ს სამომავლო გეგმები მიმართულია ბრენდის გაფართოებაზე საერთაშორისო მოდის ინდუსტრიაში, ხოლო საქართველოს ბაზარზე ექსკლუზიური პოზიციის კიდევ უფრო გამყარებაზე. ჩვენ ვგეგმავთ ახალი, განსხვავებული, ლიმიტირებული კოლექციებს შექმნას, რომლებიც კიდევ უფრო გააერთიანებს ინოვაციურ დიზაინს, მაღალი ხარისხის მასალებსა და თითოეულ აქსესუარში პერსონალურ მნიშვნელობას. ჩვენს ერთგულ მომხმარებლებს 2026 წელს კიდევ უფრო ბევრი სიურპრიზი და სიახლე ელოდებათ.
დამატებითი ინფორმაციისთვის, დაინტერესებულ პირებს შეუძლიათ ბრენდის ვებგვერდს ეწვიონ : https://kotesi.com/ge/
დღის ტოპ 10 სიახლე
სხვა სიახლეები
თაობა ახალი იდეებით - გაიცანით სალომე მიქელაძე, 23 წლის ასაკში შექმნილი სამი გამორჩეული სივრცით
12.06.2026.17:49
Breakfast is, კანცელარია და ლონდა ბევრისთვის უკვე კარგად ნაცნობი სახელებია - ამ სივრცეების უკან 23 წლის სალომე მიქელაძე დგას, რომელმაც შეუპოვრობით და მონდომებით დასახულ მიზნებს მიაღწია.
სალომეს გზა სხვადასხვა პოზიციაზე მუშაობით დაიწყო. ამ დროს აღმოაჩინა, რომ ყველაზე მეტად ადამიანებთან კომუნიკაცია მოსწონდა. საკუთარი ადგილის შექმნის სურვილმა პირველ პროექტამდე მიიყვანა და ასე გაჩნდა Breakfast is, იდეით, რომ ადამიანებს დღე ენერგიულად და დადებითი ემოციებით დაეწყოთ, რადგან საუზმე ხომ ზუსტად ის დროა, რომელიც მთელი დღის განწყობას ქმნის.
დილის ენერგიას მოგვიანებით საღამოს იდილიის შექმნის სურვილი მოჰყვა. კანცელარია შეიქმნა მათთვის, ვისაც სანთლის შუქზე საუბარი, საყვარელ ადამიანებთან შეხვედრა, გემრიელი საკვები და ნატურალური ღვინო უყვარს.
“კანცელარია არის სივრცე, სადაც ადამიანები ერთმანეთს ხვდებიან. ჩემთვის ეს მხოლოდ რესტორანი ან ბარი არასდროს ყოფილა - უფრო შეხვედრების, ემოციების გაზიარებისა და მოგონებების შექმნის ადგილია.”
მესამე პროექტი ლონდა - შედარებით მასშტაბურია. მასში სალომემ წინა წლებში დაგროვილი ცოდნა და ხედვა გააერთიანა. მიუხედავად იმისა, რომ ეს სამი ადგილი სხვადასხვა განწყობას ატარებს, მათი მთავარი იდეა მაინც საერთოა - ინტერიერით, მომსახურებით, გემრიელი მენიუთი სტუმრებისთვის განსაკუთრებული ემოციის შექმნა.
ყოველდღიური გამოწვევები და მოძრაობის სიყვარული
ამ ინდუსტრიაში სიმშვიდე იშვიათია. ახალგაზრდა ასაკში სამი სივრცის მართვა მუდმივ მოძრაობასა და გამოწვევებს ნიშნავს. სალომესთვის ეს პროცესი ყოველდღიურად ახალი პრობლემის გადაჭრის უნარს ითხოვს, რაც მისთვის საქმის განუყოფელი და საინტერესო ნაწილია:
“წარმატების გზაზე ყოველთვის იქნება რთული პერიოდები, დაღლა და იმედგაცრუება. თუმცა მნიშვნელოვანია, რომ ამ ყველაფერმა არ შეგცვალოს როგორც ადამიანი - შეინარჩუნო შენი დამოკიდებულება, ენთუზიაზმი და სიყვარული იმის მიმართ, რასაც აკეთებ.”
სირთულეების დაძლევაში სალომეს ეხმარება ის, რომ მუდმივად ჩართულია საქმეში. როგორც ამბობს, ბიზნესის განვითარება შეუძლებელია პროცესზე უშუალო დაკვირვებისა და მასში მონაწილეობის გარეშე.
მომავლის ხედვა და ახალი იდეები
სალომე გაჩერებას არ აპირებს. წინ კიდევ უფრო მასშტაბური გეგმებია და ახლა უკვე ისეთ ბრენდზე ფიქრობს, რომელიც ქვეყნის საზღვრებს გარეთაც გავა და სტუმართმოყვარეობის კულტურაში საკუთარ ადგილს დაიმკვიდრებს.
შეუპოვრობა იმ თაობის საერთო განწყობაა, რომელსაც საკუთარი ენერგიით რეალური ცვლილებები მოაქვს. თაობას, რომელიც სულ მოძრაობს, არ ჩერდება და არ ასვენებს ახალი იდეები, მოჰყავს მომავალი, უფრო ძლიერი, ლაღი და თავისუფალი.
