„ასაწყობი, იგივე დროებითი სკოლების მოწყობის ტენდერში გამარჯვებული „ევროპანელი“ გახდა. სახელმწიფოს 750 სასკოლო მოდულის მიწოდებასა და მონტაჟს 19.5 მილიონ ლარად შევთავაზეთ. ტენდერის სავარაუდო ღირებულება 22.5 მილიონი ლარი იყო.

მუნიციპალური განვითარების ფონდმა ტენდერი 27 აგვისტოს გამოაცხადა. პროექტი 600 საკლასო ოთახის, 100 ადმინისტრაციული და 50 სანიტარული დანიშნულების მოდულის შესყიდვას ითვალისწინებს. სასკოლო სივრცეები ე.წ. სენდვიჩპანელებით მოეწყობა.

თითოეული საკლასო მოდული 10-12 მოსწავლესა და ერთ მასწავლებელზე იქნება გათვლილი და გათბობისა და გაგრილების სისტემებით აღიჭურვება.
სატენდერო პირობების თანახმად, საჭიროების შემთხვევაში, წერილობითი დავალების მიღებიდან ორი თვის განმავლობაში მინიმუმ 200 მოდულის მიწოდება და მონტაჟი უნდა შევძლოთ.

მოდულების კონსტრუქციისა და გარე შემოსვის საგარანტიო ვადა მინიმუმ 10 წელია, საინჟინრო სისტემების 5 წელი, ხოლო გათბობისა და გაგრილების სისტემების 2 წელი. თავად მოდულების საექსპლუატაციო ვადა მინიმუმ 10 წლით განისაზღვრება.

მოდულური სკოლები ქარხნულად დამზადებული, სრულად აღჭურვილი და ტრანსპორტირებადი სასწავლო სივრცეებისგან შედგება, რომელთა ადგილზე მონტაჟიც მოკლე დროშია შესაძლებელი. მათი გამოყენება იმ სკოლებში იგეგმება, სადაც ახალი შენობების მშენებლობა ან არსებული ინფრასტრუქტურის რეაბილიტაცია მიმდინარეობს.

ინფორმაციისთვის, „ევრო პანელ ჯგუფს“ აქვს პროდუქტების ფართო ასორტიმენტი, რომელიც სრულიად აკმაყოფილებს ბაზარზე არსებულ მოთხოვნებსა და საჭიროებებს.

დამატებითი სერვისების ხარჯზე, „ევროპანელის“ გუნდი ქმნის სრულ კომფორტს მომხმარებლებისთვის.