გაფართოება, საგანმანათლებლო პროექტი და ინოვაციური მიმართულებები - როგორია Sanex-ის სიახლეები და განვითარების ხედვა
კომპანია Sanex, რომელიც ამანათების, პირადი გზავნილებისა და კომერციული ტვირთის საჰაერო და სახმელეთო ტრანსპორტირებას ახორციელებს, ქვეყნის მასშტაბით უკვე 9 ფილიალით არის წარმოდგენილი და სამომავლოდ გაფართოებასა და კომპანიის კიდევ უფრო ზრდას გეგმავს. როგორც Business Insider Georgia-სთან Sanex-ის დამფუძნებელმა თამარ აბულაძემ განაცხადა, კომპანიის სტაბილური განვითარების ფონზე, ახლახან არსებულ ფილიალებს კიდევ ერთი ფილიალი დაემატა, ხოლო უახლოეს პერიოდში უკვე რიგით მეათე ფილიალის გახსნაც იგეგმება.
„იანვარში გავხსენით საბურთალოს ფილიალი, ხოლო მარტის ბოლოს ვაკის ფილიალი, ყიფშიძის ქუჩაზე. ამჟამად 9 ფილიალს ვაერთიანებთ. გლდანის ფილიალის მოწყობა დასასრულს უახლოვდება და უახლოეს პერიოდში იგეგმება მისი გახსნა, რომელიც რიგით მეათე ფილიალი იქნება.
გარდა ამისა, გამოვეცით წიგნი „გახდი ალიბაბას ექსპერტი“, რომელიც ჩვენს ფილიალებში უფასოდ არის ხელმისაწვდომი და მომხმარებლებს საჩუქრად გადაეცემათ.
კურსები ჩავატარეთ ოფლაინ ფორმატში, ასევე მოვაწყვეთ წიგნის პრეზენტაცია და მასთან დაკავშირებული მასტერკლასები. დაინტერესება მაღალია, რის საფუძველზეც უახლოეს პერიოდში ოფლაინ მასტერკლასების კვლავ ჩატარებას ვგეგმავთ.
აღნიშნული წიგნი უნიკალურია და ანალოგი პრაქტიკულად არ მოიძებნება. იგი სრულად ჩემს მიერ არის დაწერილი - სხვადასხვა წყაროდან მოძიებული და დამუშავებული ინფორმაციის საფუძველზე. გამოცემამ უკვე დიდი მოწონება დაიმსახურა. წიგნში განხილულია ისეთი საკითხები, რომლებიც დამწყები ბიზნესმენებისთვის მნიშვნელოვან პრაქტიკულ გზამკვლევს წარმოადგენს “, - აცხადებს თამარ აბულაძე.
კომპანია აქტიურად მუშაობს ვებგვერდის განახლებაზე და ასევე მობილური აპლიკაციის გაშვებასაც გეგმავს.
„მიმდინარეობს ვებგვერდის განახლება - ვმუშაობთ ფუნქციონალის გაუმჯობესებაზე. პარალელურად, განვიხილავთ მობილური აპლიკაციის გაშვებას, რომლის დანერგვაც ზაფხულის პერიოდში იგეგმება “, - აღნიშნავს კომპანიის დამფუძნებელი.
ცნობისთვის, Sanex ამანათების ტრანსპორტირებას ახორციელებს: ამერიკიდან, ჩინეთიდან, თურქეთიდან და საბერძნეთიდან.
ჩამოსული ამანათების გატანა შესაძლებელია კომპანიის თბილისის ოფისებიდან, ასევე ბათუმისა და ქუთაისის ფილიალებიდან, ან საკურიერო მომსახურების მიღება მთელი საქართველოს მასშტაბით.
ფილიალების მისამართები და სამუშაო საათები:
თბილისი - დიღმის მასივი, 3 კვ., 3 კორპ.
სამუშაო საათები: ორშაბათი–პარასკევი 11:00–22:00
შაბათი: 11:00–17:00
ტელ: 593 809 809
თბილისი - დიდი დიღომი, გიორგი ბრწყინვალის ქ. №30ა
სამუშაო საათები: ორშაბათი–პარასკევი 11:00–18:00
შაბათი: 11:00–17:00
ტელ: 593 809 809
თბილისი - მოსკოვის გამზირი №29დ
სამუშაო საათები: ორშაბათი–პარასკევი 11:00–18:00
შაბათი: 11:00–17:00
ტელ: 510 003 350
თბილისი - საბურთალო, თ. იოსებიძის ქ. №51ა
სამუშაო საათები: ორშაბათი–პარასკევი 11:00–18:00
შაბათი: 11:00–17:00
ტელ: 593 809 809
ქუთაისი - თამარ მეფის ქ. №53
სამუშაო საათები: ყოველდღე 10:00–19:00
ტელ: 514 809 809
ბათუმი - დ. თავდადებულის ქ. №67
სამუშაო საათები: ორშაბათი–პარასკევი 11:00–18:00
შაბათი: 11:00–17:00
ტელ: 557 809 809
ზუგდიდი - ც. დადიანის ქ. №1
სამუშაო საათები: ორშაბათი–პარასკევი 11:00–18:00
შაბათი: 11:00–17:00
ტელ: 514 10 20 20
რუსთავი - მესხიშვილის ქ. №16/47
სამუშაო საათები: ორშაბათი–პარასკევი 11:00–18:00
შაბათი: 11:00–17:00
ტელ: 514 10 20 70
ცენტრალური ნომერი: (+995 32) 232 50 05
მობ: (+995) 593 809 809.
დღის ტოპ 10 სიახლე
სხვა სიახლეები
საქართველოს ბანკის მხარდაჭერით, კონფერენცია eCommerce Georgia 2026 გაიმართება
23.10.2026.19:57
საქართველოს ბანკის მხარდაჭერით, ელექტრონული კომერციის სფეროში ერთ-ერთი ყველაზე მასშტაბური ყოველწლიური კონფერენცია - eCommerce Georgia 2026 გაიმართება.
eCommerce Georgia 2026-ს „იქომერს ასოციაცია საქართველო“ 2023 წლიდან ატარებს. კონფერენცია მიზნად ისახავს ელექტრონული კომერციის სფეროში ცოდნისა და გამოცდილების გაზიარებას, პროფესიული კავშირების გაძლიერებასა და ახალი პარტნიორობებისა და თანამშრომლობის შესაძლებლობების შექმნას.
ღონისძიება ერთ სივრცეში გააერთიანებს ბიზნესის ლიდერებს, ტექნოლოგიური კომპანიების, საჯარო და კერძო სექტორის წარმომადგენლებს, ინვესტორებს, საერთაშორისო ორგანიზაციებსა და სხვადასხვა ინდუსტრიის ექსპერტებს. კონფერენციის ფარგლებში მონაწილეებს შესაძლებლობა ექნებათ, გაეცნონ ინდუსტრიის აქტუალურ ტენდენციებს, განიხილონ ელექტრონული კომერციის განვითარების შესაძლებლობები და იმსჯელონ სექტორის წინაშე არსებულ გამოწვევებზე.
ღონისძიების გამომსვლელებს შორის არიან:
• დოდი მალაზონია - Bank of Georgia-ს იქომერს ექვაირინგის ხელმძღვანელი;
• მარიამ ჩახვაშვილი - Galt & Taggart-ის სექტორული კვლევების ჯგუფის უფროსი;
• მოჰამედ ბარდასტანი - Visa-ს მთავარი ეკონომისტი ცენტრალური და აღმოსავლეთ ევროპის, ახლო აღმოსავლეთისა და აფრიკის რეგიონში;
• ლუკა ხალაძე - WEB Features-ის დამფუძნებელი და აღმასრულებელი დირექტორი;
• თორნიკე გაბუნია - UGT Cloud-ის ბიზნეს განვითარების ხელმძღვანელი;
• ნინო ტომარაძე - Glovo საქართველოს სწრაფი კომერციის მიმართულების ხელმძღვანელი;
• დაზ აკბაროვი - Amazon Web Services-ის გადაწყვეტილებების არქიტექტორი;
• იასმინ მარიჩი - eComm-ის ბოსნია და ჰერცეგოვინის ელექტრონული კომერციის ასოციაციის პრეზიდენტი;
• არჯუნ სარკარი - Dubai Commercity-ის ციფრული ეკოსისტემებისა და პარტნიორული ურთიერთობების ვიცე-პრეზიდენტი;
• მაქსიმ მოროზოვი - Retailgrid-ის დამფუძნებელი და აღმასრულებელი დირექტორი;
• როზერინ ალპი - Inspark-ის გადაწყვეტილებების ინჟინერი
eCommerce Georgia 2026-ის მთავარი თემები იქნება:
• საცალო ვაჭრობის მომავალი: ხელოვნური ინტელექტი, ომნიჩენელური და სოციალური კომერცია;
• ზრდის ინფრასტრუქტურა: ნდობა, გადახდები და ლოგისტიკა;
• ტრანსსასაზღვრო კომერცია: გლობალური ბაზრები და საერთაშორისო ვაჭრობა.
“საქართველოს ბანკისთვის ბიზნესის განვითარებისა და ციფრული შესაძლებლობების გაძლიერების ხელშეწყობა ერთ-ერთი მნიშვნელოვანი მიმართულებაა. eCommerce Georgia 2026-ის მხარდაჭერით, ბანკი ხელს უწყობს ელექტრონული კომერციის ეკოსისტემის განვითარებას, სფეროს წარმომადგენლებს შორის ცოდნისა და გამოცდილების გაზიარებას და ახალი ბიზნესკავშირების ჩამოყალიბებას. სასიამოვნოა, რომ ღონისძიება წლიდან წლამდე უფრო და უფრო მასშტაბური ხდება და საინტერესო სპიკერებს აერთიანებს”, - აცხადებენ საქართველოს ბანკში.
ღონისძიების გენერალური პარტნიორები: საქართველოს ბანკი ბიზნესი და Inspark
ინოვაციების პარტნიორი: Visa
პარტნიორები: Web Features, UGT Clouds, Kiwi Post, Glovo, Creatio, Quickshipper, Retailgrid, Azfina, UNIEF, eComm Association in Bosnia and Herzegovina
მიიღეთ 40%-იანი ფასდაკლება Cellfie-ის Travel eSIM-ის ინტერნეტპაკეტებზე საქართველოს ბანკის ბარათებით გადახდისას
23.10.2026.18:06
„მევენახეობა დოლიძე“ საექსპორტო ბაზრების გაფართოებასა და ახალი ღვინოების წარმოებას გეგმავს
23.10.2026.16:00
