განახლებული საზაფხულო ასორტიმენტი და ახალი ლოკაცია - რა სიახლეებს სთავაზობს Leonidas Georgia მომხმარებელს

ბიზნესი

სასტუმრო „ტელეგრაფი“ კაკო თოფურიას ნამუშევრების გამოფენას მასპინძლობს

26.10.2026.12:25

სასტუმრო „ტელეგრაფის“ სივრცე Network Lounge by Silknet თანამედროვე ქართველი მხატვრის, კაკო თოფურიას ნამუშევრების გამოფენას მასპინძლობს. ექსპოზიცია მხატვრის მრავალფეროვან შემოქმედებას აერთიანებს და დამთვალიერებელს მისი გამორჩეული მხატვრული სამყაროს გაცნობის შესაძლებლობას აძლევს.

კაკო თოფურიას შემოქმედებაში განსაკუთრებული ადგილი ფერს უჭირავს, რომლის საშუალებითაც მხატვარი საკუთარ ხედვასა და ემოციებს გადმოსცემს. მის ნამუშევრებში ექსპრესიონიზმისა და აბსტრაქციის ელემენტები ერთმანეთს ერწყმის და ფერის თავისუფალი მოძრაობით, მკვეთრი კონტრასტებითა და მოულოდნელი ფორმებით გამოირჩევა.

მხატვრის ინდივიდუალურ სტილს განსხვავებული მოტივების სინთეზი განსაზღვრავს. ერთი შეხედვით მარტივი ფორმები ხშირად რთულ, მრავალშრიან კომპოზიციებად გარდაიქმნება. კაკო თოფურია მუდმივად ექსპერიმენტებს ატარებს სხვადასხვა მასალასა და ფორმაში, რის შედეგადაც ნაცნობი თემები ახალ გამომსახველობას იძენს. მისი შემოქმედება ფერწერასთან ერთად სკულპტურასა და ტექსტილსაც მოიცავს.

გამოფენა სილქ ჰოსფითალითისა და სილქნეტის მხარდაჭერით 25 ნოემბრამდე იქნება წარმოდგენილი.

20 მლნ ლარის ინვესტიცია და ახალი საწარმო - როგორია Elplus-ის განვითარების გეგმები 26.10.2026.12:00

საქართველოს ბანკთან პარტნიორობით მცხეთაში მულტიფუნქციური ტურისტული და საცხოვრებელი კომპლექსი შენდება 26.10.2026.11:52

დუშეთის მუნიციპალიტეტში ორი სკოლის რეკონსტრუქცია-რეაბილიტაცია იწყება 26.10.2026.11:46