Galt & Tagart-ის კვირის მიმოხილვა - ტურიზმის შემოსავლები წლის ბოლოს დაჩქარდა
გასულ კვირაში საქართველოს ეკონომიკაში ზრდის რამდენიმე მნიშვნელოვანი სიგნალი გამოიკვეთა - ტურიზმში, საგარეო ვაჭრობასა და ფინანსურ ბაზრებზე. გალტ & თაგარტის კვირის მიმოხილვა ასახავს,როგორ შეიცვალა ძირითადი ტენდენციები წლის ბოლოსკენ.
ტურიზმის შემოსავლები: ზრდა მოლოდინს აღემატება
2025 წლის მე-4 კვარტალში ტურიზმიდან მიღებული შემოსავლები წლიურად 9.2%-ით გაიზარდა და 1.1 მლრდ აშშ დოლარი შეადგინა. ჯამურად, ტურიზმის შემოსავლები 4.7 მლრდ აშშ დოლარს გაუტოლდა 2025 წელს, რაც მცირედით აღემატება გალტ & თაგარტის პროგნოზს.
2026 წელს, გალტ & თაგარტი ტურიზმის შემოსავლების 5.0 მლრდ აშშ დოლარამდე ზრდას პროგნოზირებს.
საგარეო ვაჭრობა: ექსპორტი და იმპორტი რეკორდულ ნიშნულზეა
2025 წლის დეკემბერში საქონლის ექსპორტი წლიურად 22.5%-ით გაიზარდა და 673.2 მლნ აშშ დოლარიშეადგინა, რაც ძირითადად ადგილობრივი ექსპორტის ზრდამ განაპირობა. საქონლის იმპორტი წლიურად8.5%-ით გაიზარდა 1.8 მლრდ აშშ დოლარამდე, რაც ძირითადად კაპიტალური საქონლის, საწვავის, სამრეწველო და საკვები პროდუქტების იმპორტის ზრდამ განაპირობა.
საერთო ჯამში, 2025 წელს საქონლის ექსპორტი 7.3 მლრდ აშშ დოლარი, ხოლო იმპორტი 18.5 მლრდ აშშდოლარი იყო - ორივე მაჩვენებელი ისტორიულ მაქსიმუმზეა.
ფულადი ბაზარი: მაღალი მოთხოვნა ნარჩუნდება
20 იანვარს ფინანსთა სამინისტრომ სახაზინო ფასიანი ქაღალდების 1 აუქციონი ჩაატარა. მაღალი ინტერესის ფონზე მოთხოვნამ შეთავაზებას მნიშვნელოვნად გადააჭარბა და საშუალო შეწონილი საპროცენტო განაკვეთი შემცირდა.
დღის ტოპ 10 სიახლე
სხვა სიახლეები
საქართველოს აეროპორტების გაერთიანება Routes Europe 2026-ში მონაწილეობს
18.05.2026.10:56
18-20 მაისს, იტალიის ქალაქ რიმინიში საავიაციო ფორუმი Routes Europe 2026 იმართება. რიგით მე-20 ყოველწლიურ ფორუმში ევროპის 65-ზე მეტი ქვეყნიდან 100-ზე მეტი წამყვანი ავიაკომპანიისა და აეროპორტის წარმომადგენელი მონაწილეობს. დაგეგმილია 5000-ზე მეტი პირისპირ შეხვედრა.
საქართველოს ფორუმზე აეროპორტების გაერთიანება (UAG) წარმოადგენს. რიმინიში საქართველოს აეროპორტების გაერთიანება სტენდით იქნება წარმოდგენილი, თბილისისა და ბათუმის ოპერატორ კომპანია TAV Georgia-სთან თანამშრომლობით.
სამდღიანი ფორუმის ფარგლებში დაგეგმილია შეხვედრები როგორც ბაზარზე მოქმედ ავიაკომპანიებთან, ისე პოტენციურ პარტნიორებსა და აეროპორტებთან. საქართველოს აეროპორტების გაერთიანების გენერალური დირექტორი ლევან მოსეშვილი, საერთაშორისო პარტნიორებს საქართველოს სამივე სერთაშორისო აეროპორტების შესაძლებლობებსა და განვითარების პოტენციალს გააცნობს.
ჯამში, აეროპორტების გაერთიანების გუნდს Routes Europe 2026-ზე 45-მდე შეხვედრა აქვს დაგეგმილი, სადაც განსაკუთრებული ყურადღება გამახვილდება ახალი ბაზრების ათვისებაზე, არსებული ბაზრების დივერსიფიკაციასა და საქართველოს ავიაციისა და ტურიზმის სექტორების განვითარების შესაძლებლობებზე.
ფორუმის ფარგლებში ასევე განიხილება საჰაერო ტრანსპორტის სფეროში არსებული და მოსალოდნელი გამოწვევები, ასევე ინდუსტრიის განვითარების თანამედროვე ტენდენციები.
პრემიუმ საცხოვრებელი, საერთაშორისო ბრენდები და მზარდი ინტერესი - VR Vake Sky Tower-ის პროექტის დეტალები
18.05.2026.10:00
უსაფრთხო გარემო, ინდივიდუალური მიდგომა და მრავალფეროვანი პროგრამები - როგორია „ია და ბავშვების“ თანამედროვე არაფორმალური განათლების სივრცის კონცეფცია
15.05.2026.18:00
„მაკრო მიმოხილვა: საქართველო და მსოფლიო“ - თიბისი კაპიტალმა და ამერიკის სავაჭრო პალატამ ბიზნესთან ტრადიციული შეხვედრა გამართეს
15.05.2026.16:30
KFC-ის გამოძახებას დღეიდან მხოლოდ Glovo-ზე შეძლებ — ყველაფერი, რაც ამ მნიშვნელოვან სიახლეზე უნდა იცოდე
15.05.2026.16:18
შენი საუკეთესო ციფრული გამოცდილებისთვის - ნახე, რა სიახლეები დაემატა თიბისის მობაილბანკს
15.05.2026.15:10
