სასტუმრო „პაბელონი“ კახეთში, ყვარელში, ილიას ტბის მიმდებარედ მდებარეობს და სტუმრებს დასვენების, გასტრონომიისა და მრავალფეროვანი აქტივობების ერთ სივრცეში გაერთიანებულ გამოცდილებას სთავაზობს. მიმდინარე სიახლეებზე, ტურისტული სეზონის მოლოდინებსა და სამომავლო გეგმებზე Business Insider Georgia სასტუმრო „პაბელონის“ გენერალურ მენეჯერს თამარ ახალბედაშვილს ესაუბრა.

რა არის ბოლო პერიოდის ყველაზე მნიშვნელოვანი სიახლეები პაბელონში და რა მიმართულებით განვითარდა სასტუმრო?

ბოლო პერიოდში სასტუმრო „პაბელონში“ განსაკუთრებული ყურადღება დაეთმო როგორც ინფრასტრუქტურულ განვითარებას, ისე სტუმართა გამოცდილების გამრავალფეროვნებას. მნიშვნელოვნად გაფართოვდა სარეკრეაციო ზონა და დაემატა ახალი სპორტული სივრცეები - პიკლბოლისა და კალათბურთის მოედნები, რომლებიც განსაკუთრებით მოთხოვნადი გახდა როგორც ოჯახური დასვენების, ასევე კორპორატიული ღონისძიებების ფარგლებში.

აქტიურად ვითარდება სასტუმროს გასტრონომიული მიმართულებაც. განახლდა მენიუ, რომელიც ახალი შეფ-მზარეულის ხედვასა და თანამედროვე კულინარიულ ინტერპრეტაციებს ეფუძნება, თუმცა მთავარი აქცენტი კვლავ კახური სამზარეულოს ავთენტური გემოების შენარჩუნებაზეა გაკეთებული. ამასთან, შეიქმნა ახალი „კახური კუთხე“, სადაც სტუმრებს შესაძლებლობა აქვთ დააგემოვნონ ტრადიციული ქართული კერძები და უფრო ახლოს გაეცნონ ადგილობრივ კულტურასა და კულინარიულ მემკვიდრეობას.

ჩვენი მიზანია, „პაბელონი“ თითოეული სტუმრისთვის იქცეს განსაკუთრებულ გამოცდილებად - ადგილად, რომელიც ორგანულად აერთიანებს დასვენებას, ქართულ კულტურას, ღვინოს, გასტრონომიასა და აქტიურ გარემოს.

როგორ ხვდებით ახალ ტურისტულ სეზონს და რა მოლოდინები გაქვთ მიმდინარე პერიოდზე?

მაისიდან კახეთში ტრადიციულად იწყება მაღალი ტურისტული სეზონი და მიმდინარე წელს მოთხოვნა განსაკუთრებით მაღალია. შესაბამისად, სასტუმრო „პაბელონშიც“ მნიშვნელოვნად გაიზარდა დატვირთულობა როგორც ინდივიდუალური ვიზიტორების, ისე ტურისტული ჯგუფებისა და კორპორატიული სეგმენტის მხრიდან.

დღეს უკვე შეგვიძლია ვთქვათ, რომ „პაბელონი“ წარმატებით პოზიციონირდება არა მხოლოდ რეკრეაციული, არამედ ბიზნესტურიზმის მიმართულებითაც. სასტუმროს საკონფერენციო სივრცეები, რომლებიც 200-ზე მეტ სტუმარს იტევს, გვაძლევს შესაძლებლობას, აქტიურად მოვიზიდოთ MICE ტურიზმის სეგმენტი.

ამასთან, „პაბელონი“ იდეალური სივრცეა სხვადასხვა მასშტაბის ღონისძიებების ორგანიზებისთვის. სასტუმრო თანდათან ყალიბდება კახეთის ერთ-ერთ გამორჩეულ საქორწილო მიმართულებად, რასაც ხელს უწყობს მისი უნიკალური არქიტექტურა, ბუნებრივი გარემო, თანამედროვე ინფრასტრუქტურა, მრავალფუნქციური სივრცეები და სრულყოფილი მომსახურების კონცეფცია.

მიმდინარე სეზონის მიმართ მოლოდინები პოზიტიურია. დაინტერესება მაღალია როგორც ადგილობრივი, ისე საერთაშორისო ბაზრების მხრიდან და გვჯერა, რომ კახეთი კვლავ შეინარჩუნებს საქართველოს ერთ-ერთი ყველაზე მოთხოვნადი ტურისტული რეგიონის სტატუსს.

როგორია ჯავშნების დინამიკა სეზონის დაწყების ფონზე და შეინიშნება თუ არა ზრდა?

სეზონის დაწყებასთან ერთად ჯავშნების რაოდენობის ზრდა მკაფიოდ გამოიკვეთა. გარკვეული თარიღები და პრაქტიკულად სეზონის ყველა უქმე დღე უკვე სრულად არის დაჯავშნილი.

ზაფხულის პერიოდში განსაკუთრებული პოპულარობით სარგებლობს სასტუმროს გარე აუზი, რომელიც სტუმრებისთვის ერთ-ერთ მთავარ მიზიდულობის ცენტრს წარმოადგენს. აღსანიშნავია, რომ მიმდინარე წელს მნიშვნელოვნად გაიზარდა მოთხოვნა ხანგრძლივ განთავსებაზეც - სტუმრები სულ უფრო ხშირად ირჩევენ რამდენიმე დღით დარჩენას, რათა სრულად ისარგებლონ სასტუმროს მრავალფეროვანი აქტივობებითა და ინფრასტრუქტურული შესაძლებლობებით.

ზრდის ტენდენცია შეინიშნება როგორც პირდაპირი ჯავშნების, ასევე კორპორატიულ და ტურისტულ პარტნიორებთან თანამშრომლობის მიმართულებით.

იგეგმება თუ არა ახალი სერვისების, ინფრასტრუქტურის ან შეთავაზებების დამატება მომდევნო სეზონებზე?

განვითარება სასტუმრო „პაბელონის“ საქმიანობის განუყოფელი ნაწილია და ამ ეტაპზეც აქტიურად ვმუშაობთ რამდენიმე მნიშვნელოვან პროექტზე. ერთ-ერთი პრიორიტეტული მიმართულებაა სასტუმროს ტერიტორიაზე არსებული ტბის მიმდებარე სივრცის განვითარება, რომელიც მომავალში სტუმრებისთვის კიდევ უფრო მრავალფუნქციურ და მიმზიდველ ზონად გარდაიქმნება.

ასევე დაგეგმილია საბავშვო სივრცეების გაფართოება და ახალი გასართობი აქტივობების დამატება, რადგან ოჯახური ტურიზმი ჩვენი განვითარების ერთ-ერთ მნიშვნელოვან მიმართულებას წარმოადგენს.

პარალელურად, ვაგრძელებთ გასტრონომიული და ღვინის ტურიზმის მიმართულებების განვითარებას. სხვადასხვა სახის მასტერკლასები, ღვინის დეგუსტაციები და ადგილობრივ კულტურაზე დაფუძნებული გამოცდილებები მომავალშიც სასტუმრო „პაბელონის“ კონცეფციის მნიშვნელოვან ნაწილად დარჩება.

როგორია თქვენი სამომავლო ხედვა სასტუმროს პოზიციონირების და ზრდის კუთხით საქართველოში ტურიზმის ბაზარზე?

ჩვენი მთავარი მიზანია, სასტუმრო „პაბელონი“ ჩამოყალიბდეს კახეთის ერთ-ერთ გამორჩეულ სასტუმროდ, რომელიც სტუმრებს სთავაზობს არა მხოლოდ მაღალი ხარისხის განთავსების სერვისს, არამედ მრავალფეროვან და დასამახსოვრებელ გამოცდილებას.

ვისწრაფვით, რომ „პაბელონი“ ასოცირდებოდეს ქართულ სტუმართმოყვარეობასთან, ავთენტურ კულტურასთან, ღვინის ტრადიციებთან, გამორჩეულ გასტრონომიასთან და თანამედროვე კომფორტთან. სწორედ ამ ღირებულებებზე დაყრდნობით ვაგრძელებთ განვითარებას როგორც რეკრეაციული, ისე კორპორატიული და ღონისძიებების ტურიზმის მიმართულებით.

სამომავლოდ ჩვენი ხედვაა, სასტუმრო უფრო აქტიურად დამკვიდრდეს საერთაშორისო ბაზარზე და მნიშვნელოვანი წვლილი შეიტანოს კახეთის ტურისტული პოტენციალის პოპულარიზაციასა და რეგიონის საერთაშორისო ცნობადობის ზრდაში.