ORVIX არის სამენტორო პროგრამების კლუბი, რომელიც ინდივიდებსა და ორგანიზაციებს ეხმარება პრობლემების იდენტიფიკაციიდან მათ პრაქტიკულ გადაწყვეტამდე მიღწევაში. მეტი ინფორმაციისთვის, Business Insider Georgia კომპანიის დამფუძნებელსა და მენტორს ლაშა ბარბაქაძეს ესაუბრა.

როგორია ORVIX-ის საქმიანობის სპეციფიკა, როდიდან ოპერირებთ ბაზარზე და რას სთავაზობთ მომხმარებლებს?

ORVIX არის სამენტორო პროგრამების კლუბი, რომელიც ინდივიდებსა და ორგანიზაციებს ეხმარება პრობლემების იდენტიფიკაციიდან მათ პრაქტიკულ გადაწყვეტამდე მიღწევაში.
კომპანიის საქმიანობა აერთიანებს განათლებასა და კონსალტინგს და მოიცავს მენტორულ პროგრამებს, რეალურ ქეისებზე დაფუძნებულ სწავლებას და ბიზნესისა თუ ორგანიზაციული განვითარების მიმართულებებს, მათ შორის გაყიდვების, მარკეტინგის, ფინანსების, მენეჯმენტის სტრატეგიულ განვითარებას, HR-სა და გრაფიკული თუ 3D ვიზუალის მიმართულებას.

ORVIX ბაზარზე 2024 წლის სექტემბრიდან ოპერირებს.

მომხმარებლებს ვთავაზობთ როგორც ინდივიდუალურ სამენტორო პროგრამებს, ასევე კომპანიებისთვის მორგებულ ტრენინგებს, რომლებიც ეფუძნება მათ საჭიროებებს და ითვალისწინებს მოქნილ ფორმატს - როგორც შინაარსის, ისე დროისა და მიმდინარეობის თვალსაზრისით.

როგორ აფასებთ მოთხოვნას და ინტერესს ზოგადი თვალსაზრისით?

დღევანდელ სწრაფად ცვალებად გარემოში ცოდნის განახლება აუცილებლობად იქცა. თანამედროვე ბიზნესსა და სტარტაპ ეკოსისტემაში წარმატებისთვის სულ უფრო მნიშვნელოვანია პრაქტიკულ გამოცდილებაზე დაფუძნებული ცოდნა.

თუ წარსულში თეორიული განათლება ხშირად საკმარისი იყო, დღეს ეს მიდგომა აღარ ამართლებს. ბაზარი ითხოვს სწრაფ, ფოკუსირებულ და პრაქტიკულ სწავლებას, რომელიც რეალურ შედეგზეა ორიენტირებული.

ამავდროულად, იზრდება მოთხოვნა პროფესიის ცვლილებაზე და ამ პროცესში ტრენინგები უფრო მოქნილ და ეფექტურ ალტერნატივად გვევლინება, ვიდრე მრავალწლიანი ფორმალური განათლება.

ამ ტენდენციებმა მნიშვნელოვნად გაზარდა როგორც მოთხოვნა ტრენინგებზე, ასევე მიწოდება. ბაზარზე აქტიურად ოპერირებენ როგორც ტრენინგ ცენტრები, ისე დამოუკიდებელი ტრენერები.

რას მიიჩნევთ კომპანიის კონკურენტულ უპირატესობად?

ORVIX-ის მთავარი უპირატესობა სამენტორო კლუბის მოდელია, რომელიც თეორიასა და პრაქტიკას აერთიანებს.

ჩვენი მენტორები არიან საკუთარი სფეროს პრაქტიკოსი ლიდერები, რომელთაც 10 წელზე მეტი გამოცდილება აქვთ წამყვან კომპანიებში. ეს უზრუნველყოფს, რომ მომხმარებლები იღებენ არა მხოლოდ თეორიულ ცოდნას, არამედ რეალურ, პრაქტიკულ გამოცდილებას.
მნიშვნელოვან როლს თამაშობს სწავლების პროცესში მონაწილეების აქტიური ჩართულობა. მათ აქვთ შესაძლებლობა მიღებული ცოდნა უშუალოდ სწავლის პროცესშივე დანერგონ საკუთარ საქმიანობაში.

კომპანიის მთავარი მიზანია, ხელი შეუწყოს მონაწილეების კარიერულ განვითარებას და მათ მიერ ორგანიზაციებში რეალური ცვლილებების განხორციელებას.

დღემდე მიღებული გამოცდილების საფუძველზე, მომხმარებელთა კმაყოფილების მაჩვენებელი 95%-ს აღწევს, რაც დაუჯერებლად კარგი და საამაყო შედეგია.

როგორია კომპანიის სამომავლო გეგმები და განვითარების ხედვა?

კომპანია გეგმავს პროგრამების გაფართოებას და ახალი მიმართულებების დამატებას.
ასევე, იგეგმება სხვადასხვა ფორმატის ვორქშოპების ჩატარება, სადაც ჩაერთვებიან სფეროს წამყვანი სპეციალისტები.

ორვიქსისთვის ერთ-ერთი მნიშვნელოვანი გამოწვევაა კლუბის ჩამოყალიბება, სადაც როგორც მენტორები, ისევე ყველა კურსდამთავრებული იქნება გაწევრიანებული. ისინი შეძლებენ მსგავსი ინტერესის ხალხთან კომუნიკაციას, აზრთა გაცვლა-გამოცვლას და ახალი ურთიერთობების კაპიტალის დაგროვებას.